كەڤالێن سروشتی ئارامیێ د دەنە من
سندس سالح سلێڤانەیی
شێوەكار و ماموستا (جۆتیار عەبدولعەزیز عەبدوللا) د دیدارەكێ دا بۆ رۆژنامەیا ئەڤرۆ دیاركر كو د پتریا پێشانگەهێن شێوەكاری ئەو ب كەڤالەكێ سروشتی پشكداریێ تێدا دكەت و دووماهی پشكداریا وی ژی بەری حەفتیەكێ بوو، ل پێشانگەها ماموستایێن هونەری ئەوا ل ژلایێ رێڤەبەریا گشتی یا چالاكیێن قوتابخانەیان ل دهۆكێ هاتیە ڤەكرن و كەڤالێ وی ل دۆر سروشتێ دلڤەكەرێ دەڤەرا بەرواریان بوو.
ناڤهاتی گۆت: دەمێ ئەز كەڤالەكێ سروشتی چێدكەم یان نیشاددەم گەلەك ئارام دبم، چنكو كوردستان بگشتی و دەڤەرا مە ب تایبەتی ب سروشتێ خۆ یێ جوان و دلڤەكەر یا ناڤدارە، لەورا دڤێت ئەم هەموو ژینگەها خۆ باشتر ب پارێزین، چنكو ژین و ژیارا مە یا ل سەر ڤی عەردی و دخوازم هەموو شێوەكار گرنگیێ ب چێكرنا كەڤالێن سروشتی بدەن.
