محەمەد جبرائیل: ئەم یێ هێزا ڤێ یاریێ هێدی ڤەدگەڕینین و پێشبینیا ناسناڤان دکەین
شاهۆ فەرید:
تیما تایکواندۆیا یانەیا پیرس شیا ڕێزا دویێ ل سەر ئاستێ ئیراق و کوردستانێ بهێت و بیتە هێزەکا نوو د وەرزێ ئەڤ سالە دا، پشتی ب دووماهی هاتنا هەڤڕکیێن قارەمانییا نێڤدەولەتی ئەوا ل هەولێرا پایتەخت هاتیە کرن.
لدۆر ڤێ یەکێ د داخویانیەکێ دا محەمەد جبرائیل ڕاهێنەرێ تیما پیرس بۆ رۆژنامەیا ئەڤرۆ گۆ: تیما مە پشکدار د قارەمانیا ئامپاکت یا نێڤدەولەتی دا کر ئەوا سالانە دو جارا دهێتە رێکخستن، پرانییا یانەیان سەرانسەری ئیراقێ و کۆردستانێ پشکداریێ دکەن، ئەڤێ جارێ ژی پتر ژ چل یانەیان پشکداربوون ئەوا ل پارێزگەها هەولێری هاتبوو ئەنجامدان، قارەمانی ل سەر ئاستێ لاوان یا کچان و تازەپێگەهشتیان بۆ هەردو ڕەگەزان هاتبوو کرن.
لدۆر ئەنجامێن تیما وان گۆت ژی: تیما مە ل سەر ئاستێ گشتی ڕێزبەندیا دویێ دەستڤە ئینا، ل سەر ئاستێ تاک یاریزانێن مە ئاستەکێ هەرێ باش نیشاندان، یانزدە مەدالیێن ڕەنگین ب دەستخوەڤەئینیا و بڤی شێوەیێ دو زێر، سێ زیڤ و شەش بڕۆنزی، ل سەر ئاستێ لاوان یا شیرین فواد و شەدا جەلال ڕێزێن ئێکێهاتن، لینا عەبدولجەبار ل ڕێزا دویێ و ئەڤرین نیعمەت و شایان فەرهاد ڕێزێن سێیێ هاتن، ل سەر ئاستێ تازەپێگەهشتیا یاریزانێن مە ژی سیداد و ساسان ڕێزێن دویێ هاتن و محەمەد وارڤین و لانا. ئەحمەد ڕێزێن سێیێ هاتن.
زێدەتر ناڤهاتی گۆت ژی: مە هەڤرکیەکا هێز ل گەل یانەیێن بەرامبەر دکر، مە گەلەک ماندیبوون خوەڤە دیت هەتا شیاین ڕێزا دویێ یا گشتی بهێن، هێدی ئەم یێ هێزا ڤێ یاریێ ڤەدگەڕینن و پێشبینییا ناسناڤان دکەین، چەند یانەیێن دهۆکی پشکداری کربوون لێ وەکی مە بەرهەڤیێن باش نەکربوون، مە تیمیێن خوە جوان ڕێکخستی و ئامادەکربوون، سوپاسی بۆ هەرژەنگ بابەکر زێباری ژبەر هاریکاری و پالپشتی ژلایێ وی و کارگێریا یانەیا پیرس د. بەهزاد سالحی تیمێ هاتەکرن، کێم یانە دشیێن هەڤرکیا ئەڤێ قارەمانیێ بکەن، ئەم باشترین تیما تایکواندویێ نە سەرانسەری پارێزگەها دهۆکێ بێ هەڤرکین و گەلەک یاریزانێن یانەیێن دی ئەز شیرەتا و ڕاهێنانان پێشکێش وان دکەم بۆ هەڤرکیێ، پالپشتی هەبیت هەردەم دێ شیێن ئاست و ئەنجامێن باش دەستخوەڤەبینین.
