گۆڕان و گیروبوونا مووچان
چاخێ نهههم كۆمبوونا ههر پێنج ئالیێن سیاسیێن ههرێما كوردستانێ ل دۆر پرسا سهرۆكاتیا ههرێمێ ل سلێمانیێ ل هۆتێلا شاری جوان هاتیه بهستن، هیڤیا ههموو گهلێ كوردستانێ ئهو بوو ئهنجامهكێ جوان مینا شاری جوان مزگینی گێڕاندبا و دلێ مه ههمیا شادكربا، ب تایبهتی دلێ پێشمهرگهی و خێزانێن شههیدان، لێ مخابن هاوار و گازیێن مه نه گههشتنه چ ئهنجامێن جوان.
ب بههانهیا گیرۆبوونا مووچهیان ل پارێزگهها سلێمانیێ و ههلهبچه و گهرمیان خوهنیشادانان دهستپێكر كو مخابن ئاراستا وێ بهر ب كلتوورێ كوشتن و سۆتن و وێرانكرنێ ڤه چوو، ب تایبهتی ئهندام و كادر و بارهگایێن پارتی كرنه ئارمانج، ئهو ژی ب هاندانا گۆڕانخوازان كو مخابن ئهڤ كارێ تێكدهرانه بۆ جهێ دهستخۆشیكرنێ ژ لایێ تیرۆرستێن داعشڤه!! لێ د ههمان دهم دا داعشێ بۆ خوه ب دهلیڤه دیت هێرشێ بیننه بهرهیێ گوێر، لێ ژ لایێ پێشمهرگێن دلێرڤه هێرشا وان تێكشكاندهڤه، لێ یا دیاره كو ب ئاژاوهگێڕی و گێرهشێوێنی و كوشتن و سۆتن ئهو نكارن سهرۆكێ ههرێمێ لابدهن و مووچهی بۆ كهسێ دابین بكهن، لهوما ل ڤێ رهوشێ دا ههگهر مه سهرۆك پهرلهمانهكێ ئاژاوهگێر و چهند وهزیرهكێن دیكۆریێن سهر ب گۆڕانڤه ههبن یان نهبن، گهلۆ چاوا چێتره؟ ب تایبهتی وهزیرێ دارایی یێ كو مادهم ئهو خوه بێدهسهلات و موفلس دبینیت كو بۆ وی چێتربوو ئهو خوه ژ وهزارهتێ ڤهكێشیت بهری بهێته لادان!!
ل ئهڤێ بارگرژی و ئالۆزیێ دا بۆقا ئهزمۆنا دو ئیدارهیێ و شهرێ براكوژی و كۆڕهڤێ دهاته لێدان كو جارهكا دی دوباره ببنهڤه، لێ من باوهری ههیه كو ههلویست و شیرهتێن سهرۆك بارزانی و ههستكرنا وی ب بهرپرسیهكا دیرۆكی ناهێلیت بهر ب وی ئاقاریڤه بچیت ب تایبهتی ب فهرمانا بارزانی ههمی بارهگایێن پارتی ل وان دهڤهران رادهستی هێزێن ئێمناهیێ كربوون داكو پیلانا وان ب جهنههێت، لێ سهرهرای وێ چهندێ چهندین بارهگایێن پارتی كهتنه بهر ئاگرێ كهرب و كینا وان تێكدهران، ههتا گههشتیه ئاستێ وێ چهندێ خوین بهێته رشتن، و هێزێن ئێمناهیێ نهشیان یان ژی نهڤیان سنوورهكی بۆ ئهڤێ پێشێلكاریێ دانن و ههتا بارهگایهكێ حزبا سۆشیالیست ژی كهته بهر وێ لێسهرا هۆڤانهیا گۆرانخوازان ل دهمهكی دا كو بهرێز محهمهدی حاجی مهحموود وهك پێشمهرگه ل بهرۆكێن شهرێ دژی داعش دابوو، مخابن هۆسا دێ ئهو گێرهشێوێن پاداشتی دهنه خوینا كورێ وی شههید عهتای!! یانكو وهك دبێژن ئهو یێ بارهگایێن ب خوینا شههیدان هاتینه ئاڤاكرن د سۆژن ل دهمهكی دا پێشمهرگه یێ بنگههێن داعش دسۆژن!!
ههر ژ بۆ ڤێ چهندێ ل ڤێ داویێ چهندین كۆمبوون ل سهر ئاستێ زانكۆیێن كوردستانێ و رێڤهبهریێن پهروهردهیان هاتنه بهستن، داكو ماموستا ڤهگهرنه ناڤ هۆلێن خویندنێ و ب بزاڤێن خێرخوازان گههشتنه وێ بریارێ كو خوهنیشادان بۆ ڤی وهرزێ خویندنێ بهێنه ههلپهسارتن ژ بوونا خویندكار ل خویندنا خوه پاش نهكهڤن و دهلیڤه بهێته دان مووچه بهێنه دابینكرن، لێ سهرهرای وێ چهندێ هێشتا ل چهند دهڤهرهكان خوهنیشادان بهردهوامن و ههتا ل ڤێ داویێ وهك ڤهمالینا خوهها ناڤچاڤا خوهنیشاندهران بڕیارا خوهدا تهنێ رۆژا شهمبی ل ههموو ههفتییان خوهنیشاندانا خوه بكهن، ئهو ژی پشتی بهرێز ئاشتی ههورامی وهزیرێ سامانێن سرۆشتی داخوهیانیهك دای و گۆتی: ئهم دشێن مههانه مووچهیهكی دابین كهین و ئهو مووچێن دیژی نافهوتن و ههگهر مه شیان ههبن دبهررا دێ وان ژی دهین، ئانكو هاتینه بێ هیڤیكرن كو حوكمهتا ههرێمێ نهشێت سێ مووچان ڤێكرا بدهته ماموستا و فهرمانبهران.
لێڤهگهڕیان بۆ دیتنهڤهیا رێچارهیان بۆ قهیرانان و ب تایبهتی چاكسازی و بنبڕكرنا گهندهلیێ و مووچه و بژێویا خهلكی گهلهك گرنگتره و ئهركهكێ نهتهوییه سهرۆكایهتی و حوكمهت و پهرلهمان بكهنه بهرنامێن خوه و ههتا مه دهستوورهكێ ههمیشهیی ههبیت پاشی ل پهی وی دهستووری پرسا سهرۆكاتیا ههرێمێ بهێته چارهكرن، ههرچهنده ژ لایێ هێزێن ههڤپهیمانڤه هێشتا سهرهدهری وهك سهرۆكێ ههرێمێ ل گهل سهرۆك بارزانی دهێته كرن ب تایبهتی شاندێن ئهمریك ل سهر ئاستێن بلند بهردهوام دهێنه ههولێرا پایتهخت و كۆمبوونێن چارهنووسساز ل گهل بارزانی دكهن و ل گهل مانا وی نه وهك سهرۆك ههرێم ب ههموو دهسهلاتێن خوهڤه.
مخابن فهرمانێن داگیركهران ژی ژ لایێ هندهك لایهنێن سیاسیڤه یێن دهێنه ب جهئانین كو بۆ مافان لنگهكێ وان ل ناڤ حوكمهتێ دایه و بۆ ئهركان لنگێ دی ژدهرڤهی حوكمهتێ یه و ب ئهگهرا وێ جهندێ ههموو دزانن، قهیرانا دبێژته قهیرانێ وێڤه ههڕه!!
لهورا باشتربوو گۆڕانخوازان ل كۆمبوونا خوه یا ڤێ داویێ بریارهكا وێرهك دابا و ئۆپوزسیۆنهكا ب هێز و چالاك چێكربا و چاڤدێریا حوكمهتێ كربا، لێ مخابن ب دیتنا من ژ بهر چهند پۆستهكان و بهرژهوهندیێن تایبهت یان دا ل ناڤ حوكمهتێ دا بهردهوامبن ب كاڕێن ئاژاوهگێر، بریارا خوه ڤهكێشانێ ژ حوكمهتا ههرێما كوردستانێ نهدا، ل دهمهكی دا كابینهیا ههشتهم یا كارێ خوه دكهت بۆ پێكئانینا خۆلا دووهم یا دو سالێن مای.
