ئەنجامێن زانكۆلاین ئەڤرۆ دی هێنە ڕاگەهاندن
رەمەزان زەكەریا:
وەزارەتا خواندنا بلند و ڤەكۆلینێن زانستی یا حوكمەتا هەرێما كوردستانێ ئاشكراكر، بڕیارە ئەڤرۆ رۆژا ئێكشەمبی 4/10/2026 ئەنجامێن زانكۆلاین بۆ دەرچوویێن پۆلا 12 دێ هێنە ڕاگەهاندن.
وەزارەتا خواندنا بلند و ڤەكۆلینێن زانستی یا حوكمەتا هەرێما كوردستانێ، د ڕاگەهاندنەكێ دا ئاماژە ب وێ چەندێ كریە كو ئەڤرۆ د كۆنگرەكێ ڕۆژنامەڤانی دا، ئەنجامێن وەرگرتنا دەرچوویێن پۆلا 12 ئامادەیی ل زانكۆیێن هەرێما كوردستانێ بۆ سالا نوو یا خواندنێ دێ هێنە ڕاگەهاندن.
وەزارەتێ گۆتیە ژی: پشتی ڕاگەهاندنا ئەنجامێن زانكۆلاین، دەست ب پرۆسێسا خواندنا قووناغا ئێكێ ل زانكۆیان دێ هێتە كرن، لەورا پێدڤییە ل سەر قوتابیێن وەرگرتی پشتی ڕاگەهاندنا ئەنجامان ڕاستەوخۆ پەیوەندیێ ب زانكۆیێن خۆ بكەن، بۆ ڤێ مەرەمێ ژی زانكۆیێن هەرێما كوردستانێ ئامادەكاریێن پێدڤی دكەن بۆ پێشوازیكرنێ ل قوتابیێن نوو بۆ سالا نوو یا خواندنێ.
بۆ زانین، ل رۆژا 17/9/2026ێ سیستەمێ زانكۆلاین بۆ دەرچوویێن پۆلا 12 ئامادەیی بۆ هەموو پشكێن زانستی، وێژەیی، پیشەیی و قوتابخانەیێن نێڤدەولەتی هاتبوو كاراكرن.
ئەڤ سالە 40 هزار و 716 دەرچوویان مافێ پڕكرنا فۆڕما زانكۆلاین هەبوو.
