روسیا و چاره‌نڤیسه‌كێ به‌رزه‌ د ده‌ڤه‌رێ دا

پشتی شه‌رێ جیهانی یێ ئێكێ دونیا دابه‌شی دوو جه‌مسه‌را بو و بو ئه‌گه‌ر شه‌رێ سار دناڤبه‌را ئێكه‌تیا سوڤیه‌ت و ئه‌مریكا دروست بوو! و ژ سه‌ده‌ما ڤی شه‌ری و ئالوزیێن ئابوری ئێكه‌تیا سوڤیه‌ت توشی شه‌رێ نافخو هات و هه‌لوه‌شیا و چه‌ندین كومار جودابون ژێ و سه‌ربه‌خویا خو راگه‌هاندن و هه‌ڤپه‌یمانا سه‌ره‌كی یا ئێكه‌تیا سوڤیه‌ت یا جاران كو یوغسلاڤیا بو ئه‌و ژی بتمام ژ ناڤ چو و بو چه‌ندین ده‌وله‌ت ئانكو پشتی روخیانا ئێكه‌تیا سوڤیه‌تێ و یوغسلاڤیا كونترولا وان ل سه‌ر روژهه‌لاتا ئه‌وروپا و به‌رژه‌وه‌ندیێن وان ل روژ هه‌لاتا ناڤین و ئه‌فریقیا نه‌ما!!
ژ به‌ر لاوازیا روسیا ئه‌مریكا كونترولا هه‌می دونیایێ كر ب رێیا كومپانیا و لوبیێن ئابوری و سیاسی و به‌رژه‌وه‌ندیێن خو ل هه‌می كێشوه‌را سه‌پاندن و شیا ب سه‌ناهی ل سالا 2003 عیراقێ داگیر كه‌ت و رژێما سه‌دامی ژناڤ ببه‌ت كو هه‌ڤپه‌یمانه‌كێ به‌رزه‌ بو و بكره‌كێ سه‌ره‌كی یێ چه‌كێ روسیا بو و لدویف دا سودان دابه‌ش بو و بو دوو ده‌وله‌ت و پشتی بوهارا عه‌ره‌بی ده‌سپێكری ل سالا 2011 وه‌لاتێن زلهێز یێن عه‌ره‌بی ژلایێ چه‌كیڤه‌ وه‌كی مسر و لیبیا و یه‌مه‌ن و پاشی سوریا هه‌می توشی قه‌یرانێن مه‌زن بون یێن ئابوری و ئه‌منی و سیاسی و گه‌له‌ك ژ وان وه‌لاتا نوكه‌ نه‌ماینه‌ وه‌ك وه‌لات به‌لكو ب دروستی دابه‌ش بوینه‌!!
هه‌ر هه‌می گرێبه‌ستێن وان یێن چه‌كی دگه‌ل روسیا بون و بڤی ره‌نگی به‌رژه‌وه‌ندیێن روسیا توشی شكه‌ستنێن مه‌زن بوون و ئه‌و گرێبه‌ستێن چه‌كی ژ ناڤ چون ئه‌ڤه‌ ل ده‌مه‌كی روسیا ب خو یا ل بن گڤاشتنێن ئابوری و ئه‌منی و سزایێن ئابوری یێ مه‌زن، ئه‌ڤێن ژ لایێ ئه‌مریكا و ئه‌وروپا ڤه‌ ل سه‌ر هاتینه‌ سه‌پاندن و ژ ئه‌گه‌رێ ڤان كاودانا روسیا ژ نه‌چاری به‌ره‌ڤانی ژ رژێما ئه‌سه‌دی كر ل سوریا و چه‌ندین گروپێن چه‌كدار دروستكرینه‌ ب هه‌ڤكاریا ئیرانێ و حزب الله یا لوبنانی بو ژناڤبرنا سه‌رهلدانا خه‌لكێ سوریێ و پشتی ڤان هه‌می بزاڤان سه‌ر نه‌گرتی و مه‌كینا راگه‌هاندنا ئه‌مریكا و ئه‌وروپا بهه‌می ره‌نگا كار ل سه‌ر هه‌لویست و مه‌رامێن روسیا كر و چه‌ندین نهێنی یێن روسیا ئاشكرا كرن له‌ورا روسیا نه‌چار كر بفروكێن شه‌ركه‌ر و موشه‌كێن دویر هاڤێژ و گه‌فێن هنارتنا له‌شه‌كه‌رێ روسی برێیا هه‌ڤپه‌یمانیا هاتیه‌ راگه‌هاندن دناڤبه‌را روسی و ئیرانێ و سوریا و عیراقێ هاته‌ د گروپه‌نا شه‌رێ سوریادا !!
و سه‌ركردێن روسی بخو دزانن كو زیانێن مازن بو روسی هه‌نه‌ ژ ئه‌گه‌رێ ڤی شه‌ری تایبه‌ت یێن ئابوری به‌لێ هه‌می بزاڤا روسیا ئه‌وه‌ ئه‌و به‌رژه‌وه‌ندیێن خو یێن ماین د روژ هه‌لاتا ناڤین دا كو ل سوریێ نه‌ ژ ده‌ست نه‌ده‌ت و باش دزانیت كو ده‌ڤه‌ر یا به‌ره‌ف دابه‌شكرنه‌كا مه‌زن دچیت و یا بزاڤا دكه‌ت وه‌لاتێن روژئاڤا ریكه‌فتنه‌كێ دگه‌ل روسی بكه‌ن بو پارستنا هنده‌ك به‌رژه‌وه‌ندیێن وێ د ده‌ڤه‌رێ دا به‌رامبه‌ر ده‌ست به‌ردان ژ هه‌لویستێ خو به‌رامبه‌ر سوریا!!
ئه‌ڤه‌ ئه‌گه‌ر ئه‌م بزانین كو ئه‌مریكا كونترولا بارا پتر یا ده‌روازێن ئاڤی و جهێن ئیستراتیجی و پری سامان ل جیهانێ یاكری و ئه‌ڤه‌ مه‌ترسیه‌كا مه‌زنه‌ ل سه‌ر روسی و وه‌لاتێن روژهه‌لات و سه‌ركردێن روسی باش دزانن هه‌ر گاڤا ئه‌مریكا ڤیا دێ شه‌ری به‌ته‌ ناف روسیادا ب رێیا توركیا و ئه‌فغانستانێ و ئوزباكستانێ و چه‌ندین وه‌لاتێن دی و شه‌رێ نافخو لروسیا هه‌لكه‌ته‌ ڤه‌!!
له‌ورا نوكه‌ روسیا یا كاودانه‌كێ زورێ مه‌ترسیدار دا ژ هه‌می لاڤه‌ تایبه‌ت لایه‌نێ ئابوری و ئه‌منی !! و چاره‌نڤیسه‌كێ به‌رزه‌ چاڤه‌رێی روسیا دكه‌ت د ده‌ڤه‌رێ دا!! و هه‌می پێشبینی بو هندێ د چن كو رێكه‌فتنه‌ك بهێته‌ كرن دناڤبه‌را ئه‌مریكا و روسیا و ئه‌وروپا دا و روسیا هه‌لویستێن خو بگهوریت و تا راده‌كی هنده‌ك به‌رژه‌وه‌ندیێن وێ بهێنه‌ پاراستن د روژهه‌لاتا ناڤین دا !! ئه‌ڤه‌ ئه‌گه‌ر ئه‌م بزانین بدرێژیا مێژویێ و د هه‌می كاودان و شه‌ران دا سیاسه‌تا روسی شكه‌ستن ئینایه‌ و هه‌ر زوی ده‌ست ژ هه‌ڤپه‌یمانێن خو به‌ردایه‌!!

کۆمێنتا تە