پێدڤیە مرۆڤ ب سالان د ڕاگەهاندنێ دا كاربكەت دا كو ببیتە پیشەكار
بێوار حەمدی
ماهر شنگالی، پەیامنێرێ كەنالێ كوردستان (24) ل دهۆك و شنگالێ، د دیدارەكێ دا بۆ رۆژنامەیا ئەڤرۆ گۆت: دژیەكێ بچووك دا من حەز دكر رۆژەك بهێت ل كەنالەكێ راگەهاندنێ كاربكەم و سوپاس بۆ خودێ نوكە ل كوردستان (24) كاردكەم و بەری وی من ل گەلەك جهێن دی ژی كاركریە.
هەروەسا گۆت: پشكەكا گرنگ ژ ئەزموونا من یا ڕاگەهاندنێ ئەو بوو كو من گەلەك ڕۆناهی خستیە سەر دوسەیێن ئێزدیان و دەربەردەران، هەروەسا مژارێن شنگالێ بگشتی، دیسان پشكەكا مەزن ژ خەونا خۆ یا زاڕۆكینیێ من بجه ئینایە ژ ئەنجامدانا هندەك دیدارێن سادە ل گەل هەڤپۆلێن خۆ ل قوتابخانێ هەتا كو بوویە كاركرن ل ئێك ژ كەنالێن ئەسمانی یێن كوردی و پێدڤیە مرۆڤ ب سالان د ڕاگەهاندنێ دا كاربكەت دا كو ببیتە پیشەكار و بەردەوام ل سەر خۆ كاربكەت، دا بشێت بگەهیتە ئاستێن بلندتر و باشتر.
