عەدنان كەریمی كلیپا (سوبە رابە) بەلاڤكر
زنار تۆڤی
هونەرمەند (عەدنان كەریم)ی نووترین سترانا خۆ ب شێوازێ ڤیدیۆ كلیپ ب ناڤێ (سوبە رابە) بەلاڤكر، ئەڤ بەرهەمە سترانەكا كرمانجی یە، پەیڤێن هوزانڤانێ مەزنێ كورد جگەرخوینی نە.
عەدنان دبێژیت:جوانیا وێنەیێن ڤێ هوزانێ ئەز هاندام كو ئاوازا بكەم و مۆزیكا سترانێ ژلایێ هونەرمەند(خەلیل عەبدوللا) یی ڤە هاتیە دانان و ئەز هەست پێ دكەم كو گونجایترین مۆزیكە بۆ هاتیە دانان، چونكی ب تەمامی مۆركەكا كوردی كریە بەر ڤی بەرهەمی.
هەروەسا گۆت: كورد ل هەر پارچەیەكا كوردستانێ بن، فەرهەنگ، هونەر، كلتۆر و روحا كوردایەتیێ مە پتر نیزیكی ئێك دكەت، هەروەسا مە د ڤێ كلیپێ دا بزاڤكریە هەموو حەزژێكرنا كوردستانێ تێدا كۆم بكەین (راسان جەلال و سەباح ئەحمەد) وەكو وێنەگر دیمەن تۆماركرینە، مۆنتاژ ژی ژلایێ (هاورێ زاهر) ڤە هاتیە ئەنجامدان.
