زاخۆ جارەکا دی یاریکەرەکێ خوە ڤەگەراند
ئەڤرۆ نیوز:
پشتی ل دەستپێکا وەرزێ ئەڤ سالە دەستەیا کارگێریا یانا زاخۆ ھەڤبەستا یاریکەرێ بەرێ ھەلبژارتیێ لاوێن عیراقێ و ئولومپی عیراقێ ئەحمەد عەباس ئیمزاکری و ل سەر داخوازیا وی یاریکەری ئەو ھەڤبەست ھاتە ھەلوەشاند و ھەڤبەستا شورتە ئیمزاکری، پشتی بورینا ھەشت یاریان ژ خولا عیراقێ نەشیای جھێ خوە ل پێکھاتیێ سەرەکی وی یانێ دا بینت و بەری چەند رۆژا ژلایێ راھێنەرێ وێ یانێ ڤە ھاتە دورخستن ژبەرکو ئەوی دیارکر بوو ئەوی چو پێدڤی ب شیانێن وی نینە.
ژێدەرەکێ نێزیک ژ یانا زاخۆ بۆ ئەڤرۆ نیوز دیارکر کارگێریا یانێ ب فەرمی گەھشتی یە رێککەفتنێ ل گەل ئەڤی یاریکەری بۆ ئیمزاکرنا ھەڤبەستا یانا زاخو بۆ یاریێن قوناغا دوێ ژ خۆلا عیراقێ .
ھەژی گوتنێ یە ب ھاتنا ئەحمەد عەباس دبیتە یاریکەرێ چارێ ژ یانا شورتە دھێـتە ڤەگوھاستن بۆ ناڤ پێکھاتیێ یانا زاخۆ ل ڤەگوھاستنێن زفستانی پشتی ھەر ئێک ژ حسێن عەبدولواحد، ئەمجەد رەحیم و ئەکرم ھاشم کو ئەڤ ھەر چار یاریکەرە ژ لایێ یانا شورتە ڤە ھاتبونە دورخستن .
