پارتی ل هه‌مبه‌ر كۆده‌تایه‌كا سپی!!
رۆژ بۆ رۆژ كێشه‌یا سیاسی ل هه‌رێما كوردستانێ رۆخسارێ وێ یێ دروست یێ دیار دبیت تایبه‌ت پشتی دیاربوونا ده‌ستێ ل پشت دروستبوونا حه‌شدا شه‌عبی ل شنگالێ و برینا بودجه و مووچێن هه‌رێمێ و ئازراندنا پرسا دستوورێ هه‌رێمێ و پۆستێ سه‌رۆكێ هه‌رێمێ! هۆسا خوه‌یا دبیت كو دروستبوونا زۆر لایه‌ن و حزبێن كوردی نه بۆ خزمه‌تكرنا دۆزا كوردیه!! به‌لكو بۆ دژایتكرنا پارتی یه و لاوازكرنا پێگه‌هێ كوردانه د چارچووڤێ عیراقێ و ده‌ڤه‌رێ دا ئانكو ڤان لایه‌نان خزمه‌تكرنا ئه‌جینده‌یێن ده‌ره‌كی پێ باشتر ژ رێكه‌فتن و هاریكاریا پارتی بۆ پارستن و خزمه‌تكرنا ڤی ملله‌تی!! به‌لێ دژایتكرنا وان نه دژایتكرنا پارتی یه به‌لكو دژایتكرنا مالا بارزانه، چونكی باش دزانن و دۆژمنێن كوردان ڤێ ژ هه‌ر كه‌س و لایه‌نه‌كێ دی باشتر دزانن كو پێگه‌هێ ڤێ مالێ ژ پێگه‌هێ هه‌ر حزب و لایه‌نه‌كێ دی ب هێزتره نه‌ك ب تنێ ل هه‌رێما كوردستانێ به‌لكو ل ده‌ڤه‌رێ و هه‌می جیهانێ!! به‌لێ ئه‌و چ ئه‌گه‌ر بوون ئه‌ڤ لایه‌نه هۆسا خورت بن ل به‌رامبه‌ر پارتی و هه‌رده‌ما ڤیا دا ب هه‌می ره‌نگان و ب خرابی هاڤێنه پارتی و لاوازترین لایه‌ن ژی دشێت جادێ و ته‌خێن جڤاكی دژی پارتی هانده‌ت و كێشا دروست كه‌ت و هه‌تا گه‌هشتیه وی راده‌یی كو هه‌می لایه‌ن رێكه‌فه‌تینه و ب هاریكاریا ده‌ره‌كی كو ب رێیا پرسا دستووری و پۆستێ سه‌رۆكێ هه‌رێمێ كۆده‌تایه‌كا سیاسی دژی پارتی ئه‌نجامبده‌ن ب تنێ بۆ بده‌ستڤه‌ئینانا چه‌ند مه‌ره‌مه‌كێن حزبی!! ئه‌رێ پارتی لاوازبوویه یان پیلان دزۆر و مه‌زنن؟؟ ئه‌گه‌رێ ژ هه‌میان گرنكتر باده‌كا گه‌نده‌لیێ یه كو پارتی ب دروستی نه‌شیایه ڤێ كێشێ چاره‌كه‌ت و چه‌ند كه‌س و لۆبی د ناڤ پارتیدا ب هێزكه‌فتینه و بووینه رێگر ل به‌رامبه‌ر چاكسازیێ و پارتی نه‌شیایه نه ل به‌غدا و نه ل هه‌رێمێ كه‌سانێن ب هێز و خودان شیان ل ناڤ په‌رله‌مانی و ده‌زگه‌هێن حكومی دانیت كو ب دروستی بشیێن ل به‌رامبه‌ر هه‌می لایه‌نان راوستن و كاربكه‌ن و پێگه‌هێ جه‌ماوه‌ری یێ پارتی بهێزبێخن!! ئه‌ڤه ل ده‌مه‌كیه كو پێگه‌هێ پارتی ل سلێمانیێ زۆرێ لاوازه و ل وێرێ زۆربه‌یی پیلانان دژی پارتی دئێنه دارێتن و جێبه‌جێگرن!! قه‌یرانا ئابووری و شه‌ڕێ داعش و كێشه‌یێن ل گه‌ل به‌غدا و لاوازیا خزمه‌تگوزاریا و نه‌رێخستنا پێشمه‌رگه‌یی و ده‌زگه‌هێن ئه‌منی و سیمایێن دو ئیداره‌یێ هه‌می ئه‌و بابه‌تێن كو لایه‌نێن دی ژلایه‌كیڤه رێگرن و ژ لایه‌كی دیڤه پارتی سووچدار دكه‌ن بۆ نه چاره‌كرنا وان و ب ریێا راگه‌هاندنا خوه ب تنێ لاوازیێ و تشتێ خراب وی بۆ خه‌لكی دیاردكه‌ن و پتر بارێ پارتی گران دكه‌ن و ب مخابینڤه دبێژین هه‌می لایه‌نێن پشكدار د حوكمه‌تا هه‌رێمێدا د ئاڤاهیێن حكومی ڤه پتر كارێ حزبی دكه‌ن ژ یێ ئیداری و خزمه‌تكرنا خه‌لكی و فێربووینه هه‌یام هه‌یام باده‌كێن گه‌نده‌لیێ یێن وان ده‌زگه‌هان یێن كه‌ڤن دژی پارتی ب ئازرینن و بكه‌نه په‌رده بۆ ڤه‌شارتنا گه‌نده‌لیێن خوه و به‌رده‌وام دبن حزبیكرنا ده‌زگه‌هێن حكومی!! له‌ورا دبێژین پشتی به‌لاڤبوونا په‌یاما سه‌رۆكێ هه‌رێمێ هۆسا خوه‌یا دبیت كو بارودۆخ زۆرێ مه‌ترسیداره و پیلانه‌كا مه‌زن دژی دۆزا كوردی یا دئیته بجهئینان و زۆر حزبێن كوردی پشكداری ڤی پیلانێ نه، ب تنێ بۆ شكاندن و لاوازكرنا پارتی!! و فه‌ره ئێدی پارتی بریارێن ژیرانه بده‌ت و ژخوه ده‌ست پێبكه‌ت و كه‌سانێن گه‌نده‌ل و لاواز و خراب سزا بده‌ت و بگهۆریت و خوه بۆ ڤان پیلانان بهێزتر لێبكه‌ت داكو مه‌ترسیا كێشێن ناڤخوه نه‌مینیت و بشێت ب دروستی رێگێریێ ل ڤان پیلانان بگریت و ب توندی وان لایه‌نان ئیدانه‌كه‌ت و سزابده‌ت و بۆ خه‌لكی دیاركه‌ت پارێزڤانێ ده‌ستكه‌فتێن دۆزا كوردی كینه و هه‌ستا وان یانه‌ته‌وه‌یی ب لڤینیت دژی جێبه‌جێكه‌رێن ڤان پیلانا و پاشی ب یاسا و بریار كوردستانێ ژ ڤان كار و كریار و لایه‌نان بپارێزیت!! هه‌كه نه دێ خاترا خوه ژ هه‌ر تشته‌كی خوازین و ئێدی دوباره ل بن ده‌ست ژین!!!
