ئهردۆگان كوردا دوژمن دبینت
ل پایتهختێ توركیا ئهنقهرێ پهقینهك دووباره چێبوو و د دهمهك نێزیك دا یانی ب قاسی 6 دهمهژمێرا دا حوكمهتا ئاكهپێ گوت كو یهپهگێ هێرشی مه كریه! ب راستی ژی گهلهك بالكێش بوو كو د پهقینێ دا هێ ههژمارا چهند كهسان ژیانا خوه ژ دهست دایه و ناسنامهیێن وان نههاتین ناس كرن لێ حوكمهتا ئاكهپێ راسته راست گوت كو بكهرێن ڤێ هێریشێ یهپهگ یه. دهملدهست سسناریۆیهك هاته نڤیساندن و نه بتهنێ ناسنامه، بیۆگرافیا وی ژی ئاماده كربوون.
ژ خوه د ئاخافتنێن سهرۆككۆمار ئهردۆغان دا ههر تشت ئاشكرا بوون. ئهردۆغانی د گوت كو ڤێ جارێ وێ وهلاتێن ههڤپهیمان ببینن كو ئهم مافدار ن ژ بۆ هێریش برنا سهر یهپهگێ! یانی سهرۆككۆمار ئهردۆغان و حوكمهتا وی خوه ئامادهكربوون كو د پهقینهك هوسان دا وێ راسته راست یهپهگێ نیشان بگرن. ئهڤه پۆلیتیكا حوكمهتا ئاكهپێ یه و دهمهك درێژه ب ڤێ رهنگی بهردهوامیێ پێ ددهت.
ههر چقاس یهپهگه و پهیهده ئانین زمان و گوتن ئهڤ هێرشه ب دهستێ مه نه هاتیه ئهنجامدان و تو جارا مه هێرشی توركیا نهكریه، لێ حوكمهتا ئاكهپێ گوهداریا وانا نهكر و خواستن كو رایا گشتی وهك فكرێ وان ل بوویهرێ بنێرت. پشتی كو تاك (تهیرێبازێن ئازادیا كوردستان) ب نڤیسكی پارڤهكر و گوت ئهندامهكی مه ئهڤ چالاكیه پێك ئانیه ههر تشت سهر و بن بوو. یانی ئهو ئیدیعایا ئاكهپێ كو دگوت یهپهگێ هێرشی سهر مه كریه، بێ ڕامان و پووچ بوو. پووچبوونیا ئیدیعایا ئاكهپێ نه ب تهنێ بێ ئاگاهیێ بوو. ل گۆر راپۆرتا ئوَتۆبۆسێ ژی ئهو كهسێ كو پهقینێ پێك ئانیه عهبدولباقی سۆمهر بوو و ژ خوه تێ زانین كو عهبدولباقی سۆمهر ژ وانێ یه. د ڤێ بوویهرێ دایا ههری بالكێش ئهو بوو كو حوكمهتا ئاكهپێ ئیدیعا دكر و دگوت د دهستێ مه دا بهلگه ههنه و ئهم دكارن ب وهلاتێن دهرڤه را پارڤهبكن كو ئهو كهسێ هێرش كریه ئهندامێ یهپهگێ یه. وهك كو بهردهڤكێ ئوَباما ژی ئانی بوو زمان باوهریا وان ب ئاخافتنێن حوكمهتا ئاكهپێ نههاتبوو.
بینن بیرا خوه كو د دهما پهقینا ئهنقهرا دا ل میتینگا ههدهپێ دا وی دهمی ژی سهرۆكوهزیر ئهحمهد داڤوتۆگلو ئانی بوو زمان كو ئهڤ پهقین د ههلبژارتنێ دا ژ بۆ كێ ب كار وهرت و مفای ژێ وهر بگرت، بكهرێ پهقینێ ئهو ب خوهیه. پشتێ ههلبژارتنێ دهركهت هۆلێ كو پهقین ل گۆر بهرژهوهندیێن ئاكهپێ بوویه و ههژمارا دهنگێن وان زێده بوویه. یانی داڤوتۆگلو ب ئاخافتنا خوه ب خوه تۆمهتبار دكهت. ل سهر وێ بوویهرێ ژ خوه ههر تشت زهلال بوو و ئهو ژی ئهندامێ داعشێ دهركهت.
دخوازم چ بینم زمان ل سهر ڤی بابهتی. ب راستی ژی حوكمهتا ئاكهپێ و د سهری دا سهرۆككۆمار ئهردۆغان ل ههر دهرێ دوژمناتیا كوردا دكهن. ل باكوورێ كوردستان, ل رۆژاڤا و مخابن ل باشوور ژی دوژمناتیێ ب كوردا را دكهن. بالا خوه بدنێ كو ئهڤه 3 ساله ل جهرابلوس داعش ههیه دهنگهك ژ ئاكهپێ نهدهات لێ دهما كو هێزێن سووری و یهپهگه پێشكهت، قارهقار ژ ئهردۆغان و حوكمهتا وی دچت و گهلهك تهنگاڤ بوونه. نه ب تهنێ قارهقار ژێ بلند دبت بهلكو بریارا تۆپهباراندنێ ژی دان. ههر وها تۆپێن توركا ل سهر یهپهگه و گهلێ كورد دا بۆمباردوومان پێك تینن. د 3 سالا دا یهك گولهیا حوكمهتا ئهردۆغانی و ئاكهپێ ل سهر داعش نههاتیه پهقاندن. چما ئهردۆغان ژ كوردا ئهوقاس نهخوهشه و عاجزه? چما ناخوازت كو كورد خوهدیێ مافێن خوه بن? ل دهرڤهیی توركیا چما جیرانتیا كوردا ناخوهزت? ب راستی ژی ڤان پرسان ههر كهس دكارت بهرسڤ بدهت لێ ئهز ژ وه دپرسم.
