نووكرن و ئیمزاكرنا گرێبەستێن یاریزانان دبەردەوامن و پیشەكارێن بەرازیلی و ئۆگەندی ژی دگەل دانە
قەیس وەیس:
یانەیێن پشكدار د خولا ستێرێن ئیراقێ دا د بەردەوامییا ئابدێتكرنێ ژبۆ ڤەگوهاستنا یاریزانێن نوو پێخەمەت باشترین بەرهەڤی بۆ وەرزێ نوو یێ خولا ستێرێن ئیراقێ یا فوتبۆلێ دا، یانەیێن كوردستانی ژی ل سەر پلانێن خوە بەردەوام و گرێبەستا چەند یاریزانێن دی ژی ئیمزاكرینە، بەری دەستپێكرنا وەرزێ نوو كو بڕیارە ل 14ێ تەباخا بهێت هەڤڕكیێن خولێ بهێنە ئەنجامدان.
ئەلهۆیێن نوو بەردەوام دهێن
كارگێرییا یانەیا دهۆك یا كارەكێ ڕێكخستی دكەت ژبۆ ڤەگوهاستنا یاریزانێن نوو پێخەمەت تیمەكا ب هێز بۆ وەرزێ نوو و دیسان بۆ یارییا سۆپەرا كەنداڤی، دووماهی یاریزانێ گرێبەست دگەل هاتیە ئیمزاكرن دگەل نڤێسینا ڤی بابەتی دهۆكێ گرێبەست دگەل یێ بەرازیلی ئیگۆر هندریك، دیسان برایێ مێرخاس دۆسكی كارزان دۆسكی، هەروەسان یێ سۆری مەحمۆد ئەلمواس، دیسان نووكرنا گرێبەستا یوسف ئەلئیمام.
هەتا نوكە ئەو یاریزانێن هاتینە دناڤ ڕێزێن تیمێ دا گۆلپارێزێ گەنج كومێل سەعەد، هادی سالح، ڕێوان ئەمین، یونس حەمۆد، یێ مەغربی ڕزا ماجی، موهەنەد جەعاز، یێ بەرازیلی ڕیكارد سانتۆس، نووكرنا گرێبەستا هەر ئێك ژ سەفا هادی، ئەحمەد عەلی و گۆلپارێز ئەحمەد بەشاری هاتیە كرن.
یاریزانێن بەربژار بۆ گرێبەستێ
لدووڤ ژێدەرێن باوەرپێكری دانۆستاندن دگەل كۆمەكا دی یا یاریزانان دهێتە كرن و هێشتا نە گەهشتینە چو ڕێكەڤتنان ئەو ژی هەر ئێك ژ شەریف عەبد كازم و سێ یاریزانێن گەنج یێن هەلبژارتیێ لاوێن ئیراقێ.
زاخۆ تیما خوە نوو دكەت
كارگێرییا یانەیا زاخۆ ژلایێ خوەڤە ژی یا تیما خوە نوودكەت و دانۆستاندن دگەل گەلەك یاریزانان هەیە، دووماهی یاریزانێ پیشەكار هاتیە دناڤ تیمێ دا یێ ئۆغەندی ئیڤان ئاهینمبۆسیبوا یێ هێرشبەر، هەروەسان گرێبەست دگەل گۆلپارێز حەسەن عەباس و یاریزانێ هێلا بەرەڤانیێ محەمەد غالبی ئیمزاكر.
ئەرێ یاریزانێن زاخۆ كینە؟
ل دووڤ ڕاگەهاندنا فەرمی هەتا نوكە یانەیا زاخۆ گرێبەست دگەل شەش پیشەكاران ئیماكرینە و بڤی شێوەیی یێ نێجیری ئالیۆ ئادەم، یێ بەرازیلی ئۆرینهۆ، یێ بەرازیلی جۆزێڤ ماوریسیۆ، یێ غانی مۆسێس ئابی و یێ باشۆرێ ئەفریقیا سیڤۆ ئمبۆلی، یێ ئۆغەندی ئیڤان ئاهینمبۆسیبوا هەروەسان ئەو یاریزانێن پێشتر گرێبەست ئیمزاكری و نووكری هەر ئێك ژ ئەمجەد عتوان، شڤان حاجی، گۆلپارێز عیماد عیسا، شێركۆ كەریم، محەمەد عەلی عەبۆد، گۆلپارێز هۆگر عەلی و گرێبەست ل گەل هارۆن ئەحمەد، ئەسیر سالح، موقتەدا حەسەن ئیمزاكرینە.
