فـێستیڤالا 19ێ یا تـری و هنـگڤینی ل دهۆكێ هاتە ڤەكرن
ب چاڤدێری و ئامادەبوونا د. عەلی تەتەر، پارێزگارێ دهۆكێ و بریندار حەیدەر، دەڤەردارێ دهۆكێ و دژوار شەوكەت، دەڤەردارێ سێمێلێ و ئەحمەد جەمیل، ڕێڤەبەرێ گشتی یێ چاندنێ و زكری بەشیر، ڕێڤەبەرێ كۆمپانییا كاڤین گروب و هژمارەكا بەرسێن دام و دەزگەهێن جودا، دوهی 3/10/2026 فێستیڤالا 19ێ یا تری و هنگڤینی ل فاملی مۆل هاتە ڤەكرن و بۆ دەمێ سێ رۆژان دێ یا بەردەوام بیت.
پارێزگارێ دهۆكێ د كۆنگرەكێ ڕۆژنامەڤانی دا پشتەڤانییا حوكمەتا هەرێما كوردستانێ بۆ پێشئێخستنا كەرتێ چاندنێ و بەرچاڤكرنا بەرهەمێن ناڤخۆیی دوپات كر، هەروەسا دەستخۆشی ل ڕێكخەرێن فێستیڤالێ و ڕێڤەبەرییا گشتی یا چاندنێ و كوردستان فاوندەیشن و كاڤین گروب كر كو سالانە ئەڤێ فیستیڤالێ رێك دئێكخن و دبیتە دەلیڤەیەك بۆ بەرچاڤكرنا بەرهەمێن هژمارەكا زۆرا جۆتیارێن دەڤەرێ.
