شنگال پشتی ئازادكرنێ ژ داعش پێتڤی ب ئازادكرنه‌كا دیه !!!!!
شنگال ئێك ژ وان ده‌ڤه‌رانه كو بدرێژاهیا مێژوویێ هه‌رده‌م ناكوَكی و شه‌ر دنافبه‌را سه‌ركردایه‌تیا كوردی و حوكمرانێن به‌غدا هه‌بوینه و پشتی روخیانا رێژێما به‌عس لسالا 2003 ئه‌ڤ ده‌ڤه‌ره تا راده‌كێ مه‌زن كه‌ته بن ده‌ستهه‌لاتا كوردی و حكومه‌تا به‌غدا ب هه‌موو ره‌نگا دژایه‌تیا ڤان ده‌ڤه‌را كر، بگره ژ نه‌بوونا پروَژا و خزمه‌تگوزرایا تا دروستكرنا ئوپراسیونا و گه‌فكرن لكوردان و بارودوخ بڤی ره‌نگی بوو تا سالا 2014 و په‌یدابوونا داعش و كونتروَل كرنا وێ بوَ پارێزگه‌هێن موسل و دیالا و صلاحه‌الدین و ئه‌نبار و مه‌ترسیا گرتنا به‌غدا ژ لایێ داعشاڤه زوَر ببوو به‌لێ بشێوه‌كێ نه‌چاڤه‌رێكری ئاراسته‌یێ شه‌ری هاته گوهوَرین و ئه‌ڤێ رێكخراوا تیروَرستی ده‌ست ب شه‌رێ كوردان كر !!
ئه‌وبو ل هه‌یڤا هه‌شت ژ سالا 2014 ئه‌ڤ تیروَریسته شیان چه‌ند ده‌ڤه‌رێن كوردی ین مادێ 140 بگرن وه‌كی مه‌خمور و زومار و وانكێ و جه‌له‌ولا و سه‌عدیه و شنگال و بوونه گه‌ف و مه‌ترسیه‌كا مازن ل سه‌ر هه‌رێما كوردستانێ به‌لێ هه‌ر زوی هێزێن پێشمه‌رگه‌یی شیان زوَربه‌یی ڤان ده‌ڤه‌را ئازاد بكه‌نه‌ڤه بتنێ شنگال ما و نه هاته ئازاد كرن !!
سه‌ره‌رایی وان كومه‌ل كوژیێن هاتینه كرن ده‌رحه‌قێ كوردێن ئێزدی و كوردێن ده‌ڤه‌رێ به‌لێ ئازادكرنا شنگال گیروبوو و بتنێ هێزن پێشمه‌رگه‌یی رێیا چیایێ شنگال ڤه‌كر بوَ ده‌ربازكرنا وان خێانن ل سه‌رێ چیایی ماینه ئاسێ و شیان ڤان خیزانا قوَرتال بكه‌ن و هاریكاریا بگه‌هینه وان خیزانن ماینه ل سه‌رێ چیایی و هه‌ر لوی ده‌می هه‌ر روَژ راگه‌هاندنێ ژماره‌ك رادگه‌هاند ین كه‌سێن هاتینه كوشتن و كه‌سێن ئاواره‌بوین و كچێن ئێزدی ئه‌وێن هاتینه برن و چه‌ند لایه‌نێن كوردی هه‌ر زوی راگه‌هاندنا خه‌و دژی پارتی ئێخسته كاری و هه‌ر هه‌موو كاره‌سات پارتی پێ تومه‌تبار كر و ده‌ست ب پروَپاگندا كر دژی پارتی !!
به‌لێ د ڤان كاودانا دا به‌كه‌كێ و چه‌ند لایه‌نه‌كێن دی ئه‌ڤ كاودانه بده‌لیڤه دیتن و تایبه‌ت په‌كه‌كێ و گه‌ریلایێن خوه برێیا سوریێ هنارتنه چیایێ شنگال و گرفت و كوَسپێن مه‌زن بوَ هێزن پێشمه‌رگه‌یی دروستكرن و بوونه ئه‌گه‌ر كو ئازادكرنا شنگال پتر گیرو ببیت و دیاربوو كو چه‌ندین كچ و زارویێن ئێزدی ژ بال په‌كه‌كێڤه هاتینه ره‌ڤاندن و لسوریێ جهێن مه‌شقا بزوَری بوَ كوردێن ئێزدی ڤه‌كرن یێن كو ژ ده‌ستێ داعش قوَرتال بوین و نه‌چاركرن چه‌كی راكه‌ن و لدویف رێنمایێن وان كاربكه‌ن و ژ لایێ دیڤه ئێكه‌تیێ ده‌ست پێكر حه‌شد شعبی بوَ ئێزدیا دروستكرن و بره‌زامه‌ندیا به‌غدا و بڤی ره‌نگی چه‌ندین هێزێن چه‌كدار دروست بوون و هه‌ر هێزه‌ك ب لایه‌نه‌كیڤه یێ گرێدایه و به‌رامبه‌ری ئێك راوستیاینه و بوونه ئه‌گه‌ر كو كێشه و گرفت قولتر لێبێن و هه‌ر پارتی تومه‌تبار بكه‌ن كو ناهێلیت و نه‌ڤێت شنگال بێته ئازادكرن !!
به‌لێ پشتی برێیا ئوپراسیونه‌كا سه‌ركه‌فتی و ته‌كتیكه‌كا له‌شكه‌ری یازَورا به‌رز و بهه‌ریكاریا فروكێن هه‌ڤپه‌یمانا شنگال لده‌ستپێكا هه‌یڤا یازده شنگال ژلایێ پێشمه‌رگه‌یڤه هاته رزگاركرن و بسه‌رپه‌رشتیا راسته‌وخو یا سه‌روكێ هه‌رێمێ ڤه و سنووره‌ك بوَ جموجولێن په‌كه‌كێ و هێزن حه‌شدا شه‌عبیا ئیزدی كو حه‌یدر شه‌شو سه‌رپرشتیا وان دكه‌ت هاته دانان و د ماوه‌كێ كێم دا ئازادكرنا شنگالێ هاته راگه‌هاندن!!
به‌لێ پشتی شنگال هاتیه ئازادكرن نوكه ئه‌ڤ هێزن یێن وه‌كی په‌كه‌كێ و حه‌شدا شه‌عبی روَژ بو روَژێ یێ كێشه و گرفتا د شنگالێدا دروست دكه‌ن و دڤێن شه‌ری دناڤبه‌را كوردن ئێزدی و موسلمانێن شنگالێ دروستكه‌ن و بهه‌موو ره‌نگا كێشه بوَ پارتی دروستكه‌ن و هوسا بده‌نه دیاركرن كو ئه‌وژی به‌شداری ئازادكرنا شنگالێ بوینه !!
له‌ورا فه‌ره شنگال دووباره بێته ئازادكرن ژ ڤان هێزن چه‌كدار چنكو ئه‌ڤه مه‌ترسیه‌كا مه‌زنن ل سه‌ر ڤان ده‌ڤه‌ران و هه‌ر زوی ئه‌ڤ كێشه نه ئێنه چاره‌سه‌ركرن دێ كێشن مه‌زنتر خولقینن و قه‌یرانێن مه‌زن دێ ل شنگالێ په‌یداكه‌ن !!
