پێدڤیە هاریكاریا بەهرەداران بهێتە كرن
سۆلین سلێمان:
سترانبێژێ گەنج (محەمەد سەلاح) كو ب (دەستور) یێ بەرنیاسە، د دیدارەكێ دا بۆ رۆژنامەیا ئەڤرۆ گۆت: ئەز ژدایكبوویێ سالا 1995 مە و دژیێ 16 سالیێ دا من دەست ب سترانگۆتنێ كریە، ل دەستپێكێ من ستران ب ستایلێ راپ دگۆتن، پاشی من گۆهاڕت پۆپ.
هەروەسا گۆت: ئەز دەرچۆیێ پشكا شانۆیێ مە ل پەیمانگەها هونەرێن جوان، بەلێ حەزا من بۆ سترانگۆتنێ پترە و بەرهەمێ من یێ ئێكێ ب ناڤێ (مخابن) ل سالا 2014 هاتە بەلاڤكرن و پتری ملیۆن بینەران د یوتیۆبی دا دیتن، بۆ زانین ئەز پەیڤ و ئاوازان ژی چێدكەم و سترانێن من هەموو ژ پەیڤ و ئاوازێن منن، هەروەسا من هاریكاریا گەلەك گەنجان ژی كریە ئەوێن بەهرەیا سترانگۆتنێ هەین، لێ هەردەم ئەز دبێژم پێدڤیە وەزارەتا رەوشەنبیری هاریكاریا بەهرەداران بكەت، چنكو نوكە مە گەلەك گەنجێن دەنگخۆش هەنە هەكە هاریكاریا وان بهێتە كرن دێ شێن سترانێن باش تۆماركەن.
