فهلسهفا سیاسی و بێ ئهخلاقیا سیاسی
فهلسهفا پارتێن سیاسی ل سهر كوَمهكا مژارا دهێته دیتن وهكی ،ئازادی، یاسا، داد، ماف، سامان و جهسپاندنا یاسایێ ژ لایێ دهستههلاتێ ڤه. ههر وهسا فهلسهفا سیاسی كوَمهكا پرسیارا ئاراسته دكهت و دپرسیت: ئهرێ ئهڤ مژاره چ نه؟ ئهرێ د پێتڤی نه؟ بوَچی د پێتفی نه؟ یاسا چیه؟ ئهو چیه وهرگرتنا دهستههلاتێ بوَ حوكمهتهكێ رهوا دكهت؟ و گهلهك پرسیارێن دی یێن وهكی ڤان. .. .. .. ؟ واته فهلسهفا سیاسی ڤهكوَلینێ و لێگهریانێ ل سهر بهرسڤێن ڤان ههموو پرسیارا دكهت. ژبو هندێ دابشێن مافێن تاكهكهسی و كولتوَر داب و نهریت و پیروزیێن گهلی دهستهبهر بكهن و ببنه جهێ خوهش گوزهرانیا خهلكی د بهرامبهردا خهلك ژی متمانهیێ ب حزبێن سیاسی ددهن ژبو وهرگرتنا دهستههلاتێ. واته بابهتێ پارتێن سیاسی و مافێن گهلی و دهستههلات د ئێك دورهێل دا ل دوور ئێك دزڤڕن. ل بهر سیناهیا ئهڤه مه ل ژوور ئیناین زمان وهرن دا پێكڤه تهماشایی ڕهوشتێ حزبێن سیاسی بكهین و كانێ چهند پێگیریێ ب ڕهوشتی دكهن. بێگومان دهمێ دو تیم یان پتر دهست ب یاریێ دكهن ب تنێ دێ دوو رهفتارا بهرامبهر ههڤ كهن یان دێ ركابهریێ (منافس)ێ كهن و یاریهكا سهركهفتی ئهنجام دهن یان ژی دێ ههڤڕكیێ (صراع)ێ كهن و یاریهكا زِڤر و شكهستی دگهل ئێك كهن. د ڤێ رهوشێ دا و د سهرهدهری كرنێ دا دێ روویێ راستهقینه یێ خوه نیشان دهن و ئهو پارت یان ئهو تیما یاریا زِڤر دكهت نهیا پێگیره ب پرهنسیبێن رهوشتێ سیاسی و شكهستنێ ددهته پروَسا برێڤهبرنا دهستههلاتێ.
دا پتر بابهتی ب حوكمهتا ههرێما كوردستانێ و پارتێن سیاسی یێن باشوورێ كوردستانێ ڤه گرێ بدهین و پوَلینهكێ بدهینه هندهك ژ پارتێن سیاسی دێ بوَ مه ب دورستی پارتێن خودان رهوشتهكێ نشتیمانی و پارتێن تێكدهر و نهپێگیر ب رهوشتێ سیاسی. بێگومان ئهو پارتا رێگری كری ژبوَ دهرباز بوونا ههرێمێ ژ قهیرانا شهرێ داعش، ئهو پارتا رێگری كری ژبوَ بهردهوام بوونا پروَسا برێڤهبرنا پروژێ دهولهتبوونا كوردی، و ئهو پارتا پیروزیێن خهلكهكی بن پێ كرین و ههڤڕكیهكا نه شهریفانه دگهل دهستههلاتێ كری، و شوَڕهشا كوردی و دهستكهفتێن نهتهوایهتی ب بێ ههبوونا هیچ بهایهكێ ئهخلاقی نزم و بێ بها كرین . .. .. ئها ئهو پارت بێ ترس مرۆڤ دكارت ساڵۆخا بێ رهوشتیێ پالدهتێ و ب بێ رهوشتێ سیاسی ناڤ بكهت.
ههر شوَرَهشهكا ههبیت سهركردهك ههیه و ئهو سهركرده ئهگهر هات و شوَڕهشا خوه ب ئهمانهت گههانده ئارمانجا دیاركری ئهو سهركرده دبیته سهركردهكێ نهتهوهیی. و وهك كهسهكێ پیروَز دهێته نیاسین د ناڤ گهلێ خوه دا واته ئهو كهس نامینیت ملكێ خوه یان ملكێ پارت و بنهمالا خوه. شوَڕهشا گولانێ(26. 05. 1976) ب سهروَكایهتیا جهنابێ سهروَك مسعود بارزانی ل دژی سیاسهتا فاشیا حوكمهتا عێراقێ یا وی سهردهمی و ههروهسا بهرسڤهك بوو بۆ پیلانا جهزائیرا خیانهتكاری دهست ب خهبات و تێكۆشینێ كر و ههروهسا بهردهوامیا شورهشا ئهیلولێ بوو ب سهروَكاتیا بابێ نهتهوهیی مستهفا بارزانی. واته ههر دوو شوَڕهش درێژه پێدهرێن ئێك بوون و ئارمانجا وان شوَڕهشا ئاڤاكرنا دهولهتا كوردستانێ بوو، و خهباتكر تا حوكمێ زاتی و فیدرالی ب دهست ئێخستی و كورد گههاندینه ڤێ قوناغا ههستیار كو نێزیكی دهولهتبوونێ یهو ڕاگههاندنا دهولهتێ تنێ مایه پرسا دهمی و نه تشتهك دن. و پرسیار د ڤێ قوَناغا ههستیار دا بۆ گشت پارتێن ل ههرێما كوردستانێ ئهوێن كارێن سیاسی دكهن و ب تایبهت ئهوێن د حوكمهتێ دا كانێ چهند پێگیریێ ب پرۆژێ دهولهتبوونێ ڤه دكهن و خوه دوور كرن ژ ڤی پرۆژهی یان بێ ههلویستی نیشاندان ب هێجهتێن بێ بنهما، بێ رهوشتیا وان یا سیاسی بهر روو دكهت و بێرێزی كرنه ب خهبات و خهونا مێژینهیا گهلێ كوردستانێ. ئهڤا ئهو لایهن دكهن یێن ژ تاریستانا بێ رهوشتیێ دهركهفتین و ب خازن یا نهخازن یێن بووینه دارهدهستێن داگیركهرێن كوردستانێ و ههردهما پرسا دهولهتبوونا كوردستانێ دكهڤیته د ئهجندا زلهێزێن جیهانی( وهكو نوكه) هار و دین دبن و لهقا ل كهلها كوردینیێ ددهن و ههر ژبهر هندێ ئالۆزیان بۆ پرۆژێ جهنابێ سهرۆك بارزانی یێ دهولهتبوونێ دروست دكهن و دخازن ڤی پرۆژهی ب لا ڕێ دا ببن، لێ خهیالا وان یا خاڤه و تهڤایا گهلێ كوردستانێ خوهدی ل ڤی پرۆژهی دهركهفتیه چنكو دهلهتبوون مافێ مهیه و دێ گههینێ..
