جوداكرنا سلێمانیێ ژ كوردستانێ
دبێژن ههكه ئێك هویبوو خاستنێ ئێدی یا ب زهحمهته بهێلیت و بهفر فعلا خۆ ناهێلیت، دێ ههر باریت و ساربیت ئانكو سهخلهتێن خۆ ناهێلیت. گۆتنا مهزنا دبێژیت (فهلێ پیر بسورمان نابیت)، سیاسی و رهوشهنهزرێن ڤی باژێڕی پراسیهكا وان ههرا خاره.
ئهڤه دهولهتا ئۆسمانی خاندنگهها روشدیه ل سلێمانیێ ڤهكری ئهو باژێڕ یێ ژ ڤی دهستی چوویه ئێكێ دی. سیاسی و سهرڤهگێڕێن وێ هندی ژێ دهێن وی خهلكێ سۆتیێ كوردینیێ بۆ ئارمانجێن خۆ دزۆخینن و ئهڤ سهنتا سهرهدهریێ دگهل خۆجهێن سلێمانیێ هێشتا دویماهی نههاتیه و ههرا بهردهوامه. ئارمانجا سهرپشك ڤاڕێكرنا خهلكێ سلێمانیێ یه ژ رێبازا كوردینیێ و چێكرنا دهولهتهكێ بۆ ههمی كوردان و گرێدانا وانه ب نهخشاڤه، یێن ل دهولهتێن چار ڕهخێن كوردستانێ ل دژی كوردا دهێنه داڕێنن.
دهمێ گۆڤهرنویرێ-والی- (من ئهڤ گۆتنه ب كارئینا چنكی رێڤهبهرێن وی باژێڕی ب بكارئینانا گۆتنێن بیانی د ئاخڤتنێن خۆدا سلێمانیێ كره كهپیتهل – پایتهخت- یا رهوشهنهزریێ و پێ مزئاشهكێ گهلهك باش ژ میزانیا حكومهتا بێ پارهیا دهڤهرێ پیڕهكر) كهڤنێ وێرێ، كو هینگێ ژی ئێكهتی بوو، دهمهكێ كورت بهری ههلبژارتنێن پهرلهمانێ كوردستانێ ب دهها راپۆرت بهلاڤ دكرن و ل سهر هندێ رژدبوو كو باهرا (سلێمانیه رۆحهكه) ژ میزانیا پرۆژهیا باهرا شێری بوو و بهردهوام دگۆت سلێمانیێ ل ههمی بیاڤێن پێشكێشكرنا خلمهتا سهرپشكه. 1
هژمارێن میزانیێن د هاتنه دیاركرن ژ تریلیۆنێن دینارا دهربازدبوون2 و ب راستی د سهرێ مرۆڤی ڕا دبوونه چریسهت. ئهو هژمارێن بۆ سلێمانیێ هاتینه مهزاختن ب چ رهنگا دگهل یێن دهۆكێ یان ههولێرێ ناهێنه ههڤبهركرن. بۆ بهحسێ خهبهری: ههر وهزیرێ ساخلهمیێ جارهكێ گۆتبوو مه بۆ ساخلهمیا سلێمانیێ حهفتێ ملیار دینارێن ئیراقی مهزاختینه و بۆ دهۆكێ تهنێ شهش ملیار و نههسهد ملیۆن مهزاختینه، (ئانكۆ دههێكی) و هینگێ هێشتا وهزیرێ ساخلهمیێ یێ بهر و بهدهن تژیبوو. ئهم دزانین ژی هژمارا ئاكنجیێن سلێمانیێ دهه جارا هندی یا دهۆكێ نینه و رێژهیا بچویكبوونێ ل دهۆكێ ژ یا سلێمانیێ زێدهتره.
دیسا ل دویڤ هندهك پێزانینا پشكا سلێمانیێ ژ میزانیا كوردستانێ دگههیته چلوههشت ژ سهدێ و ئهو پێنجیودو ژ سهدێیا دمینیت باهرا ههولێرێ و دهۆكێ و دهڤهرێن دیێن ژێریا كوردستانێ یه، نهخاسمه جهێن پارتی لێ رێڤهبهرا خلمهتكرنێ یه و ل دویماهیێ باهرا دهۆكێ ژ میزانیا دهڤهرێ نابیته دهه ژ سهدێ و د سهر هندێ ڕا خهلكێ دهۆكێ هندێ دهڤ گازنده نینه و نهبوو.
دنیا ههمی دزانیت نێزیكا زێدهی پێنجی ژ سهدێ ژ مشهختێن قهستا كوردستانێ كری ل دهۆكێ هاتینه ڤهحهواندن. ڤێ گاڤێ، د رهوشا ئهم تێدا، هشا بهرپسیاریێ ل دهۆكێ ژ بهرژهوهندا كهسی پێنره و ددهتهسهر. ههكه ئهڤ ئێكه تێنهبا، تڤیا یێ نهڕازی ب باهرا خۆ دهۆكێ با، چنكی پشكا وێ گهلهكا كێمه و ب چ رهنگا دگهل رهوشا وێ ناڕههمیت.
پشتی ب هژمار هاتیه دیاركرن كو پشكا سلێمانیێ ژ میزانیا خلمهتكاریا نه كێمتری دهۆكێ و ههولێرێ یه، بهرۆڤاژی هندێ ژ یا ههردویا پێكڤه زێدهتره و تشتێ مرۆڤ ژێ بستهه هژمارا ملیاردێرا ل سلێمانیێ ژ هژمارا ملیاردێرێن باژێڕهكێ نهه ملیۆنیێ وهكی مۆسكۆڤایێ پێتره، ئانكو دراڤهكێ مهزن دڕژیێنه سلێمانیێ و ئهو دراڤ یێ بوویه ئهگهرا پهیدابوونا دهستهكهكا زهنگینێن كهشهفرێن ل باژێڕێ مهخسهد ژێ.
بهلێ باشه بۆچی ئهڤ لسهرێكزێدهكرنه ژ لایێ سهرۆكێ جڤاتا پارێزگهها سلێمانیێ ڤه دهێنه كرن؟ بهرسڤا یا بساناهیه. ههمی دزڤڕیته سهر كومبوونا پهرلهمانی ل رۆژا 23/06/2015، دهمێ قۆنسلێ ئیرانێ لێ بهرههڤبووی و خاندنا ئێكێ بۆ پڕۆژێ پێداچوونا قانوینا سهرۆكاتیا دهڤهرێ هاتیه كرن. ڤێجا هندی وان پێڤه دهێن دڤێن پارتی ل بهر دلێ خهلكێ رهشكهن و سلێمانیا ل سهر پارتی بئازرینن و ل دویماهیێ بشێن پڕۆژێ ئیرانێ ل دهڤهرا ژێریا كوردستانێ سهربێخن، ئهو پڕۆژه بهربهندكرنا پێڕابوونێن ڤهوژارتنا رێیا چێكرنا دهولهتا كوردستانێ و جودابوون ژ ئیراقێ یه.
ههكه ئهڤ ئێكه نهبیت تڤیا سهیدایێ ههڤال ئهبوبهكر سلێمانی بچیت قڕكا كادرێن بهرێ سلێمانیێ بڕێڤهدبر بگریت و بێژیتێ: ههوه چ كریه؟ بهلێ پا كابرا نهوێریت وێ چهندێ بكهت، دا ئێكهتی ژێ سل نهبیت و پڕۆژێ ههڤپشكێ دهرێخستنا سهرۆكێ دهڤهرێ ژ سهركێشیا كاروانێ خۆسهریا كوردستانێ نهفشتقیت. چنكی ناڤبری باش دزانیت ئهو ڤێ چهندێ بكهت دێ پێهنهكێ ل ئێخبالا خۆ دهت و ئێكهتیێن دیمۆكرات، یێن وهنهكری ئهو حهقێ خۆیێ خۆڕستیێ پارێزگهریێ وهرگریت و ئێكێ هندی نیڤا وی دهنگ ل ههلبژارتنا نهوهرگرتین دانایه سهر دفنا وی، ل سهر خۆ ب غهزهبئێخیت.
گهلهكا بهرهزره دراڤێ بۆ خلمهتێن خهلكێ هاتینه ڤهبڕین ئهوانا دهستگههێن وهكی (ووشه) یا گهلهك ملیۆنێن دۆلارا دابهلعاندین پێ ڤهكربن و د هزرا خۆدا ببێژن ههكه پارا كێمكر دێ پارتی گڤێشین دا باهرا ههولێرێ و دهۆكێ ژی بدهته مه و هوسا دێ خهلكێ وان ل ههمبهر رابیت و بهڕكێ ژ بن پێن پارتی كێشین.
• – بۆ پێتر بێزانینا ل سهر ئهڤا د سهردا نڤیسی تێندهنه نڤیسینا پارێزگهها سلێمانیێ ل بن ناڤێ (سلێمانی مهغدوره یان پێشهنگ و باشترینه، ل 14/11/2013، سهعهت 12. 39 هاتیه بهلاڤكرن). بێ خش نۆكه ئهڤ نڤیسینه د ئهرشیڤێ پارێزگههێ دا ههیه. راپۆرتا ئاڤڕی پێكری حهفت بهرپهڕێت A4ه. هینگێ كادرێت ئالیێ حوكمدار سهرێ خۆ پێ بلنددكر. ل مالپهڕێن سهر ب ئێكهتیێ ڤه هاتیه بهلاڤكرن.
• ل ماوهی سێ سالدا 3794 پڕۆژه له سلێمانی جێبهجێكراون. 14/12/2014. سهعهت 12,48، ل مالپهڕێ كوردستانی نوێ و Pukmedia هاتیه بهلاڤكرن.
