شهرێ سعودیێ و ئیرانێ دێ د بهرژهوهندا كێ دا بیت ؟؟
د رۆژههلاتا ناڤین دا مهزنترین دوو دهولهتێن توَندڕهو و ستهمكار و دیڤهلانكێن زلهێزان ههردوو دهولهتێن سعودیێ و ئیرانێ نه كو ههر ئێكێ كاپیتالیزمهكا جیاواز ل پشت ههیه و ل گۆر بهرژوهندێن خوه وان وهكی یاریا شهترهنجێ برێڤه دبن داكو كۆمپانیێن وان یێن چهكی بهردهوام كاربكهن و پێگههێن خوه ل دهڤهرێ دا بهێز بكهن. چهندی ئیرانه نوكه ژ كهربێن ئهمریكادا خوه كریه ههڤالا روسیا و بهرهیێ شیعهگهریێ بهێز دكهت و مایێ خوه د كار وبارێن دهولهتێن شیعه تێدا ههی دكهت و پیلانا دگێریت ژبۆ موكۆمكرنا هیلالێ(كڤانێ ههیڤێ) شیعی ژ ئیران و حزب الله و بهحرێن و سوریا و حوسیێن یهمهنێ و چهند بێنه كوشتن و ئاوارهبوون و چهند وهلات بێنه وێرانكرن نهخهما وانه یا گرنگ لدهف وان پێگههێ خوه و پالدهرێن خوه بهێز بكن ل سهر كیستێ وهلات و مللهتێ خوه یێ چهوساوهی و بێ دهسههلات و بهردهوام سێدارهدان وسهربرینا بشیرا دئێته كرن بهرامبهر ههر ئێكی ئازادیێ بخازیت یان ب چاكسازیێ باخڤیت. ئهو دبێژن خودێ ئهو دهستههلاته یا دایه وان و توِند و تیژی و چهوساندن و سهركوتكرن یا بهردهوامه و ئاغایێن وان خوه بێدهنگ دكن چنكو بهرژهوهندێن وان ل گهل ههنه بلا ب دلێ خوه بن و ئارمێن وان یێن سوپهر مافێ مرۆڤی و دیمكراسی ههر وههر خهلكێ پێ دخاپینن ؟؟؟ مخابن مللهتێن وان و دهور و بهران د ئاگرێن وان دا دسۆژن وع هگالێن خوه خوار دكن وشاشكێن خوه مهزن دكن و بلا ههر نهفتا خوه ب ئهرزانی بفرۆفشن و زلهێزێن وان عهمبارێن خوه ب نهفتا ئهرزان پڕبكهن و چهكێن خوه بگرانی بفرۆشن وان دا كو پێ كوڕێن خهلكی بدهنه كوشتنێ و بارێ دهڤهرێ ههمیێ دقهیرانا و ئالۆزیێ ونهئارامیێ دا بهێلن، و خوهكوژا و تیرۆرستان هناردهی سوریا و عێراقێ و لیبیا بكهن وههر شهڕ بیت دا ئهو ل سهر كورسیێن خوه بمینن و ملیاردێرێن جیهانێ بن و بلا رۆژههلاتا ناڤین و مللهتێن وان قوَربانیێن پیلانێن وان وزلهێزێن وانبن؟؟ وهكی ژ بهرێ دا هاتیه گۆتن: “نێچیرا د ناڤ ئاڤێن شێلۆ دا دكن”. و پیلانا ژێكڤهكه ولێكبده و چێكرنا قهیرانێن وهكی یا تیرۆرستێن داعشێ كو ئهون ژێدهر و هاندهرێن وان وس هرهدهریێ ل گهل دكهن ل گۆر بهرژهوهندێن خوه و ئاغایێن خوه یێن كاپیتالزم. و پشتی ههلوهشیانا ئێكهتیا سۆڤێتێ و نهمانا جهمسهرێ ههڤڕكێ كاپیتالزمێ و لاوازبونا پێگههێ روسیا و نهمانا پهیمانا وارشۆ جیهان كهفته دبن چهنگێن ئهمریكا و كاپیتالزما جیهانی، لهوما ل ههموو جیهانێ شهره و كوشتارا بسهدان ههزاران ژمللهتان ژبۆ دهرباسكرنا بهرژهوهندێن ئهمریكا و ههڤالێن وێ و ما ههكه شهر نهبن دێ كارگههێن چهكی بۆ كێ كار بكهن؟؟؟ و ههكه نهفت ئهرزان نهبیت دی َچهوا دهولهتێن مفادار ب ئهرزانی كرن و عمبارێن خوه پڕبكهن؟؟؟ و دێ چهوا بێ شهر سیستهمێن دهولهتێن دهڤهرێ ل گۆر بهرژهوهندێن خوه سهر ژنوو دامهزرینن؟؟ ب دیتنا من ههكه ههردوو دهلهتێن پاشڤهرۆ و ژێدهرێن تیرۆرێ و چهوساندنا مللهتێن خوه شهری بكهن دێ دبهرژهوهندا مللهتێن واندا بیت و لاوازیا وان دێ دهرفهتا بهرخوهدانا مللهتی گهش بكهت و بهلكی بههایێ نهفتێ ژی گران ببیت كو تاكه ژێدهرێ ئابوریێ مه و عێراقێ یه؟؟؟ وههكه ههردوو دهولهت لاواز ببن دێ رێژا تیرۆری ل دهڤهرێ و پشتهڤانیا وان ژی كێم بیت داكو مللتێن دهڤهرێ بكارن ب ئاشتی و ئازادی و تهناهی بژین و ئهم وهكو كورد ب مافێن خوه یێن رهوا بگههین ل ههر چار پارچان و مفای ژ ڤێ گێره شێواندنێ وهرگرین بهلێ ئهم كوردینیێ بكهین و ناڤمالا خوه رێك بێخین و دوور ژ حزباتیا بهرتهنگ و گرێدانا ب ئهجیندێن دهرهكی كو دوژمنێن ئازادی و سهرخوهبونا مهنه.
