هەر ژ قووناغا 32ێ سوپرایز پەیدابوون و پێشبینی بۆ قارەمانێ مۆندیالێ ب زەحمەتە
رەمەزان زەكەریا:
ل سەر ئاستێ مۆندیالا ساڵا ٢٠٢٦ێ، گەلەك روودان و سۆپرایزێن نوو دناڤا مۆندیالێ دا پەیدابوون كو بەرۆڤاژی پێشبینییا بوو ژبۆ وەرگرتنا بۆچوونێن جودا رۆژنامەیا ئەڤرۆ بۆچوونا كارۆان باقی سكرتێریچ یانەیا شێلادزێ و شرۆڤەكارێ وەرزشی ل دەڤەرێ وەرگرت و بڤی شێوەیی.
ل دەستپێكێ گۆت مۆندیالا ئەڤ جارە سیستەم و هەڤڕكی و مێڤانداری یا جودا بوو، د قووناغا كۆمان دا هەموو هەلبژارتیێن مەزن دەربازبوونە قووناغا 32ێ لێ هەر ژ ڤێ قووناغێ سۆپرایز پەیدابوون تایبەت دەركەڤتنا ئەوان هەلبژارتیێن پێشتر بەربژار بوون بۆ ناسناڤی ژ وانانا ئەلمانیا و هۆلەندا،دووڤدا د قووناغا 16ێ دا بەرازیل، پۆرتۆگال و هەرسێ وەلاتێن مێڤان ئەمریكا، مەكسیك و كەندا،ئەڤە ژی وێ چەندێ دیاركەت كو هەتا فینالێ بۆچوون و پێشبینییا دەستنیشانكرنا هەلبژارتییەكی بۆ مۆندیالێ ب زەحمەتە.
ژلایەكێ دووڤە ناڤبری گۆتژی: ب گشتی زێدەبوونا هژمارەیێن پشكدار تیمان بوویە ئەگەرێ درێژبوونا دەمێ مۆندیالێ ئەڤە ژی كارتێكرنێ دكەت كو هۆگرێن تەپاپێیێ گرنگیەكا مەزن ب یارییێن دەستپێكێ نەدەن چونكی دیتنا زۆربەیا یارییێن ئێك لایەنە تیمەكا زۆر بهێز دگەل تیمەكا لاواز دێ وێ تام و خۆشییا جاران د یارییێن قۆناغا كۆمان دا كێم كەت ژ ئالیەكێ دی ڤە زێدەبوونا هژمارەیا یارییان گرانیەكا مەزن د ئێخیتە سەر ملێن یاریزانان و مەترسییا وەستیان و هنگاڤتنێ زێدە دكەت زێدەباری هندێ كو بارگرانیەكا دارایی زۆر ژ هەمی لایەكی ڤە دروست دكەت.
خویاكر: ب گشتی ئەڤە خزمەتە چونكی كێبڕكێ و چانسێ گەهشتنێ بۆ تیمێن دی زێدە دكەت بەس مەرج ئەوە ب چاڤدێری و پلانەكا گەلەك باش دابەشكرن بهێتەكرن و دەم بۆ بهێتە دان چونكی سیستەمەكێ نوو یە و پێدڤی ب ئەزموونكردنێ هەیە، هەتا نوكە كواڵێتییا یارییان یا باش بوو ب تایبەتی كو ڕێژەیەكا زۆر یا گۆڵان د یارییێن چۆیی دا هاتینە تۆماركرن.
ئاشكراكر: ب بۆچوونا من،هەڵبژاردەیێن فرەنسا و ئەرچەنتین خودان چانسێن هەرە مەزنن بۆ دەستڤەئینانا ناسناڤێ مۆندیالێ، چونكی ئەڤ تیمە پڕن ژ ستێرێن جیهانی و ئاستەكێ زۆر بلند د یارییێن خۆ دا پێشكەش كرییە، بەڵێ ئەگەر تنێ ئێك تیم دەستنیشان بكەم دبینم كو هەڵبژاردەیێ فەرەنسا دێ كێشێ بڕیت و ناسناڤێ مۆندیالێ بەت
