سه‌ره‌دانه‌كا باش و خراب!
بوچی ته گوته وه‌زیرێ ده‌رڤه و وه‌زیرا به‌ره‌ڤانیا نه‌رویجێ مه چ ئاریشه نینن! ژبلی پشته‌ڤانییا له‌شكه‌ری دژی شه‌ڕێ داعش دا مه چ نه‌ڤێت!.
بوچی ته نه گوته وه‌زیرا ملله‌تێ من یێ دڕه‌ڤیت د مڕیت دا بگه‌هیته وه‌لاتێ ته! چاڤێ خوه بده‌یێ تا كوردستان باش ببیت!؟
بوچی ته نه‌گوتێ ئه‌م د (كوروپشونێدا) یێ دڕزین؟ له‌وما كورد بوونه 450000هزار ل وه‌لاتێ ته!. ئه‌م پێدڤی هاریكاریێ و راوێژكاریا وه‌لاتێ هنگوینه كو مه قورتال بكه‌ن ژڤێ نه‌ساخیێ، ژبه‌تالیێ، بێ پاره‌ی، ژ بێ پاشه‌رۆژی، ژ بێ خواندن و نه ساخله‌می ملله‌تێ من یێ قه‌ستا په‌ترۆل و ماسیێن ته دكه‌ن!.
بوچی ته نه‌گوته خانمێ كو 80% ژ وان په‌نابه‌ران یێ ژ به‌ر مه دڕه‌ڤن!؟ و هنده‌ك ژی ژ به‌ر داعش!.
كوردستانێ 15 جاران پتر ژ نه‌رۆیجێ په‌ترۆل یا هه‌ی! لێ سالێ 15 هزار كورد یێ قه‌ستا نه‌رویجێ دكه‌ن.
گوتنه‌كا مه‌زنا دبێژت: به‌هه‌شتا مرۆڤی بار تێدا نه‌بیت بلا كه‌ر و گولگ لێ بچه‌رن. بوچی ڤان مرۆڤان به‌هره‌ك نینه د ڤێ به‌هه‌شتێ دا؟
بیرا په‌ترۆل وغازێ یا لگوندێ من ده‌ركه‌تی و ئه‌زێ خازخازوكیێ ژ نه‌رویجێ دكه‌م..
په‌نابه‌رێ كوردێ هه‌رێمێ مافێ په‌نابه‌ریێ وه‌رناگریت ژبه‌ركو حوكومه‌تا مه چ به‌حسێ مه نه‌كرن دگه‌ل وه‌زیرێ ژده‌رڤه‌یێ نه‌رویجی كا بۆ ملله‌ت دڕه‌ڤیت!! بۆچی ئه‌و ملله‌تێ كورد نینه؟یان نه دگرنگن؟ وان ژی ئه‌گه‌رێن كوچبوونێ یێن هه‌ین. یاگرنك بوو ئه‌ڤ بابه‌ته هاتبا كرن لگه‌ل وان.
په‌نابه‌رێن هه‌رێمێ چ بهایێ خوه نه‌بوو د سه‌ره‌دانا وه‌زیرێن وه‌لاتێ نه‌رویج دا ئه‌و یا خراب بوو بۆ په‌نابه‌رێن مه.
وه‌لاتێ نه‌رویج وه‌ك ئه‌نداما (ناتو) ئه‌ركه‌ك یێ هه‌ی د پرۆسێسا شه‌رێ دژی داعش دا، ئه‌و ژی مه‌شقدانا هێزا له‌شكه‌رێ عیراقێ یه!
هێزا پێشمه‌رگه‌ی ژی وه‌ك هێزه‌كا عیراقی دبینن، نه‌ك وه‌ك هێزه‌كا كوردستانی!. (ناتو) مه وه‌ك هێزه‌كا عیراقی دبینیت نه‌ك هێزه‌كا كوردستانی!. به‌لكی دا دلێ توركی خوه‌ش بكه‌ت!. نه‌رویج تنێ یا هاتی ئه‌ركێ (ناتو) بجه بینیت د عیراقێدا.
په‌نابه‌رێ خوه‌لیسه‌ر چ بكه‌ت پشتی ڤێ سه‌ره‌دانێ؟ دبێژن: ڤێرێ ژی لمه خراب نه‌كه‌ن! نزا دێ بخوه كیڤه ڕه‌ڤین؟
به‌ختێ خودێ به‌لا خوه ژ مه ڤه‌كه‌ن، بهێلن ڤان ده‌ه سالان بژین د دیموكراته‌یه‌تیێ دا، د ئازادیێ دا، د ئاشتیێ دا ل ناڤ به‌فرا نه‌رویج دا.
پترییا په‌یوه‌ندیێن هه‌رێمێ گه‌ل وه‌لاتێن جیهانێ بتنێ بازرگانی و له‌شكه‌رینه.
وه‌لاته‌ك نینه بۆ مه هنده‌ك ئارێشێن مرۆڤایه‌تی چاره بكه‌ت، یان (تونه‌لا) زاخو ته‌مام بكه‌ت.
باشییا ڤێ سه‌ره‌دانێ ژی ئه‌وه كو ئه‌ڤ وه‌لاته دێ مرۆڤێن سڤیل فێری بكارهینانا چه‌كی كه‌ت دا بهێنه كوشتن د شه‌ری دا.
