هه رێما كوردستانێ د دوریانا پێكڤه ژیان و تهلاقا سیاسی دا
پێكڤه ژیان كریارهكه كو خودایێ مهزن دناخێ ههر مرۆڤهكی دا یێ گونجاندی و یا خویا یه كو ههر مرۆڤهك ئانكو گیاندارهك و. .. . هتد ئهگهر پێكڤه بژین دێ ژیانهكا بهختهوهر و باش برێڤه بهن و ههتا دشێن ب باشترین شێوه بهرامبهر ههر كارهساتهك و ئاریشهكێ راوستن، ئهڤه لایهكێ بابهتی یه و ئهگهر ب هووری بهرێ خو ه بدهینه لایێ دی یێ بابهتی دێ بینین كو گهلهك جاران ژیانا پێكڤه ژی گهلهك ئاریشا بوَ ههردوو لایا دروست دكهت و دگههیته وی رادهی كو توشی ئاریشێن مهزن ببن.
بێگومان د وی بابهتی دا ئهز باسێ ژیانا هاوسهریێ ئهوا ریسایێن وێ دناڤ یاسا بارێ كهسایهتی هاتینه گونجاندن ناكهم و ئانكو مهبهستا من پێكڤه ژیانا دناڤبهرا دو كهسا و ئان زهلامهك و ئافرهتهكێ نینه لێ مهبهستا من یا سهرهكی پێكڤه ژیانا ناڤبهرا دوو نهتهوهیێن جیاوازه ئهوا د ناڤ سنوورهكێ جوَگرافیێ دیاركری دا دژین و ب ئاشكهراتر بێژیم مهبهستا من شروَڤهكرنا وی بابهتیه ژ لایێ سیاسی ڤه وهكو ئهوا ئهم دگهلهك وهلاتێن وهكو كوَمارا ئیسلامی یا ئیرانێ، توركیا، سوریا و عێراقێ دبینین و ههتا ئهگهر دوورتر بهرێ خوه بدهینه بابهتی دشێین باسێ سودانا باكور و سودانا باشور بكهین. ل ڤێره گهلهك جاران پرسیار بوَ من دهێته ئارا، ئایا ئهو وهلاتێن نهتهوهیێن جیاواز تێدا دژین ل روویێ سیاسی و پێكڤه ژیانێ ڤه دبهختهوهرن؟ ئایا ههرگز شیاینه مافێن وان وهكو نهتهوه دابین بكهن ئانكو ب بهروَڤاژی ڤه بهردهوام بزاڤا سهركوتكرن و ههولا بێرێزی كرنا وان نهتهوان كرییه؟ بوَ نموونه ئهگهر بهرێ خوه بدهینه وهلاتێ ئیرانێ ئایا كورد وهكو نهتهوا دووێ ل وی وهلاتی چ پوستێن گرنگ ژ جومگێن دهستههلاتێ ددهستادایه؟ ئایا كوردان ماف د خوه كاندیدكرنا پوَستێ ههر سێ سهروكایهتیان دا ههیه؟ ئایا ل خاندگههادا مافێ خواندنێ ب زمانێ دایكێ ههیه؟ بێگومان بهرسڤا وان پرسیارا نهخێره و دیسا هزاران پرسیارێن دیتر كو بهرسڤا وان ههر دبیته نه و نهخێر! ئهگهر بهێن و بهراوردیێ د گهل ههرێما كوردستانێ دا بكهین دبیت هندهك شروَڤهكار و لایهنێن سیاسی ئهوا ههرێما كوردستانێ بدهستخوهڤه ئینایی ب دهستكهفتهكا مهزن ناڤ ببهن لێ دراستیێدا ئهو پێشكهفتنا ژ ههموو ئالیانڤه ل ههرێما كوردستانێ دبینین، دشێم بێژێم سهد ل سهد ژ ئهگهرا روَخانا رژێما سهددامی و حوكمرانی یا لاوازا شیعا ل عێراقێ دروست بوویه ژبهر كو مێژوو وێ بوَ كوردان دسهلمینت كو ههر دهمێ دهستههلاتدارێن بهغدا كو باهراپتر شیعهنه توزهك بهێز دبن ئێكسهر بیر ل وهرگرتنا مافێن دهستووریێن كوردستانێ دكهن و ب ههمان فههما شوَفینی یا بهری نوكه كار ژ بوَ دژایهتی كرنا ههرێما كوردستانێ دكهن و بزاڤێ دكهن كو برێكا بكار ئینانا هێزێ گڤاشتنێ ل سهر كوردستانێ دروست بكهن و ئهڤ جاره ژی شێك تێدا نینه كو برێكا حهشدا شعبی كار بوَ ئالوزكرنا دهڤهرێن ناكۆكی ل سهر دكهن و جهێ حێبهتیێ نینه كو ئهڤێ جارێ بهغدا بیر ل بكارئینانا هیزێ د ناڤ وهلاتی دا نهكربیت ئهوا دهستوورێ عێراقێ دژایهتی یا وێ كریه و یا هاتیه دیاركرن كو نابیت هێزێن چهكدار ل دژی خهلكێ سڤیل و ئاكنجیێن عێراقێ بهێته بكارئینان لێ ژبهر كو حهشدا شهعبی هێزهكا میلیشیایه و د چارچوَڤێ هێزێن لهشكرێ عێراقێ دا نههاتیه رێكخستن و ب ڤێ رێكێ دشێن بارودوَخێ ههرێما كوردستانێ تێك بدهن و كهس نهشێت لێ پرسینێ دگهلدا بكهت. سهرهرای رێزێن من بوَ نهتهوهیێن دیتر ل عێراقێ و كوردستانێ لێ یا خوَیایه كو ههردوو نهتهوه كورد و عهرهب د ههموو بیاڤان دا ژێك دوورن چ ژ لایێ كولتوَری، مێژوو، نهریت و زمانی ڤه بن و ههتا لایێ كومهلایهتی ژیك دووراتیهكا زۆر د ناڤبهرا مه دا ههیه، تهنها گڤاشتنێن وهلاتێن زلهێز بوویه ئهگهر كو زهواجهكا سیاسی یا نهژ دل دگهل وان وهلاتان بهێته كرن و ب تایبهت ل عێراقێ و پشتی بوورینا چهندین سالا ئێدی ههر ئهو وهلات یێن گههشتینه وێ باوهریێ كو پێكڤه مانا وان دو نهتهوا ل عێراقێ نهتهنها كار ژبوَ پێشكهفتنا ئێراقێ ناكهت بهلكو ئێدی كار گههشتیه وی رادهی كو ئهگهر برێكا ئاشتیانه و دیالوگێ نهبیت، برێكا هێزێ تهلاقا سیاسی دهێته كرن كو د بهرژهوهندی یا ههردوولایان دایه.
