ههمی قهیران ب سهربهخوهییێ چارهبن!!
ههكه ل دیرۆكا پتریا وهلاتان بزڤرین بهری سهربهخوهیێ تووشی چهندین كێشه و قهیرانان بووینه و رۆژ بۆ رۆژێ ئهڤ قهیرانه توندتر لێهاتینه، چونكو وهلات و لایهنێن ناڤخوه ههبووینه دژی سهربهخوهییێ. ههتا سهربهخوهیی هاتیه راگههاندن ل دووڤدا و د دهمهكێ كورت دا ئهو وهلات شیاینه پتریا قهیرانان دهربازكهن!! و پرۆسا ئاڤاكرنا وهلاتی ژ ههمی لایانڤه دهستپێكریه بگره ژ لایێ دستووریڤه ههتا دیاركرنا سیستهمێ حوكمرانیێ ههتا بنیاتدانا حوكمهتێ و پهرلهمانی و دهستههلاتا دادوهریێ.
ئهڤ قهیران و كێشێن نوكه ل ههرێما كوردستانێ ههیین سهرهرایی كو گهلهك كێماسی و شاشی و گهندهلی ههبووینه بهلێ ئهگهرێ سهرهكی بابهتێ سهربهخوهیێ یه كو نوكه چهندین لایهنێن ناڤخوه و دهرهكی ب ههمی شیان و هێزا خوه یێ كاردكهن كو دۆزا كوردی تایبهت ل ههرێما كوردستانا عیراقێ نهگههیته چو ئارمانجان و ریفراندوم نهئێتهكرن و سهربهخوهیی نه ئێته راگههاندن!! چونكی باش دزانن ههكه ڤی پرۆژهیی سهرگرت ب ساناهی دێ گهلهك قهیران چارهسهربن و د دهمهكێ كورت دا د ڤان ههمی ئاستهنگان دهربازكهن و ل دووڤدا ئهو وهلاتێن دژی سهربهخوهیێ راوستیاین تایبهت وهلاتێن دهوروبهر د قهیران چنه د ناڤ واندا و ههمان كێشه و گرفت د ناڤ واندا پهیدا بن!!
ههكه ئهم ل بارودۆخێ نوكه یێ دهڤهرێ ب گشتی و یێ كوردستانێ ب تایبهتی بنێرین دێ بینین پتریا ئهڤ قهیرانێن ههیین د چێكرینه وهكی شهرهكێ پهكهكێ ل گهل توركیا د دڤهرێن كوردنشیندا چ ل سنۆرێ توركیا یان ههرێما كوردستانێ و تایبهت دهڤهرا سلۆپی و ئیبراهیم خهلیل، ب تنێ بۆ گرتنا وی دهروازهیی بوو كو زیانهكا مهزن بگههینه ههرێما كوردستانێ ژ لایێ ئابووریڤه! ههر وهسا راگرتنا هاتنوچوونا فرۆكان بۆ فرۆكخانێن ههرێما كوردستانێ ب بههانا هاڤێتنا مۆشهكان ژ لایی رۆسیاڤه بۆ سووریێ!! ئهڤه زێدهباری برینا مووچان و بۆدجا ژ لایێ بهغداڤه!! ئهرزانبوونا بهایێ گازێ!! و شهڕێ داعشێ!! و قهیرانا سیاسی یا د ناڤبهرا لایهنێن سیاسی یێن ههرێمێ!! ئهڤ ههمی كێشه و قهیرانه بوونه ئهگهر كوردستان بكهڤیته د قهیرانهكا ئابووری یا توندا!!
ب تنێ مهرهم ژ دروستكرنا ڤان كێشه و قهیرانا ئهوه خهلك دژی حوكمهت راوهستێت و بێ زار ببیت و پرۆژێ ریفراندومێ سهرنهگریت و دیرۆكێ دوباره بكهنه ڤه و كورد نهگههنه چ ئارمانجان !!
لهورا گهلهكا فهره خهلكێ كوردستانێ بیر ل وێ چهندێ بكهت كو ههر كریار و رهفتارهكا بكهت بۆ تێكدانا بارودۆخی ب گشتی د ئهو بخوه پیلانن دوژمنان ل سهر خوه جێبهجێكهت و دبیته ههكه كاودان بهرتهنگتر لێبێن و ب ڤان رهفتارا كێشه و قهیران چارهسهر نابن!! بهلكو بهروڤاژی دڤێت د هاریكار بین كا چاوا بهری نوكه و ب ههمی رهنگان هاریكاربووینه ژ بۆ دهربازكرنا ڤێ قووناغا مهترسیدا ب كێمترین زیان !
پشتی دهرچوونا چهند بریارهكێن گرنك ژ لایێ سهرۆكێ ههرێمێ ل رێكهفتی (10-2-2016) و دروستكرنا لیژنهكا تایبهت بۆ دووڤچوونا چهند دوسیێن گرێدایی گهندهلیێ و كۆمپانیا و ئهردی و ههیكلێ حوكمهتێ و رێخستنا داهاتی و دادپهروهری د مووچان دا ئهڤ بریاره د پرۆسێسا چاكسازیێ بهته د قووناغهكا دی دا كو ههمی دهرئهنجام د بهرژهوهندیا خهلكێ كوردستانێ دا بن!!
دڤێت بزانین پیلان دژوارن و دوژمنێن دۆزا كوردی گهلهكن هند ناڤخوهیی و هند دهرهكی و ههمی مهرهما وان ئهوه ئهڤێ دۆزێ ژ ناڤببهن و تایبهت د ڤێ قووناغا ههستیارداكو دهڤهر ههمی چاڤهرێ دابهشكرنێ یه و ببنه رێگر و ئاستهنگان چێكهن داكو كورد مفایی ژڤێ دهلیڤێ نهبینن و دوباره ژناف ببهن!!
ههمی شرۆڤه و بۆچوون وێ چهندێ دیاردكهن كو ئهڤ كێشه و قهیرانه د د بهردهوامبن هندی مللهتێ كورد د چارچووڤێ دهولهتێن داگیركهردا بیت و چهند كورد نێزیكی سهربهخوهیی بن د قهیران و كێشه و گرفت توند تر لێهێن!! چونكی دوژمنێن كوردان باش دزانن ئهڤ قهیرانه ههمی دێ چارهبن ههر گاڤا مللهتێ كورد بریارا سهربهخوهیی دا!! و سهركردایهتیا كوردی چاڤهریی ڤێ بریارێ یه خهلك بدهت د ژ ڤان ههمی قوهناغێن مهترسیدار دهركهڤیت و ببیته گهلهكێ باوهرپێكری ل جیهانێ و ئهڤ ئهركێ ههر تاكهكێ كورده كو بۆ ڤێ مهرهمێ كاركهت نهك دژی راوستیت!
