ئەنفالێن ڕەش نەخۆشترین رۆژێن ژیانا من بوون
سالار محەمەد دۆسكی:
4-7
هەمان پێشمەرگەیێ شۆرشا گولانێ ئەو ژی گۆت: دەمێ گەهشتیمە ناڤ رێزێن شۆرشێ گەلەك ئاستەنگ بۆ خێزانا مە دهاتنە دانان، وی دەمی بابێ من ئەو ل دهۆكێ بوون و هندەك ژ خێزانا مە چوونە سەرسنگێ و چوونە مویسل و بابێ من هەرو ل مالەكێ بوو و خوە ڤەشارت و فەرمانا دەستەسەركرنا وی دەركەڤت بوو و چەند جاران چوونە دووڤدا و داخاز ژ بابێ من هاتەكرن كو باوەریێ بوومن دروست بكەت و ژ ناڤ پێشمەرگەی بهێمە باژێری و خوە رادەستی حوكمەتێ بكەم و بابێ من گۆت من نەهنارتیە و ب گۆتنا من نازڤریت ژی و ئەمنێ گۆتە بابێ من دایكا وی فرێكە دووڤدا بابێ من گۆتێ كورێ خوە نیاسم دێ دەیكا خوە قوتیت و هنێریت و نازڤریت و بابێ من كارێ خوە كر ب رەڤیت و مە هەڤالەك هەبوو بناڤێ(نافع تەلوەی) یێ شەهید بووی و ئەوی ئەرزاق و پێدڤی ئینابوون و سێ تەرەكتور گرت بوون و خودێ ژێ رازی (سەعدی زاویتەی) دیت و كاغەزەك بۆ جەنابێ سەرۆكی نڤێسیی و تێدا دیاركر كو كاودانێن وی نەخوشن و ب خێزان ڤە دێ دەركەڤن و چونكە ژیان ل باژێری ل گەل حوكمەتا بەعس گەلەك یا نەخوشە، (سەعدی) هاتە ئیرانێ و جەنابێ سەرۆكی دیت و رەوش و ژیانا بابێ من ل گەل بەحسكر و بەرسڤا جەنابێ سرۆكی ئەو بوویە كو مادەم خێزانەكا مەزنە رەنگە دبینم دێ پاشەروژا وان تێكچیت و زارۆك دهێنە بێ باركرن ژ قوتابخانان و باشترە خوە ل گەل كاودانا بگونجینن و دێ باشتر بیت چونكە ئەم نەشێین گرنتیا ژیانا وا بكەین، پێشتر حوكمەتێ داخاز ژ بابێ من كربوو و گۆت بوویێ فەوجەكا چەتا دروست بكە و (حكمەت عابد) وی دەمی مستەشار بوو و داخاز ژ بابێ من كر كو ببیتە هاریكارێ وی و بابێ من گۆتێ ناكەم و (ئیبراهیمێ حەجی مەلو) هەمان شێوە گوتێ حەزدكەم ببیە هاریكارێ منێ فەوجێ بابێ من گۆتێ ناكەم، ل سالا 1972 مامەكێ من شەهید بوو و ل سالا 1979 پسمامەكێ من شەهید بوو و بابێ من گۆت ب چ رەنگا ئەڤی كاری ناكەم و ئەو شەڤا بابێ من دا دەركەڤیت و بەرهەڤی كربوون و برایێ من ئەو ژی دابوونە ل گەل خوە (براهیم تەلوەی، ئەمینێ كورتێ، حەجی ئینسێ ئێتیتی، سەلیم حەجی جندی) بوو و چەند هەڤالێن وی بوون و ئەوا گۆتنێ دێ چینە دەڤ (براهیمێ حەجی مەلو) ئەگەر نەشێت تە ب پارێزیت ئانكو نەشێت مە هەمی مزیریا ب پارێزیت و گۆتنێ تو مستەشاری و (محەمەد) ئانكو بابێ من بەرهەڤی كرینە دێ دەركەڤیت و كەس هندی وی نێزیكی تەنینە و ئەوا وی بووتە كری ئەم نەشێین بووتە بكەین و ئەگەر تو نەشێی وی ب پارێزی ئانكو سوباهی تو نەشێی بوومە ژی چ بكەی و (براهیمی) بەرسڤ دا و گۆتێ ئەزێ دبێژمێ وەرە ببە هاریكارێ من و ئەو ناكەت و نەشێم ب پارێزم، بتنێ ب رێكەكێ دشێم پارێزم ئەو ژی بهێت ل بارەگایێ من روونتە خوارێ وی دەمی بارەگایێ وی ل دهۆكێ نەبوو، پشتی ئەڤان گۆتنا هەڤالێن بابێ من هاتن و پەیاما (ئیبراهیمی) گەهاندە بابێ من و باوەری بۆ بابێ من دروست كر كو بچیتە بارەگایێ فەوجا (ئیبراهیمی) روونتە خوار و بێی ناڤ نڤێسین و بێی هەر كارەك و ئەڤە بۆ ئەگەر بابێ من ژ دهۆكێ نە دەركەڤیت و ئەم ژی ماینە ل دەڤەرێ .
هەمان پێشمەرگەیێ شۆرشا گولانێ ئەو ژی گۆت: ل سالا 1985ێ ئەم شیاین چالاكیەكێ ل باعەدرێ بكەین و بەرپرسێ رێكخراوا حزبا بەعس ل دەڤەرێ ئەم شیاین ب كوژین وی دەمی ئەز ئامر مەفرەزە بووم و مەفرەزا مە ژ (9) پێشمەرگەیان پێك دهات و (حسێن هەسنەكی) دبێژنێ (حسێنێ عەبو) ئەوژی ل گەل مە بوو وی دەمی ئەو هاریكارێ رێكخراوا (شەهید عەلی عەبو) بوو و ل باعەدرێ دو گولە ب پێ من كەفتن و ئەز بریندار بووم و پشتی بریندار بوونێ چار هەیڤا ل دەڤەرێ مام و كاودانێن من نەباش بوون و نەبوونا نوژدار و دەرمانا و چارەسەریەكا پێدڤی بوومن بهێتەكرن وی دەمی بابێ من (2200) دینارێن ئیراقی هنارتن و ئاگەهداری رەوشا من بوو و دایكا من سەرەدانا من دا ب هاریكاری یا دو كەسێن ئێتیتی و دەرمان ژ نەخوشخانا سەدام دزین و دەربازكرن و دەرمان ب دەست مە نەكەفتن و برینا من زێدەتر بوو ژ هێزا دەرمانا وی دەمی هاریكارەكێ نوشداری هەبوو و بریندارێ ئێك بووم كەفتی مە دەستی و تیوری خواند بوو بەلێ پراكتیكی كار نەكربوو و ئەڤە بۆ ئەگەر چار پێنچ هەیڤا بمینە ل دەڤەرێ و رۆژ بۆ رۆژێ رەوشا من نەباش بوو و هەر هەمیان دگۆت دێ پێ تە هێـتەبرین وی دەمی رەوشا دارایی یا بابێ من وان یا باش بوو و پشتی پارە بوومن هنارتین بەرەڤ ئیرانێ چووم مەرەما چارەسەریێ و سالەكێ مامە ل ئیرانێ و من چارەسەری یا خوە كر و هەمان دەم ژی خولا كادران ژی هاتە ڤەكرن وی دەمی خولا هەشتێ بوو و چارەسەری و پشكداری خولێ هەر دو دئێك دەمدا من ئەنجامدام هەتا دەرچوویم.
ل دۆر ئەنفالان ژی ل سالا 1988ێ، هەمان پێشمەرگەیێ شۆرشا گولانێ گۆت: ل دەمێ ئەنفالا ئەز ل شێخان بووم و مە پێزانین هەبوون كو دێ هەوا ئەنفالان دژی ملەتێ مە دەست پێ كەت، ئەنفالا دەڤەرا بەهدینان قوناغا دووماهیێ بوو ژ هەوا ئەنفالان و پێشتر ل دەڤەرێن گەرمیان و كەركووك و هەولێر و دەڤەرێن دی دەست پێكربوو وەك پێشتر من دیاركری مە زانیاری هەبوون و دیسا مە گوهداری یا دەنگو باسا ژی دكر و یا چاڤەرێ كری بوو كو هەوا ئەنفالان دەستپێ بكەت و سالا 1988 بەری هەوا ئەنفالێن بەهدینان دەست پێ بكەت، شەرێ ئیران و ئیراقێ یێ هەشت سالی راوستیا و مە وی دەمی هەست ب مەترسیێ ل سەر مللەتێ كورد كر.