ل دەمێ وەرگرتنا ڤیتامین D ئاگەهداری ڤان خالان بە
راپۆرتێن نۆشداری یێن نوو دیار دکەن کو ئەو کەسێن پێگەهشتی و ساخلەم یێن عەمرێ وان د بن 75 سالیێ دا، ب گشتی پێدڤی ب بکارئینانا رۆژانە و بەردەوام یا ڤیتامین D نینن، چونکی لەش دشێت ب رێیا بەرکەفتنا راستەوخۆ دگەل تیشکا رۆژێ رێژەیا پێدڤی ڤ ڤیتامینی بەرهەم بینیت.
ل دویف نووچەیەکێ مالپەرێ “healthline”، نۆشدار پشتراست دکەن کو بکارئینانا حەب و تەمامکەرێن خارنێ ل دویف شێوازێ ژیانێ، جۆرێ خارنێ و عەمرێ کەسان دشێت گەلەک ب مفا بیت.
کۆمەڵە و رێکخراوێن نۆشداری یێن جیهانی، پێشنیار دکەن کو چەند گرۆپەکێن دیارکری رۆژانە تەمامکەرێ ڤیتامین D بکاربینن، کو ئەڤەنە:
• زارۆک و گەنجێن عەمر 1 تا 18 سالی.
• دانعەمرێن سەر 75 سالیێ.
• ژنێن دوگیان و ئەوێن شیرێ خۆ ددەنە زارۆکان.
• ئەو کەسێن ژ بەر کارێ خۆ یان ژیانێ ل وان دەڤەرێن کو زڤستانێن درێژ و تاری هەنە و کێمتر بەر تیشکا رۆژێ دکەڤن.
• ئەو نەخۆشێن کێشە د مژینا خارنێ دا هەی یان مەترسیا تووشبوونێ ب نەخۆشیا شەکرێ یا بلند ل دەف وان هەی.
• بۆ وان کەسێن پێگەهشتی یێن کو د دەرڤەی ڤان گرۆپانە بەلێ دڤێن ڤیتامینێ بکاربینن، دۆزا گونجای یا رۆژانە د ناڤبەرا 600 تا 800 یەکەیێن نێڤدەوڵەتی (IU) دایە، و نابیت بێی راوێژیا نۆشداری رێژا وێ ژ 4,000 یەکەیان زێدەتر لێ بهێت، چونکی کۆمبوونا زۆرا ڤیتامین D د لەشی دا دبيتە ئەگەرێ ژەهراویبوونێ.
