قـهیران و كاریگهریێن وێ. ..
ل ئهڤی ماوێ كێم یێ بووری كوَمهكا قهیرانێن ئابووری و سیاسی و یاسایی ب شێوهیهكی وهك رێزبهندی بهروَكێن ههرێما كوردستانێ ژ ههموو لایهكی ڤـه گرتن و ههر زووكا كاریگهریێن وان یێن خراب ل سهر رهوشا گشتی و ژیانا تاك و كوَمهلگههێ ســـهرهلدان! ژبـهر ههبوونا رابردوویهكێ ئالوَز و پـری كێشه ژلایهكی ڤه و نـهبوونا پلانێن پێش وهخت ب شـێوهیهكی یهكجاری یان ههبوونا هندهك پلانێن نه جێبهجێ كری و نهدروست كو بوینه ئهگهرێ پهیدابوونا قهیرانان. لێ یا ژههموویان گرنگتر و كاریگهرتر قهیرانا دارایی و ئابووریی بوویه كو ئێكه ژ ئـهوان قهیرانێن گهلهك جاران توشی تاك و كوَمهلگهه و وهلاتان بووینه بتایبهتی ئهو وهلاتێن پشت بهستن و ژێدهرهێ سهرهكیێ داهاتێ خوه ب گازێ و بهایێ وێ ڤه گرێدایی و گرنگی ب چ ژێدهرێن دی یێن دارایی و داهاتی نهداین! نهك ههرێما كوردستانێ بتنێ بهلكو عێراق و گهلهك وهلاتێن جیهانێ توشی ئهڤێ قهیرانێ بووینه لهوما دهست ب چاكسازی و لڤلڤین و ل خوه زڤڕینێ كرینه و ل ڤێره ئاستێ ئهوێ بهرپرسایهتی و هوَشیاریا ئهوان دیاردبیت كو بشێن بشێوهیهكێ زانستیانه و شارهزایانه رێكێ ل بهرفرهه بوونا وێ بگرن و سهرهدهریهكا باش و گونجایی ل دهمهكێ كورت و دیاركری و ب كێمترین بهایێ تێچوونێ دگهلدا بكهن؛ نهك بوَ چارهسهكرنا وێ یا دهمكی بتنێ بهلكو ببیته ئهزموونهك و هوَشیاریهك بوَ زانین و شارهزابوون ل خالێن لاواز و رێخوهشكهر و فاكتهرێن دروست بوونا ئهڤێ قهیرانێ. چنكو پهیدابوونا ههر قهیرانهكێ رابردوویهكێ شاش ههیه و چارهسهرنهكرنا وان ل ماوهكێ كورت دا دێ ئهو قهیران ژ قوَناغا خوه دهركهڤیت و چیته د قوَناغهكا مهترسیدارتر دا ژ قهیرانێ كو دبیته قوَناغا برسی بوونێ !!! و ب شیوهكێ گشتی كاریگهریێن خراب ژێ پهیدادبن وهك زێدهبوونا رێژا گهندهلیێ ب ههموو شێوازێن خوهڤه ب شێوهیهكێ نه چاڤهرێكری و تێك دان و ههلوهشاندنا پهیوهندیێن كوَمهلگههێ و داهاتهكێ رهش و تاری دێ ل بهر چاڤێن وان دیاربیت. لهوما پێدڤی یه لایهنێن پهیوهندیدار پێداچوونهكا بلهز ل سهر رهوشا نوكه یا خراب بكهن و خالێن لاواز دهست نیشان بكهن بهری ب چیته د قوَناغا برسی بوونێ دا و ل چارهسهریهكا گونجایی و ههمیشهیی بگهڕهن چنكو ههرهشهكا مهترسیداره ل پێشییا مه و دێ ههموو لایهكی ب خوهڤه گریت و كهس ژێ قوَرتال نابیت. ژ بهر هندێ ب شێوهیهكێ زانستی سهرهدهری كرن ل گهل قهیرانێ و دوور ژ موزایهداتێن سیاسی و چاڤێن میدیایێ دێ بیته رێخوهشكهر بۆ دهربازبوون ژ ڕیپا قهیرانێ متمانه دێ بۆ حوكمهتێ زڤڕیت و چنكو ب ئهزموون ل ههرێما كوردستانێ دیاربوویه دامهزراندنا لیژنا و كۆمبوونێن سهرههڤ چ كێشه چارهسهر نهبوونه بهلكو كێشه ئالۆزتر لێهاتنه و ئهنجام ددیارن.
