بارزانیێ نهمر: “شانازی یه مرۆڤ خزمهتكارێ میللهتێ خۆبیت”
ئهڤه گوتنا بابێ روحی یێ نهتهوا كورد ( بارزانی یێ نهمر )ه. ژبهر وێ خزمهتكاری یا مهزن یا بوَ گهل و وهلاتی خوو كری، ئهڤروَ ژی مللهتێن ئاشتی خوازێن جیهانێ رێزهكا مهزن ل ڤی زاتێ مهزن دگرن و پهیكهری بوَ دروست دكهن و دانایه د ناڤا پهیكهرێن سهركردێن ناڤدارێن جیهانێ دا ل موزهخانا (واكس ل باژێرێ مۆمبای) ل وهلاتێ هندێ. لێ جهێ دلگرانیێ یه زوَربهیا مللهتێن جیهانێ رێزهكا مهزن ل سهروَك و سهركردهیێن خوه دگرن و میتودێن وان ب هووری دخوینن، لێ د ناڤا مللهتێ كوردستانێ دا ئهڤه گهلهكا كێمه یانژی ههر نینه. گوتنا خزمهتكار فهلسهفه و رامانهكا زوَرا تێدا ههیه ، خزمهتكارێ دلسوَز و وهفادار: 1) كاردكهت بوَ رازی كرنا سهردارێ خوه. 2) دیسا ل سهر ههست و هزرێن خوه دنڤیت داكو كهسهك دهست درێژیێ نهكهته سهر سنورێن سهردارێ وی. 3) رادبیت ب جوانكرن و ڕتوَشكرن و روَهنكرن و بهختهر وهركرنا مالا سهردارێ خوه. واته یا ئاشكرایه كو ( مستهفا بارزانی) ههموو ژیانا خوه بهختكر بوو وهكو خزمهتكارهكێ دلسوَز و وهفادار بوَ پاراستنا مال و مولكێ سهردارێ خوه، یا دیاره كو سهردارێ وی گهلێ كورده و مالا سهردارێ وی ژی كوردستانه. بێگومان (مستهفا بارزانی) خزمهتكارێ گهل و وهلاتی بوو، لێ كوَمهكا پرسیارا تێته پێش: 1) ئهرێ بارزانیێ نهمر خهبات و بهرخوهدان و شوَڕهش كرن دا خهلكێ كوردستانێ دلگران بیت و توَره بیت و ژ پارتی و رێبازا پیروزا بارزانی ب ڕهڤیت؟ 2) بوَچی ئهو كهسێن بهحسێ رێبازا بارزانی دكهن؛ مهزنترین گهندهلی یێ دكهن ل بن ڤی ناڤێ مهزن و پیروَزێ وی؟ 3) بوَچی ههتا نوكه راستی یا بارزانی د مێشك و تێگههێ مه دا جه نهگرتی یه؟ 4) ئهرێ ئهم شیاینه بارزانی وهكو بارزانی بخوینین؟ ل دهمێ كو ئهم مێژوویا رێبازا بارزانی دخوینین، پێتدڤی یه ئهم پتر كار بكهین بوَ خزمهتكرنا خهلكێ كوردستانێ و پهیداكرنا داد پهروهری یا كومهلایهتی و لێبورین و ئێكرێزیا گهلێ كوردستانێ. ههردیسا رێبازێ بكهینه بهرنامه و چاڤدێر ل سهر كار و كریارێن خوه یێن سیاسی و كوَمهلایهتی و پهروهردهیی و كارگێری و تێكهلیێن دبلوماسی. ئهڤروَ ژێدهرێ زوَربهیا ههره زوَریا گیر و گرڤتێن مه سهرهدهری كرنا مه یا خرابه لگهل خهلكی، لهوما خهلكێ ژ مه توَڕهیه!! پێدڤی یه پێناسا ووشا (خزمهتكار ) ب پێناسه كرن و تێگهها بارزانی پێناسه بكهین تێبگههین و كارپێبكهین. پێدڤی یه سیستهمێ چینایهتیێ و مروَڤ موَرڤكانێ ژ ناڤ ببهین و تازه ئیراده و رستهیێن د ناڤ رێبازا بارزانی دا پێناسه بكهینهڤه. ئهڤروَ درهنگتره ژ سوبههی، سهرهدهریكرنا خوه لگهل خهلكی بگوهوَڕین، بو سوبههی ژی هندهك بهرنامه و بنهما دانین و ل كێم و كاسیێن خوه بزڤڕین و راست بكهینهڤه و دا كو مهزناهییا بارزانی بكهڤیته پێش چاڤێن نڤشێ تازه پێ گههشتی و تهڤایا خهلكێ كوردستانێ. د مێژوویا نزیك دا یا ئاشكرایه كو د ناڤا فهلسهفه و بنهمایێن شوَڕهشێن (بارزانیێ نهمردا) هزر و بیرێن كوردایهتی یێ ههبوون نهكو یا ئایدوَلوَژیا سیاسی. چنكو بارزانی ب شوَڕهشێ راببوو بهری پارتی بهێته دامهزراندن. ل دهمێ بهرخوهدانكری ل هاریكاری یا شوَڕهشا شێخێ مهحموودێ نهمر و ههروهسا پشكداری كری و بوویه سهرلهشكهرێ كومارا مهابادێ. لهورا (مستهفا بارزانی) ههر هوسا ب ساناهی نه بوویه سومبوَلا بهرخوهدان و خوَراگریێ و بابێ روحی یێ نهتهوا كورد، دیسا ههر ژ خانهقین ههتا زاخوَ مللهت ههموو پێشمهرگێن بارزانی بوون و د ناڤ رێكخستنێن پارتی ژی دا نهبوون. ئهو ژی ژبهر وان كار و كریارێن جوان و خزمهتكرن و دادپهروهری یا كوَمهلایهتی یا د ناڤا كوَمهلگههێ كوردستانێ و سیستهمێ شوَڕهشێ دا ههیی. خانیێ وی ژ خانیێ ههژارهكێ كوردستانێ باشتر نهبوو، دیسا خوارنا وی ژ یا ههژارهكی خوهشتر نهبوو. لهو ما ل(6/10/1994)ێ ل دهمێ ئینانا جهنازێ ههردوو نهمران ژ وهلاتێ ئیرانێ بوَ كوردستانێ پاشی بوَ بارزان ب ئاماده بوونا ههموو پارت و رێكخراوێن سیاسی و خهلكێ كوردستانێ، دروشمێ پارتێن سیاسی ئهو بوو دگوتن: (بارزانی موڵكی ههموو مانی) و دروشمێ خهلكێ سلێمانییێ ژی دگوتن: (مهیبهنهوه بوَ بارزان. دهخهینه بانی چاومان). گوتنا ڤان دروشما حكمهتا مهزن یا ئیلهاما بارزانی تێدا بوو، ژبهر سادهیی و خزمهتكاری و دادپهروهری یا وی بوَ خهلكێ كوردستانێ. لهورا ههموو خهلكێ كوردستانێ ئهو ب سهروَك و رێبهر و مولكێ خوه دزانی.
