نێزیكه دیوارێ وان ب دزیا ئاڤاكری ب هه‌ڕفیت!
گه‌له‌ك ژ خه‌لكی وه‌سا هزر دكر ئه‌گه‌ر ئۆپۆزسیون بگه‌هیته ده‌ستهه‌لاتێ دێ كاودان و ژیانا خه‌لكی (180)پله‌یا به‌ره‌ف باشیێ دزڤریت، چونكه ل ده‌مێ ئه‌و پارت و لایه‌ن دئۆپۆزسیونێ دا بۆ خه‌لكی (بهار ئینابوو چوكان)، ئه‌و خه‌لكێ باوه‌ری ب به‌رنامه وبانگه‌شه‌یا وان چ یا هه‌لبژاردنا یان ژی یا سه‌ردابرنێ ئیناین سه‌ر تیرا هه‌میان ب به‌ری كه‌فت، چونكه پشتی گه‌هشتینه ده‌ست هه‌لاتێ نه ئه‌و سیك بوو ونه ئه‌و بازار، ئه‌و ئه‌زمانێن كه‌سه‌ك نه‌دشیا دانیته سه‌ر ئێك وه‌كو ئاڤا ل ئاگری كری هه‌می بێ ده‌نگ ومت بون وكه‌سێ خۆه ل گوتنێت خۆه نه‌كره خودان ونه ئه‌و كه‌سێن ب ده‌مژمێرا پروسێسا ژمێریاری(+،-،×،÷) دكرن بۆ پترول و داهاتیێن كوردستانێ، یان ژی ئه‌و كه‌سێن ئه‌درێس وهێلێن په‌حن دكێشان بۆ برێڤه‌برنا كوردستانێ،ل ێ پشتی گه‌هشتینه ده‌ستهه‌لاتێ هه‌می ئه‌و ژێك برن و كوم كرن و دابه‌ش كرن ژ بیرا وان چون وبونه هنده‌ك كه‌س وكه‌سایه‌تیێن دیتر، كه‌سایه‌تیا وان یا راسته‌قینه دیار بوو، چونكه ئه‌و بخۆه دناخێ خۆه‌دا كه‌سایه‌تییه‌كا جێمك ودووری و گه‌نده‌ل بۆن، وپشتی گه‌هشتنا وان بۆ ده‌ستهه‌لاتێ، هه‌ر زوی ده‌ست ب دزیا كر و ب (صندوقان)، پارێ خه‌لكی دزی و دگه‌ل كچێن بیانی ل ولاتێن جیهانێ كه‌یف وسه‌مایێ پێ دكه‌ن و ژ بۆ به‌رزه‌كرنا شه‌رمزاریێن خۆه وپه‌رده‌پوشكرنا گه‌له‌ك كریارێن دیتر رابون ب دارێژتنا پیلانان نه‌ك دژی پارتی بتنێ، به‌لكو دژی خه‌لكێ كوردستانێ و پرۆسێسا ده‌وله‌تبۆنا كوردستانێ و ده‌ستێ خۆه كره د گه‌ل سه‌حوسیێن (استخبارات) ولاتێن ده‌رڤه وبونه ئامیرێن ده‌ستێ بیانیا ژبۆ جهبه‌جهكرنا مه‌ره‌مێن وان، پیلانا ژ نافبرنا ئه‌زمونا كوردستانێ ئاشكرا بوو وخه‌لكی هه‌میان زانی دا ئه‌و پارت ولایه‌ن چ تاوان ده‌رهه‌قی ڤی ملله‌تی دا ئه‌نجام ده‌ن.
دیار بوو مه‌به‌ستا وان لایه‌ن وحزبان نه‌ك پرسا سه‌رۆكایه‌تیێ وده‌ستهه‌لاتێن سه‌رۆكێ هه‌رێمێ نه، نه‌خێر ئه‌ڤه بتنێ بهانه و پێخوارنه بۆن، مه‌به‌ستا وان یا راسته‌قینه و سه‌ره‌كی ژنافبرنا ده‌ستهه‌لاتا سیاسی، ئابوری، له‌شكه‌ری، ئیداری یا كوردستانی بوو، ئه‌و ده‌ستكه‌فتیێن كو پتر ژ سه‌ده‌یه‌كی یه كورد خه‌باتێ بۆ دكه‌ن، ئه‌و ده‌ستكه‌فتیێن ب خوینا هزاره‌ها گه‌نج ولاو پیرو هاولاتێن ڤی ملله‌تی هاتینه دی، ئه‌و ده‌ست كه‌فتیێن ب هزاران گوند بۆ هاتینه خرابكرن وكاڤل كرن و ب ده‌هان جارا سوتین وێران بوین، ئه‌و ده‌ستكه‌فتیێن چه‌ندین جارا بۆینه ئه‌گه‌رێ ئاواره‌بون و مشه‌خت بۆنا گه‌لێ مه بۆ ده‌رڤه‌ی ولاتی، ئه‌ڤ ده‌ست كه‌فتیه هه‌می ب وێ مال وێرانیێ و ده‌ربه‌رده‌ریێ هاتیه دی، به‌لێ مه‌ره‌ما وان ئه‌ڤه بوو كو كوردان بزڤرینه خالا (صفر)ێ، چونكه گه‌هشتن ب ئارمانجا نه دبه‌رژه‌وه‌ندا وان و ئاغایێن وان دایه، ژ به‌ر كو ئێدی نه‌شێن قویتێ خه‌لكی بخون و ل سه‌ر كیست وخوین و ره‌نجا خه‌لكی بژین و قه‌سر و قوسیر ودولارا لێك بده‌ن، خۆشیێ وزه‌نگنیێ ببینن، وان دڤێت هه‌ر ئه‌ڤ گه‌له ب نالێت ویێ ته‌په‌سه‌ر بیت دا ده‌ست كه‌فتی و ده‌وله‌مه‌ندی به‌هرا وان بیت، دیار بوو ئه‌و دیوارێت ب فێل و فندا وگه‌نده‌لیێ ودزیێ وان ئاڤاكرین به‌ره‌ڤ هه‌رفین و روخاندنێ دچن، چونكه پارێزه‌رێت ڤی ولاتی ژ هندێ مه‌زنترن وشیاینه ب سیاسه‌ت وپشته‌ڤانیا گه‌لێ خۆه پیلان و نه‌خشێن وان ژناڤ ببه‌ن، هه‌ر چه‌ند ئه‌و دزانن وخه‌لك هه‌می ژی دزانن كو رێڤه‌برنا كوردستانێ یا دده‌ستێت كه‌سێن باوه‌ر پێكری دا وهندی ئه‌و ل سه‌ر ده‌ست هه‌لاتێ بن، گه‌لێ كورد دێ یێ ئارام وته‌نا بیت وئه‌و دزانن كو رۆژ ب رۆژ پێنگاڤێت پیرۆز دهێنه هاڤێژتن ژبۆ ده‌وله‌تبون وسه‌ربه‌خویا كوردستانێ، وبتنێ یا كو وان وئاغایێت وان دئێشینیت هه‌ر ئه‌ڤ خاله‌یه نه‌ك پرسا سه‌رۆكاییه‌تییا هه‌رێمێ وده‌ست هه‌لاتێن سه‌رۆكێ هه‌رێمێ نه.
