چ پشکنین بۆ هەودانێن گەدی دهێنەکرن؟
د. زەینەب ئەحمەد سلێڤانەی، تایبەمەندا دەستنیشانکرنا نەخۆشیان و نەخۆشیێن خوینێ دیاردکەت کو بەکتریا گەدی (H. pylori) ئێک ژ بەربەلاڤترین جورێن هەودانێ یە کو نێزیکی 50% ژ مروڤان ل جیهانێ تووش دبنێ و گۆت: دەستنیشانکرنا وێ یا گرنگە بۆ ڕێگریگرتنێ ژ ئاریشەیێن وێ یێن مەزن وەک قەرحا گەدی و هەودانا دۆمدرێژ یا مەعیدێ، و بۆ کونترۆلکرنا نیشانێن وێ وەک بەرسۆژ، ئێشانا گەدی، و وەرمینا زکی.
د. زەینەب ئەحمەد دیارکر کو گەلەک پشکنین یێن هەین بۆ دەستنیشانکرنا ڤی بەکتریای، هندەک ژ وان ب ڕێكا نازووڕێ دبن و هندەکێن دی پێدڤی ب نازووڕێ نینن و گۆت: پشکنینێن پێدڤی ب نازوورێ نەبن و ل تاقیگەهان دهێنە کرن، گەلەکن، ژوانژی؛ پشکنینا ب ڕێکا هەناسێ (Urea breath test). و پشکنینا پیساتیێ (Stool for H. pylori Ag).
دکتۆرێ ئاماژە دا وێ چەندێ کو هەر پشکنینەکێ مفا و زیانێن خۆ یێن تایبەت هەنە، بەلێ ب گشتی باشترین پشکنین ژ لایێ هویربینی و لەزاتیێ ڤە، پشکنینا هەناسێ یە (Urea breath test).
د. زینب احمەد ڕوونکر ژی کو دەما گۆمان ل سەر هەبوونا ڤێ بەکتریایێ (H. pylori) هەبیت، پێدڤییە هەر کەسەکێ ئەڤ نیشانە ل دەڤ هەبن ڤێ پشکنینێ بکەت و دویڤچوونا ئەنجامی ل دەڤ نۆشدارەکێ تایبەتمەند بکەت و گۆت: بۆ دەستکەفتنا ئەنجامەکێ دروست، دڤێت نەخۆش بەری پشکنینێ ب شێوازەکێ دروست بهێتە ئامادەکرن و ب ڤی رەنگی:
* ڕۆژیکرتن: پێدڤییە نەخۆش بۆ دەمێ 4 تا 6 سعەتان یێ ب رۆژی بیت (چ نەخۆت و چ نەڤەگۆت).
* دەرمان : ئنەخۆش نەخۆش دەرمانێن دژە-بەکتریا بخۆت، دڤێت بهێنە ڕاگرتن و بۆ دەمێ نێزیکی دووحەفتیان نەخۆت. هەروەسا دەرمانێن گەدی و بەرسۆژێ ژی دڤێت بۆ دەمێ دو حەفتیان بهێنە ڕاگرتن.
* نەخۆشیێن دومدرێژ: هەکە نەخۆشی نەخۆشیێن دڵی یان شەکرێ هەبن، دڤێت دەرمانێن خۆ ل دویڤ ڕێنماییێن نۆشداری بخۆت.
ل دووماهییێ ڕوونکر ژی: ئەڤ بەکتریایە د لەشێ مروڤی دا هەیە ژ زارۆکێ نوی ژ دایکبووی تا مروڤێن مەزن، و دگەل عەمرێ مروڤی مەزن دبیت.، هەکە نەخۆش زارۆک بیت و نیشان ل دەڤ دیار ببن، ئەم پشکنینێ بۆ دکەین، بەلێ دڤێت ژیێ وی کێمتر نەبیت ژ 3 ساڵان داکو بشێت تێبگەهیت کو بۆ دەمێ 4 تا 6 سعەتان چ نەخۆت و نەڤەخۆت، و بشێت وێ کەپسۆلا تایبەت ب پشکنینا هەناسێ ب داعویریت.
هەکە نەشیا ڤێ چەندێ بکەت، وی دەمی ئەم دێ پشکنینا پیساتیێ بۆ کەین.
