شەھرستانی پێشمەرگەی ب داگیرکەر وەسف دکەت
ئەڤرۆ نيوز:
سەرۆکێ کوتلا سەربەخویان کو ئێکە ژ کوتلێن ھەڤپەیمانیا نیشتمانی یا شیعان راگەھاند پێشمەرگەی دەڤەرێن ھەردو پارێزگەھێن کەرکووک و نەینەوا یێن داگیر کرین و پەترۆلا وان دەڤەران ژی دبەت و دبێژیت:(دڤێت ئەڤ دەڤەرە ب رێیا مادێ ١٤٠ بھێنە چارە کرن).
حسێن شەھرستانی ھەڤدەم کو وەزیرێ خواندنا بلندە ژی دبێژیت: (کێشێن مە ل گەل ھەرێما کوردستانێ ب تنێ پرسا پەترۆلێ نینن، چونکو مە کێشێن دی یێن ھەین وەکو داگیرکرنا دەڤەرێن کەرکووک و نەینەوا ژ ئالیێ پێشمەرگێ کوردستانێ ڤە).
شەھرستانی دیار دکەت ژی کو بەری سالەکێ ئەو دەڤەرە ل بن دەستھەلاتا حوکمەتا فیدرال دا بوون و پەترۆلا وێ ل بن دەستێ کۆمپانیا نەفتا باکوور بوو و گۆت:(سالەکە حوکمەتا ھەرێما کوردستانێ پەترۆلا وان دەڤەران دبەت).