ئهردوغان ژی وهلی ئهمره
كورد ئهو مللهتێ دابهشكری یێ تووشی مهزنترین خهلهتیان بووی و كێم جاران سهربۆر ژ مێژوویێ وهرگرتین، سهرئهنجام لایهنێن سیاسی و ئایدولوژییێن ههر چار پارچێن كوردستانێ ل دووڤ پهیرهو و بهرژهوهندیێن خوه چهمكێ نهتهوایهتی و كاودانێن گهلێ كورد شرۆڤه دكهن، لێ ههر كهسێ ئازاده چهوا هزر بكهت و زۆرا نۆرماله ئاراستهیێن جودا ههبن، یا خویایه ههرسێ مللهتێن (عهرهب، تورك و فارس) داگیركهرێن كوردستانێ نه و مللهتێ مه سهر دهستێ وان تووشی نههامهتی و دهردهسهریێن مهزن و دژوار بوویه، ئهگهر خوه ب كورد بزانین دڤێت ب ئێك چاڤ تهماشهی وان بكهین، بهلێ جهێ داخێ یه ئهڤرۆ هندهك لایهن و پارت كو خوه ب كورد دزانن و بێ شهرم مالكی و ئهسهد و رۆحانی ب وهلی ئهمر دزانن، نزانم ل سهر چ بنهما پارتێن ناڤبری وان دكهنه وهلی ئهمر و دژایهتیكرنا وان ب حهرام و قهدهغه دكهن!! پرسیار ئهوه بۆچی ئهو لایهن ئهردوغانی ژی ب وهلی ئهمر نزانن، چونكی ههر تشتێ ئهردوغان بهرامبهر گهلێ مه ل باكوری دكهت مالكی و ئهسهد و رۆحانی خرابتر و دژوارتر بهرامبهری مه دكهن، یان ئهو كهسێن دخوازن ژ ركێفا ئهردوغانی و ئاكپارتیێ رزگارببن ئهڤرۆ یێن بووینه عیراقچی و سووریاچی و ئیرانچی و توركیاچی؟، كو هند بهرهڤانیێ ژ ئێكگرتنا ئاخا ڤان وهلاتان دكهن كو مرۆڤ هزر دكهت لایهنگرێن (عروبیهت، فارسیهت و توركمانیهتێ)نه، ژ وان پهكهكه ئهوا داخوازا كوردستانا مهزن دكر، ئهڤرۆ ل شنگالێ بووینه تایێ حهشدا شهعبی یا شیعهپهرێس و هیچ رێز ل خوینا شههیدان و قوربانیێن وێ شنگالا ستهمدیتی و دایك و كچێن كوردێن دهستهسهركری نهگرت و رابوون ئالایێ عیراقێ بلند كر ل سهر بریندارترین ئاخ و جهرگ سوتیترین گهل! هزار جاران مخابن.
ئهرێ ئهگهر مه خهلكێ ههرێما كوردستانێ ئالایێ توركیا ل دهڤهرهكا كوردنشین ل چیایێ ئاگری داغ یان كهلا ئامهدێ یان چهمێ دێرسمێ بلند كربا، دا ههلویستێ وان چ بیت، ما ئهو نزانن ئهو یێ برینا مه كوورتر دكهن، بهلێ بلا بزانن دێ بیته خالهكا رهش ناڤ چاڤێن وان ڤه و دیرۆك ل وان نابۆریت، دیسا ههڤسهرۆكێ پهیهدێ سالح موسلم بێ دودلی گۆتی ئهو دهڤهرا ئهم دهستههلاتێ لێ دكهین باكوورێ سووریایێ یه نهكوردستانه، یا سالح موسلم وژدانا خوه ئارام بكه ته شهرعیهت دا رژێما ئهسهدی یا عهلهویپهرێس، ئهگهر ئهو باكوورێ سووریایێ بیت، ئانكو حافز ئهسهد یێ حهق بوو ناسنامه ژ كوردان ستاندین و پشتێنهیا عهرهبی ل دهڤهرێن كوردنشین چێكری، چ كارهساته ئهڤ ئایدۆلۆژیا ناڤبری گهلێ مه توشی مهزنترین شاشیێن مێژوویی دكهت.
ئهڤجا بلا ئهردوغان ژی وهلی ئهمر بیت وهكی ههڤكویفێن خوه یێن عیراقی و سووری و ئیرانی، چ بهانه نینه بهێته جوداكرن، پاش بهشداربوونا ئیرانێ د كۆنگرێ رێكخراوا ههڤكاریا ئیسلامی دا ل ئیستانبولێ و رسواكرنا سیاسهتێن وێ ل جیهانا ئیسلامی ژ لایێ ئهندامێن كۆنگرهیێ ناڤبری ڤه ئیران زۆر تۆره بوو و دێ پتر ژههرا خوه دارێژیته وان وهلاتان، ب تایبهت توركیا و سعوودیێ، ب دیتنا من دێ پتر باندورا خوه ل سهر بالێ شهرخوازێ كوردان كهت ژ بۆ بهردهوامیدان ب شهری ل باكورێ كوردستانێ و زهرهرمهندێ ئێكێ دێ گهلێ مه بیت، چونكی توركیا بهانهیا دژایهتیكرنا زێدهبوونا ههژموونا ئیران و رۆسیایێ شهرعیهتێ دهته ئۆپهراسیونێن خوه ل بن سیبهرا ناتۆیێ و ئێكهتیا ئورۆپی و ئهمریكایێ، دوباره پێدڤیه پێداچوون بهێتهكرن، ئانكو یان شهر دژی ههرسێ وهلاتێن دیتر ژی حهلال بیت یان ئهردوغان ژی بكهنه وهلی ئهمر و شهرێ دژی وی حهرام بكهن.
* هندهك لایهن و پارت خوه ب كورد دزانن و بێ شهرمانه مالكی و ئهسهد و رۆحانی ب وهلی ئهمر دزانن و دژایهتیكرنا وان ب حهرام دكهن
