پشتی پتری 23 سالان دڤێن بخوه ل سۆپێن دارا و فه‌نه‌را ب گه‌رین !!
پشتی پیكئینانا حكومه‌ت و په‌رله‌مانی و بهه‌موو هیڤی و ئومێداڤه چاڤێ خه‌لكێ كوردستانێ ل پێشكه‌فتن و وه‌رار ێ یه. لێ مخابن ئه‌م دبینین و رۆژ بوَ رۆژ مه چ پێشكه‌فتنێن هوسا نه‌دیتن. و ئه‌م ب هیڤیا رۆژه‌كادی بین و بێژین خوه‌زیێن سوبه‌هی و پاشه‌رۆژا ڤی ملله‌تی، و ئه‌گه‌ر ئه‌م نه‌بینین ژی بلا به‌ره‌باب( جیل )ێ پشتی مه پێ شادببیت. لێ مخابن ئه‌م دبێژین خوه‌زیێن پار !!
یا من دڤێت ئه‌ز به‌حس لێ بكه‌م دابینكرنا كاره‌بێ یه.
پێنه‌ڤێت كاره‌ب ئێك ژوان پێنڤیێن رۆژانه‌یه كو بێی وێ 95% كار ێن خه‌لكی ب رێڤه‌ناچن و نه‌شێن كاركه‌ن.
ده‌مێ دبیته هه‌وێن هه‌لبژارتنان ژی هه‌ر حزبه‌ك ژلایێ خوه‌ڤه بانگه‌شێ دكه‌ت بوَ ب سه‌ركه‌فتنا حزبا خوه و ب ده‌ستڤه‌ئینانا ده‌نگان ئێك ژوان خالێن هه‌ره گرنگ ژی یێن بانگه‌شێ دابینكرنا كاره‌بێ یه بوَ خه‌لكێ كوردستانێ. ب راستی ژی خه‌لكێ كوردستانێ بێزار بوون ئو یێن بێ ئومێد بووین.
له‌وما نوكه كوَمسیوَنا بالا یاهه‌لبژارتنان ژی زێده‌باری چوونا وان بوَ قوتابخانان و زانكوَیان ره‌نگه مال مال ژی بگه‌رن بوَ چێكرنا كارتا ده‌نگدانێ د هه‌لبژارتنێن بهێن دا.
مخابن پشتی بوورینا پتر ژ 23 سالان ل سه‌ر پێكئینانا حكومه‌ت و په‌رله‌مانێ كوردستانێ شنوی وه‌زاره‌تا كاره‌بێ یا حكومه‌تا هه‌رێما كوردستانێ دراگه‌هاندنه‌كێدا به‌لاڤكریه و دبێژیت :
وه‌زاره‌تا كاره‌بێ چه‌ند هوَكاره‌كێن كێمیا كاره‌بێ به‌رچاڤ دكه‌ت و ژ وان هوَكارا ژی :-
1- هاتنا پێله‌كا سه‌رمایێ.
2- نه‌بوونا سۆته‌مه‌نیێ.
3- هه‌بوونا پتر ملیونه‌ك و 800 هزارا ئاواران.
4- زێده‌باری قه‌یرانا دارایی ئه‌وا هه‌رێما كوردستانێ ڤه‌گرتی.
– ئه‌گه‌ر ئه‌م ئێك ئێكه ل سه‌ر ڤان خالان راوه‌ستین و ب كورتی به‌رسڤێ ل سه‌ر بده‌ین و بێژین:
ئه‌ڤه كوردستانه جهه‌كێ ساره، ئه‌گه‌ر سه‌رما هات ما مروَڤ نه پێدڤی گه‌رمێ یه؟! و ئه‌گه‌ر گازا سپی نه‌بیت سوَپێن گازێ بێنه هه‌لكرن و خه‌لك خوه پێ گه‌رم كه‌ت! ژكه‌ره‌ما خودێ ئه‌ڤه هه‌یڤا 12 به‌ره‌ڤ دویماهیێڤه دچیت بتنێ ئێك به‌رمیلێ گازا سپی خه‌لكی وه‌رگرتیه و یێ ئێك كه‌س و ده‌ه كه‌سی ژی ئێك پلێته زێده‌باری هه‌لكرنا سوَپه‌كێ بوَ كه‌سه‌كی و چار پێنج سوَپه ژی بوَ خێزانێن بوَش.
ئه‌ڤجا دێ پێنڤی كاره‌بێ بیت ، كاره‌ب ژی نه‌بیت خه‌لك چ بكه‌ت ؟!.
له‌وما دڤێت ئه‌م بخوه ل سوَپێن دارا بگه‌رین و كارتوَنا یان ژی تاییرا تێڤه ب سوَژینین چنكو ژینگه‌ه ژی ناهێلیت دار بێنه برین، دێ ژینگه‌ها كوردستانێ كرێن بیت و تێك چیت و هێته شێواندن! و دویكێلا سوَپا ژی دێ ژینگه‌هێ پیسكه‌ت و كارتێكرنێ ل سه‌ر ساخله‌میا خه‌لكی كه‌ت.
– نه‌بونا سۆته‌مه‌نیێ بوویه ئه‌گه‌رێ وێ چه‌ندێ وێستگه‌هێن كاره‌بێ نه‌شێن كاره‌با پێدڤی بوَ خه‌لكێ كوردستانێ دابین كه‌ن.
ئه‌رێ ما گونه‌ها كێ یه ئه‌ڤ سۆته‌مه‌نیه ب ده‌ست نه‌كه‌ڤیت؟ یا خه‌لكی یه ؟ ! یان ژی یا وه‌زاره‌تێن
په‌یوه‌ندیداره؟ د راگه‌هاندنان دا به‌لاڤبوویه ب هزارا به‌رمیلێن نه‌فتێ رۆژانه بوَ ده‌رڤه دهێنه هنارتن. ئه‌رێ
مانه ژبێ پلانیێ یه سۆته‌مه‌نی بوَ وێستگه‌هێن كاره‌بێ نه‌هێنه دابینكرن؟ ! بلا به‌رسڤ بوَ لایه‌نێن
په‌یوه‌ندیداربیت.
– هه‌لبه‌ت پشتی شه‌رێ تیروَرستێن داعش و ره‌ڤینا خه‌لكی ژ ده‌ڤه‌رێن خوه و قه‌ستا هه‌رێما كوردستانێ كرین، به‌لێ ئه‌م ژی دبێژین دڤێت كاره‌ب بوَ وان ژی هه‌بیت ئه‌وژی هه‌ر وه‌لاتینه و مروَڤن. به‌لێ ئه‌گه‌ر ئه‌م د راستگوبین و بیراخوه بینین، به‌ری هاتنا ڤان ئاواران ژی حالێ مه هه‌ر ئه‌ڤه‌بوویه، و هێژ مه نه دیتیه 24 سعه‌تا كاره‌با نیشتیمانی بوَ ڤی خه‌لكی هاتبیته دابینكرن، ژبلی ئه‌گه‌ر چه‌ند رۆژه‌كێن بهارا و ده‌ستپێكا پاییزان كو خه‌لك نه‌پێدڤی هینكرنێ یه و نه‌ژی گه‌رماتیێ ببیت .
– خالا دویماهیێ به‌حس ژێ بكه‌م مه‌سه‌لا قه‌یرانا دارایی یه، ئه‌ڤه ژی گرێدایی ب وه‌زاره‌تێن په‌یوه‌ندیدارڤه یه، ئه‌و ژی ب هزرا من ژبێ پلانیێ یه. لێ به‌لێ ده‌مێ قه‌یرانا دارایی ژی ، ئانكو به‌ری قه‌یرانێژی هه‌ر
كاره‌ب وه‌كو پێدڤی بوَ خه‌لكی نه‌هاتیه دابینكرن. و قه‌یرانێن مه رۆژ بورۆژ پتر لێ دهێن ، و چاره‌سه‌ریا وان ژی ب زه‌حمه‌ت تر دكه‌ڤیت و ئاسێ تر لێ دهێن. له‌وما ڤان قه‌یرانا خه‌لك بێ هیڤی كریه. ئه‌ڤه ژلایێ كاره‌با نیشتیمانیڤه .
ژ لایه‌كێ دیڤه ب بهانه‌یا وێ چه‌ندێ ژبه‌ر نه‌بوونا كاره‌با نیشتیمانی، كو بهایێ ئه‌مپێرێن كاره‌با موه‌لیدان ل سه‌ر وه‌لاتیان دێ گران بیت، قایمقامیا دهوكێ ژی بریاردا موه‌لیدێن كاره‌بێ هه‌شت سعه‌تا شول نه‌كه‌ن.
ب هزرا من پێدڤی بوو ب هه‌ر رێكا هه‌با وه‌لاتی ژكاره‌بێ بێ بار نه‌كربان، قایمقامیا دهوكێ پێش وێ چه‌ندێڤه هزرێ د تشته‌كیدا بكه‌ت كاره‌بێ بوَ خه‌لكی دابین كه‌ت ، ئه‌ڤێ بریارێ بده‌ت!
و بهزرامن وه‌خت ژی نه‌دجهێ خوه‌دایه نه‌خاسمه سعه‌ت 10 ێ رۆژێ بوَ سعه‌ت 1 ی نیڤروَ ، چنكو
وه‌ختی َشولكرنا جهێن كاریه ، ب گره ژ دوكاندارا و خودانێن كارگه‌هێن جورا و جور، و ده‌وامێن دام
و ده‌زگه‌ها و. .. هتد ، ل ڤێره گه‌له‌ك ژ وانا دڤێن ب خوه موه‌لیدێن بچووك بكڕن، هه‌لبه‌ت دێ كارتێكرنی َل بهایێ تشتی ژی هێته‌كرن و دێ هه‌ر بیته بارگرانی بوَ ته‌خا هه‌ژارا و كه‌سانێن پێدڤی وی تشتی.
ئه‌ڤجا یا پێدڤیه هاریكاریا خودانێن موه‌لیدا هاتباكرن ژ لایێ سۆته‌مه‌نیێڤه بلا ل سه‌ر حكومه‌تێ گران ژی راوه‌ستابا ، یان ژی پێش خه‌لكیڤه پارێزگه‌ها دهوكێ كوَژمه‌كێ پاره‌ی پێش وه‌لاتیانڤه بوَ خودانێن موه‌لیدا
خه‌رجكربا. ئه‌گه‌ر پاره یێ حازرژی نه‌با، بلا وه‌كو موَچێن فه‌رمانبه‌ران بووینه قه‌ر ل سه‌ر حكومه‌تێ بلا ببا قه‌ر ل سه‌ر پارێزگه‌ها دهوكێ ژی تا وی ده‌مێ شیابان وی پاره‌ی بوَ ب مه‌زێخن.
ب هه‌ر حال دڤێت سوَپێن دارا بوَ گه‌رمكرنێ و له‌مپا و فه‌نه‌راژی بوَ روناهیێ په‌یداكین. چنكو تێرا له‌مپا و فه‌نه‌را دێ هه‌ر گاز هه‌بیت، ئه‌گه‌ر دێ سرمه‌به‌ت و مینینه د تاریێ را !!!.
