رویێ رۆژێ ب موخه‌لێ ناهێته‌گرتن
ب رزگاركاركرنا شنكالێ جیهان و كوردستان بشێوه‌كی گشتی زۆر كه‌یفخوه‌ش و سه‌ربه‌رز بوون، به‌لی زۆر بمخابنی ڤه هنده‌ك لایه‌نێن سیاسیێن كوردی گه‌له‌ك دل ته‌نگ ونه‌ره‌حت بوون ، ب رێكا ئالاڤێت خوه یێن راگه‌هاندنێ كه‌فتنه دبه‌ره‌كێ خرابدا و بڤی ژێ تێر نه‌بوون ده‌ست دان ده‌ركرنا به‌یانناماو ئاخفتن و دیمه‌نێن ناشرین ودوور ژ راستیێ و ڤیان دورهێلا رزگاركرنا شنگالێ به‌روڤاژی نیشانا رایا گشتیا كوردستانی و جهانی بده‌ن. ره‌نگڤه دانه‌كا دورستا هه‌لویستێ كومبونێن چارقولی و شه‌ش قولێن هه‌یڤێت بوری بوون، ب قه‌تلازیا ده‌ستهه‌لاتێ و سوتنا باره‌گایێن پارتی، زنجیره‌یه‌كا درێژا هه‌لویستێن نا به‌رپرسانه‌یه ل دژی بزاڤا رزگاری خوازا كوردی و ل ده‌مێ هێرشا داعشێ بوَ سه‌ر شنگالی دیسان هه‌ر ئه‌ف لایه‌نه بون هه‌ر ج بوَختان و دره‌و و خیانه‌ت و نوَكه‌ری ل سه‌ر پارتی و هێزین پَیشمه‌رگێ كوردستانێ كرن و كه‌یفخوه‌ش و دل فرهه بوون ب شكه‌ستنا شنگالی و هه‌موو به رپرساتی ئێخستنه د ستویێ پارتی دا، سه‌ره‌رای ئه‌و غه‌در و كاره‌ساتا ب سه‌رێ باژێرێ شنگالێ و برایێن مه یێن ئێزدی هاتین، ئه‌ڤ لایه‌نێن سیاسی ئه‌ڤ دورهێلا ته‌حل و نه‌خوه‌ش بوَ كه‌سبا حزبی و راكێشانا ئیزدییان و چاندنا توڤێ دوو به‌ره‌كی و بی تفاقیێ و دورستكرنا بال بالا بوَ وێ مه‌به‌ستێ دی شێن جهێ خوه خوه‌شكن د شنگالێ دا و شنگالێ و ئێزدی بشێوه‌كی گشتی دێ دژی پارتی راوه‌ستن. ئه‌ڤان لایه‌نا خه‌ون و هیڤی ب وێ چه‌ندێ ڤه ددیتن كو پارتی سه‌رنه‌كه‌ڤیت ل ڤان ده‌ڤه‌را و بشكێت گومان تێدا نینه بشكه‌ستنا ڤان ده‌ڤه‌را ،شكه‌ستنه بوَ سه‌رتاسه‌ری بزاڤا رزگاری خوازا گه‌لێ كوردستانێ، ئه‌ڤه ژی ده‌رزه‌كا مه‌زن و گورزه‌كێ كوشنده‌یه ل بزاڤا رزگارێ خوازا گه‌لێ كوردستانێ بكه‌ڤیت، ئه‌و هیڤی وئاسوێن ل پێش بوَ ده‌وله‌تبوونا كوردستانێ، ئه‌ڤ مه‌ترسی یه ڤه‌دگێریتن بوَ قوناغیێت مێژووێ یێن بزاڤا سیاسیا كوردستانێ و ئه‌و ده‌رفه‌ت ود ه‌لیڤه‌یێن په‌یدابووین بوَ بده‌ستڤه‌ئینانا مافێن گه‌لێن كوردستانێ، هه‌ر ده‌مه‌كێ فه‌رسه‌ند و ده‌لیڤه روخسابیت بوَ گه‌لێ كورد، كورد دبێ تفاق و نه‌ئێكرێز بوونه، د دیروَكا كوردی دا چه‌ندێن وێزگه‌هێن بڤی ره‌نگی تێدا هه‌نه.
ژبه‌ر هه‌ستیارییا قوناغا ئه‌ڤرو كوردستان تێدا، ده‌ڤه‌را روَژهه‌لاتێ بشێوه‌یه‌كێ گشتی، ئه‌و شه‌رو و یارییا راسته‌وخوَ و جار جار ژی ب نوێنه‌راتییا وه‌لاتێن زلهێز دهێته كرن، هه‌ره‌شه و مه‌ترسیێن مه‌زنن ل سه‌ر ئاێنده‌یێ ده‌ڤه‌رێ هه‌نه؛ بێ گومان ده‌ڤه‌ر به‌ره‌ڤ گوهوَرین و پارچه‌بونێ ڤه دچت ، له‌وانێ پێدڤی یه ئه‌ڤروَ هه‌مو بزاڤا كوردستانێ ئێكگرتی وئێك ده‌نگ بت.
ئه‌گه‌ر هنده‌ك لایه‌نێن سیاسیێن كوردستانی بوَ هنده‌ك مه‌رامێن كه‌سبا حزبی وبه‌رژه‌وه‌ندێن ته‌نگ ژ ڤێ ئێكرێزیێ ڤارێ و دوێركه‌فتبیتن و بكه‌ڤیت د شوپاندنا پیلانێن دوژمنان دا، بوَ هه‌ستیارییا ڤی سه‌رده‌می و بوَ قوَناغا تازه ، پێدڤی یه تاكێ كوردستانێ و سازیێن نێشتمان په‌روه‌ر و سڤیل گه‌له‌ك ب هشیاری، بیر و هزرا ته‌ڤه‌گه‌را ئازادی خوازا كوردستانێ بكه‌ن، هێلا نیشتمان په‌روه‌ری و ئاڤابوونا ده‌وله‌تا كوردستانێ دگه‌ل لایه‌نێت دی یێن سیاسیێن بیركرنا بچووك و كوور ل لایه‌كێ و ل لایه‌كێ دیتر ئه‌و لایه‌نێن سیاسیێن بدروستی كه‌فتینه د بن شوپاندنا پیلانێن دوژمنان دا ل دژی ده‌ست كه‌فتێن سه‌روه‌رییا ئه‌ڤروَیا كوردستانێ كاردكه‌ن. بهێنه جوداكرن و پشته‌ڤانییا لایه‌نی نیشتمان په‌روه‌ر بكه‌ن بوَ سه‌ر ئێخستنا ڤێ قوناغێ.
