هەموو هونەرمەند پێدڤی ب پشتەڤانیێ نە
سندس سالح سلێڤانەیی
هونەرمەند و مۆزیكژەن (ناتۆ سلۆ) د دیدارەكێ دا بۆ رۆژنامەیا ئەڤرۆ گۆت: حەزژێكرنا من بۆ مۆزیكێ بۆ بەری چەندین سالان دزڤڕیت و ئێك ژ هیڤیێن من ئەو بوون دەمێ ئەز مەزن دبم ببمە ژەنیارەكێ بۆ باش و سوپاس بۆ خودێ و ب پشتەڤانیا مالباتێ حەزا من بجه هات و ئەز ل پشكا مۆزیكێ ل پەیمانگەها هونەرێن جوان هاتمە وەرگرتن و ب سەركەفتی مە ب دووماهی ئینا.
هەروەسا گۆت: پشتی مە پەیمانگەهـ ب دووماهی ئینای ئەز نەرەواستیام و من دڤیا د بوارێ ئەكادیمی دا فێر ببم، لەورا ل سالا (2014) ئەز چوومە زانكۆیا سەلاحەددین كولیژا هونەرێن جوان/پشكا مۆزیكێ و ل وێرێ دەرگەهێن مەزنتر بۆ من ڤە بوون، لەورا پتر دەلیڤە هات وەكو مۆزیكژەنەكێ ئەكادیمی خۆ پێ بگەهینم، سەبارەت سترانگۆتنێ ژی ل (2020) من دەستپێكر و من نەڤیا گەلەك لەزێ بكەم، لەورا هەتا نوكە من بتنێ سێ كلیپ هەنە و كلیپا منا ئێكێ (تەو گولێ) خەلكەكێ زۆر پێشوازی لێ كرن و ئەز پێ هاتمە نیاسین، بۆ زانین ئامیرەیێ من یێ سەرەكی (گیتارە) بەس ئەز عۆدێ ژی دژەنم و وەك پرۆژە هندەك ستران و كلیپ من ل بەر دەست هەنە و من ل بەرە ل نێزیك بەلاڤ بكەم، هەروەسا حەزژ گۆتنا سترانێن دوقۆلی ژی دكەم، لێ لەزێ ناكەم هەتا ئەو رۆژ دهێت و دەنگەكی ببینم ل گەل دەنگێ من بگونجیت و یا مای بێژم هەموو هونەرمەند پێدڤی ب پشتەڤانیێ نە.
