كچێن سهنحاریب: ئارمانجا مە پاراستنا ناسناڤێ ئیراقێ یە
تاهر رێكانی
بڕیاره ئهڤرۆ دهست ب ههڤركیێن ڤاڤارتنێن خولا ئیراقێ یا ڤۆلێ بولێ لسهر ئاستێ كچان ل هۆلا گرتییا یانهیا سهرنحاریب ل پارێزگهها دهۆكێ بهێنهكرن، یانهیا سهنحاریب نوونهراتیا پارێزگهها دهۆكێ و قارهمانا وهرزێ بۆری یا رژده بۆ دهربازبوون بەر ب یاریێن دووماهیێ، ئهوا دهێته چاڤهرێكرن ل پارێزگهها سلێمانیێ بهێنهكرن.
لدۆر بهرههڤیێن ڤان یارییان پرژه رزگار یاریزانا یانهیا سهنحایب گۆت: سهرهرای بهرههڤیێن مه یێن كێم تارادەیەكێ باش مه یێ خۆ بهرههڤكری و دێ ههمێ بزاڤان كهین ههڤركێن بهێز بین د ڤاڤارتناندا و دهربازی یاریێن دووماهیێ بین چونكو ئهم قارهمانێن وهرزێ بۆرینه دڤێت ڤی دهسكهفتی ژ دهست نهدهین و ناڤێ سهنحاریب و پارێزگهها دهۆكێ ب پارێزین.
ههر دیسان بههره حامد یاریزانا تیمێ گۆت: تارادهكێ باش مه بهرههڤیێن خۆ كرینه، مه باوهری ب شیانێن كادرێ راهێنانێ ههنه كو بشێن ژ ههمی ئاستهگان دهربازبن، ئهوێن كهفتینه د رێكا تیمێ دا ژ ژلایێ نهبوونا دهمهكێ گونجای بو راهێنانان، ههر دیسان گرێدانا چهند یاریزانێن مه یێن خۆدان شیان و سهرهكی ب ئهزموونێن 12 ئامادهیی ڤه، كو تنێ دو یهكهیێن راهێنانێ دگهل تیمی ئهنجام داینه ئهڤێ چهندێ كارتێكرنهكا مهزن لسهر تیمێ ههیه.
لدووماهیێ ئیڤۆن داود هاریكارا راهێنهرێ تیمێ گۆت: سوپاس بۆ كارگێر ییا یانهیێ كو هندی د شیاندا ههبیت ژ پێ خهمهت پێشئێخستنا ئاستێ تیمێ بۆمه یا هاتیه كرن، ههرچهنده مه كێماسی ههنه، سهرهرایی ڤێ چهندێ ئارمانجا مه یا سهرهكێ ب دهستڤهئینانا ئێك ژ پلێتێن دهربازبوونێ نه بۆ قووناغا دووماهیێ ئهوا دێ 12 یانه سهرانسهری ئیراقێ ههڤركیێ لسهر كهن بۆ دهربازبوونا چار پلێتێن قووناغا بهێت، ئاریشا مه یا سهرهكی كونتاك دناڤبهرا ههمی یاریزانین مهدا پهیدا نهبوویه ژ بهركو چهند یاریزانێن مه قوتابینه و ژنوو گههشتینه رێزین تیمێ، ئهركێ مه گهلهك ب زهحمهته چونكه ئهم خودانێن ناسناڤی نه ب ههر حالهكێ بیت پێدڤیه ئهم ڤی ناسناڤێ ب پارێزین.
دهێته زانین ڤاڤارتنێن خولا ئیراقێ ب پشكداریا ههر ئێك ژ یانهیان سهنحاریب، قهرهقوش، عینكاوه، ئهڤرۆدێت، ئهكاد، دهربهندیخان، تهقتهق، ئهرمهن، (مصافی الشمال)و ئهمانهت بهغدا ئەوا دێ ل هۆلا گرتیا یانهیا سهنحاریب هێنه برێڤهبرن.
