ب ئامادەبوونا د. سالار عوسمان خەلەکا ٤٢ێ یا بازنەیێ دانوستاندنێ بڕێڤەچوو
دوهی ١٦/٦/٢٠٢٦ و ب ئەمەدەبوونا د. سالار عوسمان، بەرپرسێ پشکا ڕەوشەنبیری و ڕاگەهاندنا پارتی چل و دووەمین خەلەکا بازنەیێ دانوستاندنێ ب ناڤونیشانێ «پرۆسێسا سیاسی یا هەرێما کوردستانێ و ئاستەنگێن وێ» ل هۆلا پشکا ڕەوشەنبیری و ڕاگەهاندنێ بڕێڤەچوو.
د. سالار عوسمان، سەنعان قەساب، رێباز بێرکۆتی، یونادم یوسف کەننا، دلشاد بابان، دلێر عەبدولخالق، نەجات عومەر ئاغا، ئازاد عوسمان، نیشتمان کەمال، کاروان جەلال، مەحمود نەشئەت، هەروەسا ئەندامێن بازنەیێ دانوستاندنێ شڤان حەمدی، عیماد تەها، د. جەلال ئەحمەد، فەرهاد محەمەد» بۆ دەمێ نێزیکی سێ دەمژمێران زۆر ب راشکاوانە دانوستاندن لسەر ڤێ پرسا هەستیار هاتە کرن.
ئامادەبوویێن دانوستاندنێ کو نوونەراتیا پتریا لایەنێن سیاسی و پێکهاتەیێن هەرێما کوردستانێ دکر، دوپاتی لسەر هندێ کر کو بەری هەر تشتەکی، پێدڤیە هەردو لایەنێن سەرەکی (پارتی و ئێکەتی) ب ئنیەتەکا باش و چارەسەرکرنا کێشەیان و گەهشتن ب ڕێککەفتنێ و کاراکرنا پەڕلەمانی و پێکئینانا کابینەیا تازە یا حکومەتا هەرێما کوردستانێ کۆم ببن.
