جوداهی د ناڤبه‌را جه‌نگه‌وه‌ران د چه‌په‌ری دا!!
ل سه‌ر ده‌مێ زه‌راده‌شتی ملله‌تێ وی باژێره‌كێ بن ئه‌رد ئاڤاكربوو ژ به‌ركو دگۆتن دو جینان ب چه‌كه‌كێ پێشكه‌فتی شه‌ڕ ل سه‌ر سه‌رێ وان دكرن! دبێژن مرۆڤێن ئه‌سمانان بوون شه‌ڕێ خوه ئینابوو ده‌ڤه‌رێ كو نوكه دبێژنێ كوردستان! هه‌تا نوكه ئه‌و شوونوارێن باژێری یێن ماین. د جه‌نگێن ل پشت شه‌ڕێ جیهانیێ دوویێ، ته‌كنیكێن شه‌ڕێ هێرشكرن و به‌ره‌ڤانیكرنێ ل گۆره‌ی پیلانێن له‌شكری هاتنه گوهارتن ب هاتنا چه‌كێ پێشكه‌فتی.. !!
ئه‌م هه‌ر وه‌كی خوه ماین هه‌تا ئه‌ڤرۆ، به‌لكو خراپتر!، نها هێزا چه‌كێ ئه‌سمانی یێ نێر و مێ یا ژ ئیكجودا دبینیت ل بلنداهیا 15 هزار متران.
ئه‌م ژی سه‌ربازی و عه‌مید و عه‌قیدی جودا ناكه‌ین د شه‌ڕی دا.
ئه‌م كورد د شانازین كو زه‌راده‌شتی ماین هه‌تا نها! لێ دا ئه‌م ژی ته‌ماشه‌ی پێشكه‌فتنا خوه بكه‌ین:
ب مه‌ڤه نه‌هات ئه‌م باژێرێن بن ئه‌رد چێبكه‌ین وه‌كی بابكێن خوه، ژ به‌ر كو (بودجه) نه‌بوو. لێ هه‌كه ئه‌م به‌راوه‌ردیا خوه ل گه‌ل مێشێن هنگڤینی بكه‌ین، پیلانێن وان د به‌ره‌ڤانیێ دا گه‌له‌ك ژ مه بهێزترن! ته‌ماشه‌ی چه‌په‌رێ مه و چه‌په‌رێ مێشا هنگڤینی بكه‌ن:
د شه‌ڕی دا مێشا هنگڤینی پاسه‌وانان ل به‌راهیا چه‌په‌ری ددانیت! ئه‌م كورد چ دكه‌ین؟ (عه‌میدان) دانینه سینگی و ل بن فه‌رمانا (رائیده‌كی)! و سه‌ربازان دانینه رێزێن پاش ل سه‌ر سیرامیكی.
ل ده‌مێ (ستنگ) ئانكو دوژمن هێرشێ دكه‌نه سه‌ر ئه‌و هه‌ر 50 پاسه‌وانان ب سه‌ركرده‌كی ڤه دكه‌ته قوربان ژ بۆ پاراستنا (خاتوونێ).
ئه‌م چ دكه‌ین؟: 50 (عه‌قیدا) ب دو پاسه‌وانان دانینه سینگی!
ما هه‌ما هه‌شت هه‌یڤا مووچێ وان یێ باش بوو د ژیانێ دا مادێ هۆ لێ كه‌ن؟.
ل سه‌ر چ بنگه‌ه سه‌رباز بلندتره ژ سه‌ركردێ خوه؟ ئه‌ڤه د قانوونا له‌شكری دا نینه! تنێ د له‌شكرێ كوردستانێ دا ئه‌ڤ دیارده یا هه‌ی. واسته‌ی د دانانا خالێن به‌ره‌ڤانیێ دا یا هه‌ی! ل دووڤ گۆتنا شه‌ڕكه‌ران.
مێشا هنگڤینی چ جاران ناهێلیت (خاتوون) بچیته سنگێ شه‌ڕی، یێن مه به‌روڤاژی سه‌رۆك گه‌له‌ك جاران چوویه سه‌نگه‌ری ئه‌ڤه ژی مه‌ترسیه بۆ مه هه‌میان. ئه‌م دڤێت سه‌رۆكی خوه بپارێزین!! سه‌رۆك به‌ری هه‌ر تشته‌كی!!.
ئه‌م سه‌رۆكی ژ ده‌ست بده‌ین هه‌ر وه‌كی ئه‌م دێ كوردستانێ ژ ده‌ست ده‌ین.
80% شه‌ڕێ ئه‌ڤرۆ بازرگانی یه! 20% نیشتیمانی یه! كی قازانج دكه‌ت د ڤی شه‌ڕی دا؟ (ساقت، كه‌تی، سڤك، و چ نه‌یی، دبنه كه‌سایه‌تی و خودان ته‌یر و ته‌وال ل سه‌ر ملان)!.
ڕه‌ڤین بۆ مێران شه‌ڕمه! كو زكێ وی بێشیت و بچیته بن (كۆنكریتی)!.
ڕه‌ڤین بۆ مێرا شه‌رمه! كو پشتی شه‌ڕی وێنان بگڕیت!!.
مه دیرۆك نه‌خواندیه له‌وما ئه‌م خه‌له‌تێن خوه دووباره دكه‌ین!.
