د ناڤبەرا ئاگرێ مێركاتۆیێ و هەڤڕكییێن مۆندیالێ دا یانەیێن كوردستانێ ڤەگوهاستنێن یاریزانان شاراندینە
قەیس وەیس:
جەماوەرێ وەرزشی ل جیهانێ ب گشتی و كوردستانێ ب تایبەتی مژویلی دیتنا هەڤڕكیێن مۆندیالا جیهانی یە ئێك ژ مەزنترین قارەمانیێن جیهانی مۆندیالا 2026ێ، لێ ژلایەكێ دووڤە یانەیێن وەرزشی ل سەر ئاستێ ئیراقێ و كوردستانێ ژی موژیلی ڕێكخستن و نووكرنا تیمێن خوە یێن فوتبۆلێ نە بۆ وەرزێ نوو یا خولا ستێرێن ئیراقێ ئەوا بڕیارە هەڤڕكیێن وێ دێ ل 14 تەباخا بهێت دەستپێكەت، لاپەرێ وەرزشی یێ رۆژنامەیا ئەڤرۆ چەند تیشك ل سەر بزاڤێن یانەیان بۆ ئیمزاكرن و ڤەگوهاستنا یاریزانان دا تایبەت یانەیێن كوردستانێ.
تیما دهۆكێ دێ جەنگاوەرێن هێز ڤەگەڕیت
پێشبینی دهێتە كرن تیما یانەیا دهۆك بۆ وەرزێ ئەڤ سالە ب شێوەیەكێ باشتر بیت ژ سالا بۆری تایبەت پشتی چەند گرێبەست هاتینە ڕاگەهاند و چاڤەڕێ گرێبەستێن مەزنتر و ئینانا كۆمەكا دی یاریزانان ژ وانان پیشەكاران، د پرێسكۆنفرەنسێ ڕۆژنامەڤانی دا ڕاهێنەرێ نوو یێ تیمێ یێ ئیرانی یەحیا گۆلمحەمەد كەیفخوەشیا خوە دیاركربوو كو ئارمانجێن دهۆكێ د مەزنن و ئەو گەشبینە وەرزێ ئەڤ سالە بگەهنە دەستكەڤتێن باش، ژلایەكێ دووڤە پارێزگارێ دهۆكێ ژی دوبارە پشتەڤانییا خوە و حوكمەتا هەرێمی بۆ یانەیا دهۆكێ نیشان دا.
ئەو یاریزانێن بووینە فەرمی
لدووڤ ڕاگەهاندنا یانەیا دهۆكێ گرێبەست دگەل هەر ئێك ژ یاریزانان، ڕێوان ئەمین، یونس حەمۆد، یێ مەغربی ڕزا ماجی، موهەنەد جەعاس، یێ بەرازیلی ڕیكارد سانتۆس ئیمزاكرینە و نووكرنا گرێبەستا هەر ئێك ژ سەفا هادی و گۆلپارێز ئەحمەد بەشاری، ژلایەكێ دووڤە دەنگۆیێن نە فەرمی هاتیە بەلاڤكرن كو دێ چەند یاریزانێن پەیوەندیێ ب یانەیێ كەن ئەو ژی ژ هیرشبەرێ سوری مەحمۆد ئەلمواس، شەریف عەبد كازم، سێ یاریزانێن گەنج یێن هەلبژارتیێ لاوێن ئیراقێ، یێ بەرازیلی ئیگۆرد هێنریك، ژلایەكێ دووڤە بابەتێ پیتەر گۆرگیسی دگەل یانەیا ئەهلی یا مسری ئێكلا نەبوویە و یاریزانی دیاركرییە هەكە یاریێ بۆ چو یانەیێن دەرڤەیێ ئیراقێ نە كەت دێ دوبارە ڤەگەڕیتە دهۆكێ، د رۆژێن بهێت دا دێ كۆمەكا دی یا گرێبەستان هێنە ڕاگەهاندن دناڤبەرا نووكرنێ و ئیمزاكرنێ دا
مێركاتۆیا زاخۆ ئاگرینە
ب سەركێشییا ڕاهێنەرێ خوە یێ نوو یێ تونسی ماهر كەنزانی كارگێرییا یانەیا زاخۆ هەتا نوكە 12 یاریزان ب شێوەیێ فەرمی ڕاگەهاندینە بۆ وەرزێ نوو دێ دگەل یانەیا وان بن و بڤی شێوەیی، ئەو یاریزانێن گرێبەستا خوە نووكرین، هەر ئێك ژ یێ باشۆرێ ئەفریقیا سیڤۆ ئیمۆلی، ئەمجەد عتوان، شڤان حاجی، گۆلپارێز عیماد عیسا، شێركۆ كەریم، یێ بەرازیلی ئۆرینهۆ، محەمەد عەلی عەبۆد، یێ نێجیری ئالیۆ ئادەم و گۆلپارێز هۆگر عەلی، ژلایەكێ دووڤە گرێبەست دگەل هەر ئێك ژ هارۆن ئەحمەد، ئەسیر سالح، موقتەدا حەسەن، بڕیاری د رۆژێن بهێت دا گرێبەستا كۆمەكا دی ژی یا یاریزانان بهێتە ڕاگەهاندن.
هەولێرێ ڕاهێنەرێ خوە دەستنیشانكر
ب فەرمی یانەیا هەولێر گرێبەست دگەل ڕاهێنەر لوئەی سەلاح ئیمزاكر ژبۆ سەرپەرشتییا تیما وان یا فوتبۆلێ بۆ وەرزێ نوو، ئەڤ گرێبەستا هات پشتی نەگەهشتنا ڕێكەڤتنێ دگەل عەدنان حەمەد، ژلایەكێ دووڤە پێشتر هاتبوو ڕاگەهاندن كو محەمەد خالد كۆفی چوویە دناڤ ڕێزێن تیما وان دا و گرێبەستا هەر ئێك ژ یاریزانێن خوە نیاز محەمەد، سەفین مەنسۆر و ئاكۆ عزێر بۆ وەرزەكێ دی نووكریە، دەنگۆ هاتیە بەلاڤكرن پشتی ڕاهێنەر هاتیە دەستنیشان كرن دێ یانەیا هەولێر دەست ب ئیمزاكرنا گرێبەستان كەت.
نەورۆز یا لەزێ د گرێبەستان دا دكەت
تیما یانەیا نەورۆز بەردەوامە ل سەر ئیمزاكرن و نووكرنا كۆمەكا گرێبەستێن یاریزانان بۆ وەرزێ نوو و هەتا نوكە شیایە 17 یاریزانان دناڤا پێكهاتیێ تیما خوە دا ئێكلا بكەت ئەوا دێ ب سەركێشییا ڕاهێنەرێ خوە وەلی كەریم بیت، یاریزانێن گرێبەستا خوە نوو كری هەر ئێك ژ، ڕەوا یوسف، محەمەد دلاوەر، محەمەد ڕزا، مەروان حسێن، نیاز محەمەد، سەفین مەنسۆر، ئاكۆ خزیر، چۆمان ئەحمەد و گۆلپارێز ڕاستگۆ فەریق، هەروەسان ئەو یاریزانێن نوو هاتین ئەوژی هەر ئێك یێ سۆری مەحمۆد باعس، مەهدی كامل، ئیبراهیم غازی، حسێن زیاد، یێ سربی لۆكین میربێچ، عەلی كازم گۆلپارێز، حسێن تارق و یێ مۆزەنبیقی ئێدمیلسۆن دۆڤ، ئەڤ ناڤە تا ڕادەیەكی پێكهاتیێ تیما نەورۆز ب دووماهی هاتینە و دبیت چەند یاریزانێن، پیشەكار زێدە بكەت.
