دهۆك ئهو دهڤهرا ههر دێ مینیت بێ هێما
دهۆك دهڤهرهكا نوو یه تازه كهتیه سهر چالهپكان و ئارام پێ دگههیت یان مێژوو ههیه، گۆمانبڕه یا دویێ راسته، مالتا و شندوخا و شكهفتا چارستوون و پرا دهلال و لالش و شینوارێن دێرین بهلگهنه، ئهرێ پرسیار ئهوه بۆ هێما تێدا نینن، مهبهستا من هێمایێن هزرى، بۆ ناڤ نهماینه ئهڤرۆ دهۆكى شانازیێ پێ بكهن، بۆ د رۆژا ئهڤرۆ دا هندهك نهبن ئهم پێ سهرفرازبین و ناڤێن وان ل سهر زارێ زارۆك و گهنجێن مهبن و تهخا نوو بكهته رێنیشاندهر و چاڤلێ بكهن، راسته مه هزر و خامهیێن یێن كز و لاواز ههبووینه ئهڤرۆ دو یان سێ یان پتر ناڤ نهبن ببنه ناسناڤێن ڤێ دهڤهرا مێژوویا وى ژ سێ هزار سالان دهرباز دبیت، یان وان هزر و خامهیان چ چامه و شاكار ل دووڤ خوه نههێلاینه ببنه ئهگهر ئهو هێما دروست نهبـن، نهخێر راست نینه، ب سهدان ئهگهر نهبێژین ب هزاران ئهو بلیمهت و ئاست بهرز ههبووینه ژ ڤێ دهڤهرێ ههلاتین و شاكارێن مهزن ل دووڤ خوه هێلاینه، یا راستتر ئهوه مه وهك خهلك و دگهل تهخا رهوشهنبیر و هزرڤان ل ئاستێ وان یێ دروست نه داناینه و بهایێ وان یێ دروست نهدایێ، دیسان دێ دووباره كهم ئهم وهك خهلك چاڤ ل دهرین و حهز ژ خوه ناكهین و ههر لڤینهكا باش پشتگوه دهاڤێژین و پهراوێز دكهین، ئهم و هزرا مه د كهڤن دا چۆك شكێنین و بهرێ مه ل دهرڤهیه، دیتنا مه بۆ شاكارێن مه یا كز و لاوازه، دیتنا مه بۆ كولتوورێ مه، بۆ مێژوویا مه، بۆ زمان و شێوهزار و پاشمایێ مه یا ساده و خاڤه، ئهو بههرهمهندێن ئهڤرۆ ل دهۆكێ ئهگهر ل جههكێ دیێ كوردستانێ بان، یان خهلكێ وهلاتهكێ دیتر بان، دا دیتنا مه بۆ وان بههرهمهند و شاكاران دا یا جودابیت و ب شێوهكێ دى دا پهسنا وان كهین و ئاستهكێ بلندتر دهینێ، د ئهڤرۆ دا هندهك خامهیێن زێرین و هزرێن شاریایى و لۆكێن بلند، هندهك رۆماننڤیس و ههلبهستڤان و چیرۆكنڤیس و مێژووناس و میدیاكار و هونهرمهند و شارهزا یێن ل دهڤهرێ ههین جهێ شانازى و سهرفرازیێ نه، لێ هێشتا دهم نههاتیه یان ئهو دهست و بهرهباب نههاتینه بهایێ وان بهێته زانین، ئهو رهوشهنبیرى دروست نهبوویه مافێ وان ب دروستى بهێته دان و خامهیێن رهخنه و ههلسهنگاندنێ هێشتا ب وان بههره و شاكاران دا نهچووینه، ژ ڤى ئاراستهیى بهرچاڤ دبیت كو شكاندنا كهلهێن ئاڤا، نزمكرنا بهژنێن بلند، تێكدانا سهرو رۆمهتا شاكارێن مه ئهڤرۆ وهكى چاڤێ رۆژێ ل دهۆكێ دهێته دیتن و كهس ژ مه ژێ بێ بههر نینه.
