ھەلبژارتیێ کوردستانێ بوو قوربانی ھندەک یاریزانان بۆ پتر زانینێ دڤێ راپورتێ دا بخوینن
ئەڤرۆ، مللەت جەمال:
ھەلبژارتیێ ھەرێما کوردستانێ د قارەمانیا کونیفا دا ئەوا بەری چەندین رۆژان ل وەلاتێ ئەبخازیا بدووماھی ھاتی نەشیا ئەنجامەکێ باش بدەستخوڤە بینیت و بەرۆڤاژی پێشبینیێن ھەمی شرۆڤەکار و روژنامەڤانێن وەرزشی و پشتەڤانێن خوە ب رێزا ھەشتێ ژ سەرجەمێ ١٢ تیمان رازیبوو ڤان ئەنجامێن لاواز ژی ئەگەرێن خوە ھەبوون.
خەلکێ ئەبخازیا کوردستان بەربژارکربوو بو یاریا دووماھیا قارەمانیێ
ل گەل گەھشتنا شاندێ ھەلبژارتیێ ھەرێما کوردستانێ وەسا تەماشەی ڤی ھەلبژارتی دھاتەکرن ژلایێ تیمێن دی یێن پشکدار و ھەروەسا خەلکێ ئەبخازیاڤە کو ئەڤ ھەلبژارتیە دێ لایەنە ک بیت د یاریا دووماھیا قارەمانیێ دا ژبەر بەرھەڤیێن وێ و ھەروەسا ژبەر وێ ریکلاما بو ھاتیەکرن ژلایێ لژنا رێکخەرا قارەمانیێ ڤە لێ وەسا نەھاتە دیتن و ئەڤ گوتنە بتنێ پێشبینی مان و نە زێدەتر.
پێشمەرگە د چاڤێن واندا ب جەنگاوەرێن جیھانی و لەشکەرێ ئەبخازی دھاتنە دیتن
پێشمەرگە د چاڤێن واندا ب جەنگاوەرێن جیھانی و لەشکەرێ ئەبخازی دھاتنە دیتن
خەلکێ ئەبخازیا رێزگرتنەکا مەزن ل ھەلبژارتیێ کوردستانێ دگرت و وەسا دیاردکر کو ئەبخازیا و کوردستانێ ھەردوکا ئێک سیفەت و کێشەیا نەتەوەی ھەیە و پێشمەرگە د چاڤێن واندا ب جەنگاوەرێن جیھانی و لەشکەرێ ئەبخازی دھاتنە دیتن لەورا ژی زوربەیا جاران دەما ئەندامێن شاندێ ھەلبژارتیێ کوردستانێ سواری تەکسیان ببان ھەر دەما زانیبان کوردن شوفێری کریا خوە وەرنەدگرت! و ھەروەسا ژبیرنەکەین ژی کەش و ھەوا و سرۆشتێ ئەبخازیا زورێ نێزیکی کوردستانێ بوو ژلایێ چیا و روبار و سەیرانگەھان ڤە
ھەکە بچینە سەر بابەتێ ئەنجامێن خراب ھەر دەما سێ ھەلبژارتی دناڤا ئێک ھەلبژارتی دا ھەبن بلا چو کەس پێشبینیا ئەنجامێن باش و دەستکەفتان نەکەن بو نموونە ئەڤ سالە ھەلبژارتیێ یاریزانێن ھەولێرێ جودابوو و یێن سلێمانیێ جودا بوو و یێن دھوکێ جودا بوو لێ ناھێتە ڤەشارتن کو تێکەلیەک ھەبوو دناڤبەرا یێ دھوک و ھەولێرێ دا لێ یێن سلێمانیێ ھەردەم بتنێ و لگەل ئێکدو بوون و تێکەلی یێن دی نەدبوون! راھێنەر نەشیا چارەسەریا ڤێ کێشێ بکەت ل دەستپێکا گەشتێ و ھەتا دووماھیک رۆژ .
ھەروەسا ھندەک یاریزان ھەبوون ل گەل ھەلبژارتیێ کوردستانێ قەبوول نەدکر لسەر کورسیکا یەدەکا رینیتە خوار و یاریزان ھەبوویە یەدەک بوو بەری کرنا یاریێ تیمێ ھەمیێ پێکڤە دوعا یێن سەرکەفتنێ ژ خودای کرینە وی یاریزانی خوە دایە لایەکی بتنێ و دوعایێن سەرنەکەفتنێ کرینە !!
د یاریا ھەلبژارتیێ کوردستانێ و ئەرمینیا دا ئەنجامێ یاریێ وەکھەڤ بوو بێ گوول د دەمەکی دا یاری بەرەف پەنەرتیان دچوو ،راھێەرێ گولچیان داخواز ژ گولچیێ یەدەک کر بچیت لەشێ خوە گرەم بکەت چنکو دێ بو پەرنەرتیان پشت بەستنێ لسەر کەت لێ ئەو گولچیە رازینەبوو و گوت یاریێ ناکەم !! و ئەڤ چەندە بێ سزا بوری و بابەت ھاتە بێدەنک کرن ددەمەکیدا ئەڤ بابەتێن بڤی رەنگی پێدڤیە ھەر کەس بزانن و سزایێن توند بو بھێنە دان .
ھەر د یاریا ئێکێ یا قارەمانیێ دا ھەلبژارتیێ کوردستانێ یێ سەرکەفتی بوو ب سێ گولان دو یاریزانان وەسان سەر و سیمایێ خوە نیشان د اکو ھەلبژارتیێ کوردستانێ یێ خوسارەت بووی و ئەڤ چەندە ھەست پێ ھاتەکرن ژلایێ وێ کچا وەرگێر ئەوا ل گەل ھەلبژارتیێ کوردستانێ و ژ وان ھەر دو یاریزان پرسی بوچی ھنک د عاجزن و تیما ھە وە ب سێ گولان یا ب سەرکەفتی!!
پێدڤیە مروڤ بو مێژوویێ بنڤیسیت ئێکەتیا تەپا پێی یا ھەرێما کوردستانێ ب ھەموو شێوەکی یا ھاریکار بوو ل گەل یاریزانا و دەستەیا راھێنەریێ و بھیچ رەنگەکی مایتێکرن د کاروبارێن راھێنەری دا نەکر و ھەلبژارتیێ کوردستانێ ئێکەم ھەلبژارتی بوو کو کوژمێ ٥٥٠ دولار وەرگرتین د وان رۆژان دا بەرامبەر گەلەک ھەلبژارتی ھەبوون ھەتا زڤرینە وەلاتێن خوە ژی ئێک دولار ژی وەرنەگرت !!
ئێکەتیا تەپاپێی پێدڤیە ڤێ شکەستنێ بخو بکەنە وانەک
ئێکەتیا تەپا پێی یا ھەرێمێ پێدڤیە وانەکێ وەرگریت ژڤێ پشکداریێ کو ئێدی راھێنەر و یاریزان لدیڤ باژێرا و تەوافقا حزبی نەھێنە ھەلبژارتن چنکو ئەوا لڤێ قارەمانیێ بسەرێ کوردستانێ ھاتی بدیتنامن ئیھانەکا مەزن بوو و پێدڤیە یاریزانێن ڤی ھەلبژارتی ھەتا دووماھیا ژیانا خوە یا وەرزشی ڤێ شکەستنا مەزن ژبیرنەکەن ! لێ پێدڤیە ژی بێژین ھندەک یاریزان ھەبووینە کو خوسارەتیا ڤی ھەلبژارتی بو وی خەم نەبوویە و وەک تشتەکێ نورمال دیتیە د دەمەکی دا کو بو یانێن خوە دکرە گری.
یا گرنگ لدووماھیێ من دڤێت دیاربکەم کو یاریزان ھەبووینە لڤی ھەلبژارتی گەلەک خوە ژ ناڤێ ھەلبژارتیی کوردستانێ مەزنتر ددیت لێ د یاریا بەرامبەر پادانیا دا دیاربو کا کی مەزنە و کیشک نە !! دەمێ بویە پەنەرتیانێ یاریزان ھەبووینە بھیچ رەنگەکی رازینەبوون پەنەریتێ لێبدەن ژبەر ترسیانێ !! ھەرەسا یاریزان ھەبووینە قەبول نەکریە لسەر کورسیکا یەدەک رینیتە خار لەورا گوت ئەز نەشێم یاریێ بکەم یێ ھنگافتی مە و چوو لسەر مەدرەجان روینشتی خار و ئەڤ چەندە د یاریا دووماھیێ دا بەرامبەر کوریا ئێکگرتی رویدا !! لێ ھەر نە ھاتە سزادان
قارەمانیا کونیفا ٢٠١٦ پێدڤیە ببیتە وانەک بو ئێکەتیا تەپا پێی چنکو نە ئەبخازیا و نە پادانیا ژلایێ ھونەریڤە ژ کوردستانێ باشتر و بھێزترنینن لێ ژمە ئێکگرتی ترن.
