120 خولەك بتنێ ئێكلا كەر نینن
ل گەل دەستپێكرنا قووناغا 32ێ و ئێكلاكەر ل شەڤا دەربازبوویی هەردو هەلبژارتیێن ئەلمانیا و هۆلەندا ب لێدانێن پەنەلتییان تووشی خوسارەتیێ بوون و مۆندیال بجهێلا، ئەلمانیا بەرانبەر پاراگۆایی و هۆلەندا بەرانبەر مەغرب، ئانكو ببۆرینا 120 خولەكان بەس نەبوو تا لێدانێن پەنەلتییان سەركەڤتی ئێكلاكەری، ئامارێن بەری ڤێ مۆندیالێ دیاركرینە كو سەرجەمێ 73 یاریێن گەهشتینە قووناغێن ڤەبر ژ وانا 35 یاری ب لێدانێن پەنەلتییان ب دووماهی هاتینە، گرنگترین ئەوان یاریێن گەهشتینە پەنەلتیان یارییا فینالێ یا مۆندیالا 2022ێ ل قەتەر دناڤبەرا هەلبژارتیێ فرەنسا و ئەرجەنتین ئەوا یاری 2-2 بدووماهی هاتی و لێدانێن پەنەلتییان ئەرجەنتین بوو قارەمان، بۆ زانین بەندێ گۆلا زێرین ئەوا ل 2004 هاتییە هەلوەشاندن ل مۆندیالا 1998 و 2002 هاتبوو بجهئینان كو تێدا دماوەیێ چارێكێن زێدەكری دا هەردەمێ تیمەك گۆلەكێ بكە تدێ ئێكسەر یاری ب سەركەڤتنا وێ تیمێ ب دووماهی هێت بێ دووماهی هاتنا دەمێ مایی ژ چارێكێن یاریێ.
