پسپۆرێن وەرزشی: مۆندیالێ دەلیڤەیەكا باش دا كۆمەكا هەلبژارتییێن نوو و سۆپرایز ژی هەبوون
ڕاپۆرت: رەمەزان زەكەریا:
مۆندیالا جیهانی ئێك ژ روودانێن گرنگ و مەزنترین خرڤەبوونا هەلبژارتیێن جیهانێ یە كو پووتەیەكێ تایبەت بۆ دهێتە دان، ئەڤ مۆندیالە نە تنێ یارییەكا 90 خولەكی یە بەلكو كۆمڤەبوونا پرانییا خەلكێ جیهانێ یە، رۆژنامەیا ئەڤرۆ بۆچوونێن بەررسێن دو یانەیێن پارێزگەهێ بووینە و ئەوێن بڤی شێوەیی دیاركرین.
عومەر جەرجیس سلێمان جێگرێ سەرۆكێ یانەیا شێخان گۆت: ب گشتی هەتا نوكە زۆربەیا نیشانا دیار دكەن كو سیستەمێ ٤٨ تیمان یێ سەركەفتی بوو، هەرچەندە هندەك ڕەخنە ل سەر هەنە ولاتێن پتر پشكدار دبن كو ئەڤە بوویە ئەگەرێ زێدەبوونا كەیفخۆشی و گرنگییا یارییان د ناوچەیێن جیاواز دا، یا سەرنجڕاكێش بوو هندەك یارییان مۆرالا بلند هەبوو هندەك تیمێن مەزن ئاستەكێ باش نیشان دا و هەڤدەم هندەك شۆك و سوپرایز ژی ڕوودان، د هندەك یارییان دا ژی گۆڵ كێم بوون بەڵێ ژ ڕوویێ تاكتیك و هەڤڕكی ڤە د ب هێز بوون ب گشتی دهێتە گۆتن كو مۆندیالێ هەتا نوكە چاڤەرێبوونا زۆربەیا هۆگرێن تەپاپێیێ بجهـ ئینایە.
هەروەسان ناڤهاتی گۆت: هژمارەیا یارییان زۆرتر بوویە كو ئەڤە گرانیەكا مەزن ل سەر یاریزانان دروست دكەت زێدەكرنا تیمان ئەگەر هەیە ئاستێ هندەك یارییان كێم بكەت و ڕێكخستن و گەشتكرنا تیمان ئاڵۆزتر بوویە ب تایبەتی كو ئەڤ مۆندیالە د سێ وڵاتێن جیاواز دا دهێتە برێڤەبرن، هەڵبژاردەیێ فەرەنسا هەتا نوكە ژ ڕوویێ ئاستێ یاریێ و كاریگەریێ ل سەر یارییان دا زۆر باش بوویە و پێشبینی دكەم فەرەنسا ناسناڤی ببەت.
ژلایێ خوەڤە سوهەیب عەلی ئەندامێ كارگێریا یانەیا ئاكرێ یا وەرزشی گۆت: سیستەمێ 48 هەڵبژاردەیان ب دیتنا من نەیێ باش بوو، چونكی تاما قارەمانیێ نەهێلا ژبەر هندێ كو تیمێن لاواز د ناڤ دا بوون ل قۆناغا كۆمەڵان، ل قووناغا كۆمەڵان دا هەتا ڕادەیەكی زۆر یاری د ئاستێ پێدڤی دا نەبووینە هەتا نوكە ب دیتنا من هەڵبژارتییێن فەرەنسا و هۆڵەندا باشترین بووینە، پێشبینی دكەم هەڵبژارتیێ فەرەنسا ناسناڤێ مۆندیالێ ب دەستڤەبینیت.
