پتریا ڤیدیۆیێن ئەز چێدكەم دەربڕینێ ژ جڤاكێ مە دكەن
بێوار حەمدی
دلدار فەیسەل، گەنجەكە بۆ دەمێ چار سالانە كارێ چێكرنا ڤیدیۆیێن كۆمێدی و جڤاكی دكەت، د دیدارەكێ دا بۆ رۆژنامەیا ئەڤرۆ دبێژیت: ل دەستپێكێ ئەز ب رێیا یوتیۆبی هاتمە دناڤ ڤی كاری دا، هێدی هێدی كارێ من بەرفرەه بوو و ئارمانجا من د سۆشیال مەدیایێ دا كەیفخۆشكرنا خەلكەكی یە، هەروەسا گەهاندنا پەیامێن دروستە، چنكو پتریا ڤیدیۆیێن ئەز چێدكەم دەربڕینێ ژ جڤاكێ مە دكەن.
هەروەسا گۆت: هەر كەسەكێ دناڤ سۆشیالێ دا كاردكەت دڤێت ب هشیاری كارێ خۆ بكەت و بزانیت كو هەموو جۆرێن مرۆڤان دێ تەماشەی كارێ وی كەن و ب رێیا ریكلامێن كۆمپانیان بوویمە خودان داهاتەك، لێ بەهرا پتر هزرا من ل سەر وێ چەندێ یە كو بینەرێن خۆ ڕازی بكەین، ژبەركو هەكە مرۆڤی پەیامەكا دروست و جوان هەبیت و هەموویان ڕازی بكەت دێ شێت داهاتەكی ژی ب دەستڤە ئینیت.
