هه‌رێم د قووناغه‌كا مه‌ترسیدار دا دبۆریت!

پشتی كێشێن هه‌ڤلێر و به‌غدا گه‌هشتینه‌ راده‌كێ مه‌ترسیدار بیی كو چ چاره‌ لێ بن و تایبه‌ت كێشێن بودجه‌ و مووچه‌یان و دروستبوونا قه‌یرانا دارایی و به‌رده‌وامبوونا ناكۆكیان د ناڤبه‌را سونه‌ و شیعان و كارڤه‌دانێن وێ ل سه‌ر كوردان و په‌یدابوونا داعش و داگیركرنا ناوچێن سنه‌نشین و ئاوه‌ره‌بوونا سه‌دان هزار خه‌لكێ ڤان ده‌ڤه‌ران بۆ هه‌رێما كوردستانێ و شه‌ڕێ داعش ل گه‌ل كوردان ئه‌ڤ چه‌نده‌ هه‌می بوونه‌ ئه‌گه‌ر كو ده‌ستێوه‌ردانێن ده‌ره‌كی زال ببن ل سه‌ر بارودۆخێ عیراقێ ب گشتی و هه‌رێما كوردستانێ ب تایبه‌تی و ب مخابنیڤه‌ دبێژین پرانیا حزبێن كوردی موزایه‌داتێن سیاسی ده‌ستپێكرن و زێده‌باری كێشێن هه‌رێمێ كێشێن دستووری و سه‌رۆكاتیا هه‌رێمێ ئازراندن و ژ لایه‌كێ دیڤه‌ شه‌رێ راگه‌هاندنێ خورت بوویه‌ و نوكه‌ ب ئاشكرایی هنده‌ك سه‌ركردێن كوردان دژی دروستبوونا ده‌وله‌تا كوردی داخویانیان ده‌ن و كاردكه‌ن بۆ رێگرتن ل ڤێ چه‌ندێ و دروستكرنا گرۆپێن چه‌كدار وه‌كی حه‌شدا شه‌عبی ل ده‌ڤه‌رێن مادێ 140 قه‌یرانه‌كا دی یابێ باوه‌ریێ د ناڤ پارتێن كوردیدا دروستكر و پرانیا ڤان لایه‌نان دۆزا كوردی پشت گوه هاڤێتیه‌ و بۆ مه‌ره‌مێن ته‌سك یێن حزبی كاردكه‌ن و بارودۆخێ هه‌رێم به‌ر ب ئاقاره‌كێ خراب ڤه‌ دبه‌ن بێی كو هزر و كار بۆ وێ چه‌ندێ بكه‌ن كو دۆزا كوردی دۆزا هه‌می ملله‌تیه‌ نه‌ك ب تنێ دۆزا پارته‌كێ یه‌! به‌لێ به‌ره‌ڤاژی ڤێ چه‌ندێ ئه‌ڤان پارتێن كوردی پارتی كریه‌ ئارمانج بۆ ژ ناڤبرنا بیرۆكا ده‌وله‌تا كوردی و كێشێن ئیزدی و مه‌سیحیان موزایه‌دان پێ دكه‌ن و هانده‌ن دژی پارتی راوه‌ستن و داخوازا مافێ خوه‌ ل سه‌ر یێ ل ده‌ڤه‌رێن خوه‌ بكه‌ن دا پێگه‌هێ پارتی لاوازكه‌ن و ڤان ده‌ڤه‌ران ژ كوردستانێ ڤه‌قه‌تینن! و ب ده‌لیڤه‌ دیتیه‌ د ڤان قه‌یرانان دا بۆچوون و داخوازیێن خوه‌ سه‌پێنن سه‌ر پارتی! له‌ورا دبینین كو ئه‌ڤه‌ ده‌مه‌كه‌ سه‌رۆكێ هه‌رێمێ ل گه‌ل هه‌می لایه‌نان روونشتنان ئه‌نجامبده‌ت و بارودۆخێ نوكه‌ هه‌رێم تێدا ده‌رباز دبیت بۆ شرۆڤه‌ بكه‌ت و بزانیت بۆچوونێن وان چنه‌ و چ داخوازی هه‌نه‌. به‌لێ هۆسا خوه‌یا دبیت كو بارودۆخ زۆرێ مه‌ترسیداره‌ و گه‌هشتیه‌ وی راده‌یی سه‌رۆكێ هه‌رێمێ د روونشتنا ل گه‌ل لایه‌نن سیاسی یێن هه‌رێمێ گۆتیه‌ كو هه‌كه‌ ده‌وله‌تا كوردستان ل سه‌ر چه‌ند مێتره‌كان ژی بیت دێ راگه‌هینن!! ئه‌ڤه‌ وێ چه‌ندێ دیاردكه‌ت كو ب ئاشكرایی و ب هه‌می ره‌نگان دژایتكرنا پرۆژێ ده‌وله‌تا كوردی یا دئێته‌ كرن ل سه‌ر هه‌می ئاستان چ ل ناڤخوه‌ یان دره‌كی و مه‌ترسیا ڤێ دژایتكرنێ یا دوێ چه‌ندێ دا كو ئه‌ڤ ململانێ یا حزبی و ده‌ستێوه‌ردانێن ده‌ره‌كی كوردان به‌ر ب سایكس پیكۆیه‌كا دی به‌ن و ئه‌ڤ جاره‌ نموونا هه‌ردو كوریان ل سه‌ر هه‌رێمێ دوباره‌ بكه‌ن و ئه‌ڤ چه‌نده‌ ب هاریكاریا چه‌ند پارته‌كێن سیاسی یێن كوردی بخوه‌ یا دئێته‌ كرن! و سه‌ركرداتیا هه‌رێمێ مه‌ترسیا ڤێ چه‌ندێ باش دزانیت له‌ورا ئه‌ڤ كۆمبوون و روونشتنه‌ هاتنه‌ ئه‌نجامدان به‌ری سه‌رۆكێ هه‌رێمێ به‌ر ب ئه‌مریكا ب ڕێ بكه‌ڤیت!! و دئێته‌ پێشبینیكرن كو ئه‌ڤ سه‌ره‌دانه‌ یا یا جودا بیت و زۆرا گرنگ بیت و یا مه‌ترسیدار بیت بۆ وه‌لاتێن ئه‌قلیمی چونكو هه‌می ب چاڤه‌كێ ترس و به‌رژه‌وه‌ند په‌رێس ته‌ماشه‌یی ڤێ سه‌ره‌دانێ دكه‌ن كا د ده‌رئه‌نجام جێبن! به‌لێ ده‌رئه‌نجام چێبن د سه‌رۆكێ هه‌رێمێ ناما كوردان و بۆچوون و داخوازیێن كوردان ب ئاشكرایی و رۆهن بۆ ئیدارا ئه‌مریكی ده‌ته‌ دیاركرن! ئه‌ڤجا خه‌لكێ هه‌رێمێ بخو بلا بریارێ بده‌ت كا لپاشه‌روژێ چاره‌نڤیسێ وێ چاوا بیت و بریارا وی ده‌ستێن ویدا بیت ئان ده‌ستێن دوژمنێن وی دا بیت. به‌لێ ل پشتی ڤێ سه‌ره‌دانێ دی! گه‌له‌ك تشت دیار بن و رۆهن بن و بارودۆخ دێ به‌ر ب ئاراسته‌كێ دی چن! و دڤێت ملله‌ت خوه‌ بۆ ڤێ چه‌ندێ به‌رهه‌ڤ كه‌ت و پشته‌ڤان بیت هه‌كه‌ نه‌ دێ كوردستان به‌ر ب كێشه‌ و قه‌یرانێن مه‌ترسیدار چیت و ملله‌ت بخوه‌ دێ باجا ڤێ چه‌ندێ ده‌ت!

کۆمێنتا تە