سهعهتا كوردان و چهوا دێ رۆژههلاتا ناڤهراست گوهۆرن؟
كورد و سهعهتا وان و ئومێدێن وان د گوهۆرینا نهخشهیا رۆژههلاتا ناڤهراست دا پشتی وان سهركهفتێن مهزن ل سهر (داعش) بدهستڤه ئیناین ناڤ ونیشانێ پرتووكا دووماهیێ یه كو ژ دهزگههێ (ستیریا) دهرچوویه ل نهمسا ژ لایێ نهمسایێ ڤه بۆ نڤیسهرێ ئهلمانی ناڤدار (هانز ـ یۆخیم) ل سالا 2015، كو ژ دایكبوویی َ 1984 یه ل باژارێ بچووك یێ (گرامیش ـ باریتن كیرخن) ل دهڤهرا (بایرن) یێ ئهلمانی دژیت. هانز لۆڤێر كارێ وی نڤیسهرهكێ گهشتیاره ب ئازادانه ل جیهانێ و قووناغێن ژیانا وی دنێڤبهرا باژێر و باژێركان دابهشدبیت و بۆ سهرانسهری جیهانێ دهێته ڤهگوهاستن بۆ لێگهریانا بابهتێن پرتووكا وی. نڤیسهری د ژییهكێ زوو دا دهست ب نڤیسینێ كریه، خوه ئهوی ل جههكێ فرۆتنا رۆژناما ڤه كاردكهت ژ پێخهمهت بدهستڤهئینانا هندهك پارهیی. نڤیسهری چهندین پرتووك ههنه وهكو: ئهم نهمرینه پشتی سالا 1992، ئهڤ پرتووكه دبیته گهشتهك بۆ وهلاتێن خوهدی شارستانیهكا دێرین و جهێن شوونهواران تێدا و ئهو شارستانیێن مرۆڤاتی یێن دیتر ههر ژ مهكسیكۆ و ههتا بۆلیڤیا، پرتووكا هونهرمهندان پێخهمهت سروشتی ل سالا 1996، پرتووكا سهد گرنگترین كهسێ ڤهدید ل 2003، پرتووكا ئهردێ پیرۆز، چو وهلاتێن پیرۆز نینن ل سالا 2004 و كۆمهكا دیتر ژ پرتووكان ههتا پرتووكا وی یا دووماهیێ كو ئهڤهیه یا سهعهتا كوردان و چاو ادێ نهخشهیا رۆژههلاتا ناڤین گوهۆرن؟ نڤیسهر هانز ل دۆر پرتووكا خوه یا ڤێ جارێ ل نهمسا چاپبوویی كو ل بهره ل مهها دو ژ سالا 2016 ئێڤاریهكێ ل ئهلمانیا بدانیت ل دۆركوردان و پرتووكا خوه، دبێژیت كورد ههر ژ بهری سهد سالان و ئهو شهری دكهن پێخهمهت دهولهتا خوه شهری دكهن كو ئهردێ وانه و ئهو ل عیراقێ ب سهردهریهكا هۆڤانه هاتینه سهردهریكرن و تووشی خرابترین سهردهری بووینه ئهو ڤرۆ كوردستان ئهو وهلاتێ من ناڤكری ب گزیرتهیا لێبۆرینێ، ههر دیسا نڤیسهری كوردستان وهسا دیاركریه كو ئهو دیمۆكراسیێ برێڤهدبهت نهك وهكو ههر وهلاتهكێ ئیسلامی ل رۆژههلاتێ، ئهو ل گهل شهڕڤانێن پێشمهرگه ژیایه و ل بهرۆكێن پێشیێ و ل گهل چهندین تهخێن جڤاكێ كوردی ژیایه و ل گهل سهركردێن ئاینی یێن ئێزدی و سهرهدانا پهرستگهه و پهیكهرێن پیرۆزێن ئاینان كریه، نڤیسهری د سهعهتا كوردان دا ئاماژه دایه قارهمانیێن كوردان و ئهو رۆلێ ئهو دلهیزینن د لێبۆرینێ و ههڤدوو قهبوولكرنێ دا، ئهو د سهرهدان و تێكستێن خوه دا یێ نێزیك بوو و ههمیان د پرتووكهكێ دا خرڤهدكهت و قارهمانێن وی ژ پهرستگهه و خهندهك و بازاران و كهساتی و خیڤهتگههێن پهنابهران بووینه و چهندین قورتالبووی ژ مرنێ وێنهكرینه، سهرهدانێ، وی ل كوردستانێ دابهشبووینه د نێڤبهرا دهۆك و ههولێر و سلێمانیێ و سهربازگههێن پهنابهران دا و ل بهرامبهر ههر وێنهكی ب پوخته پهیڤینه. پهیامێ بهلاڤبوونا پرتووكێ ل سهر سایتێن ئهنترنێنی گهلهك بهلاڤبوویه و دهێته فرۆتن ژی ب رێیا ئهنترنێتی بۆ فرۆتنا پرتووكان. پرتووك د 208 لاپهران دایه ژ قهبارێ ناڤنجی و دهێته دانان وهكو چاپا ئێكێ و پرتووك ژ دهزگههێ (ستیریا) ل نهمسایێ دهرچوویه، گهلهك وێنهیێن سایت و كهساتیان د ههڤپێچن كو ناڤهرۆكا پرتووكێنه. ل دووماهیێ دبێژم پرتووك سهعهتا كوردانه، ئهرێ ئهو دێ كارن نهخشهیا رۆژههلاتا ناڤین بگوهۆرن؟ بهرسڤ ژی دێ مینیت.
و/ ئهڤرۆ
