كولاڤێ بهارا عهرهبی دێ چیته سهرێ ئهردۆغانی ژی!
(ئهردۆغان و فهتحوللا گویلهن های ژ ههڤدو ههیه و ب رێكا كابرایێ لهشكر هاتیه هاندان كۆدهتایا كارتوونی بكهن، ئانكو یاچێكریه لهورا چ جاران توركیا داخوازا رادهستكرنا وی ژ ئهمریكا نهكریه)
پشتی رژێما توركی بزاڤا ژناڤبرنا رژێما سووریێ كری و ئالیكاری بۆ تیرۆرستێن داعش كری و سنوورێن خوه بۆ وان ڤهكری و بریندارێن وان ل نهخۆشخانێن خوه چارهسهر كرین و مایتێكرنێن خوه یێن چهپهل د كاروبارێن رۆژئاڤا كوردستانێ دا كری و دڤیا دهڤهرهكا ئێمناهیێ بۆ خوه لێ چێ بكهت و پاشی (نانێ شڤانی خواری) فرۆكهیهكا رۆسی ئێخستی گهلهك لاواز بوو و بزاڤێن وێ ژی كو بچیته د ناڤ یهكێتیا ئورۆپی دا سهرنهگرتین نهچار بوو ستراتیژیا خوه یا دژبهری ژسهر تهخت لابرنا دهسهلاتا ئهسهدی بگهۆریت، بوو ئهگهرێ ل ههڤهاتنا وێ ل گهل رۆسی و ژلایهكێ دیڤه ل گهل ئیسرائیلی ژی پێكهات و مژویله ل گهل عهبادی ژی پێك بهێت دا ب هێز بكهڤیت، ئانكو ئهردۆغان یێ ل سهر گهلهك وهریسان دلهیزیت.
زێدهباری وێ رهوشا هێستریا یا ئهردۆغان گرتی یاژ منڤه ئهردۆغان ب یاریا كۆدهتایهكا شكهستی وهك سیناریۆ لهیزی، لێ دوژمناتیا وان كۆدهتاچیان بۆ كوردان ژ یا ئهردۆغان دژوارتره.
ب هزرا من سیناریۆیا ئهردۆغانی شیا پشتگیریا پارت و گهلێن ل توركیا ب تایبهتی ههلویستێ گهلێ كورد ب دهستڤه بینیت بۆ ڤێ قووناغێ سهرگرت، كو مخابن كوردان ئهڤ دهلیڤه ب كارنهئینا و دهست ب سهرهلدانهكا جهماوهری دژی رژێما توركیا نهكر یان ژی دیاره وان ژی زانی ئهڤه سیناریۆیه، ب دیتنا من ئهڤ پالپشتیه دێ بیته ئهگهرێ ب هێزبوونا ئهردۆغان و دكتاتۆریا وی وههڤركێن ئهردۆغان وهك مهههپه و جهههپه و هادهپ لێ خرڤهببن.
لهورا ئهز دبینم پشتی ژناڤچوونا ڤێ كۆدهتایێ دو رێك ل بهر سینگێ ئهردۆغان ههنه یان دێ دهست ب تۆلڤهكرنێ كهت دژی كۆدهتاچییان ب هێزێن لهشكریڤه ئهوێن بهرهنگار و ههر پارت و كهسهكێ خوه بلڤینیت و نهچیته بن ركێفا وی دێ بزاڤا ژ ناڤبرنا وان كهت و دێ پتر دیتن و بۆچوون و دهنگێ ئازاد چهوسینیت و ژناڤ بهت ئهڤه ههكه بهرهیێ وی ل گهل ئهوێن كارێ تیرۆرستی ل فرهنسا كری ل پشت ڤێ كۆدهتایێ بن و من باوهری ههیه وهسا بیت، دا خهلكی ل دۆر خوه خڕڤه بكهت و بۆ خوه بكهته هێجهت و بهرهنگارێن خوه بێ دهنگ بكهت یان دهست ب ژناڤبرنا وان بكهت.
یان ژی دبیت ئهڤه زهنگهك بیت دا ئهردۆغان ب خوه دا بچیتهڤه و پهشێمان ببیت و كێشێن ناڤخوهیی چاره بكهت و ههوا خوه یا لهشكری دژی مافێن رهوایێن گهلێ كورد ل باكوور براوهستینیت و دهست ب پێڤاژۆیا ئاشتیێ بكهتهڤه و دانپێدانێ ب مافێن كوردان بكهت و رێبهر ئۆجالان ژ زیندانا ئیمرالیێ ئازاد بكهت و پێشیلكرنا سهروهریا مه ژی ل باشوور ب هێرشێن بالهفڕێن خوه یێن هۆڤانه براوهستینیت و چ بنكێن خوه یێن لهشكری ل باشوور نههێلیت و ڤهكێشیت، لێ جارا شههید سامی عهبدولرهحمان دگۆت: (ئهڤه خهونا حێشترانه).
ب دیتنا من دبیت ئهوێن ئهڤ كۆدهتایه كری پشتی كارێ تیرۆستیێ ل فرهنسا هاتیهكرن و داعش دانپێدان كری، ژ بهر وێ چهندێ بیت دا ئهو تۆرێن تیرۆرێ نههێنه گرتن و پێ بهێنه ڤهشارتن، ئانكو یا چێكریه و وان و ئهردۆغان و كۆدهتاچیان پێكڤه نهراستهوخوه های ژ ئێكودو ههیه و دبیت ب ڤێ كۆدهتایێ ئهردۆغانی ڤیایه خوه ژ بهرههنگارێن خوه د ناڤ لهشكرێ توركیا دا رزگار بكهت و ب گرتن و ژناڤبرنێ وان نههێلیت، چونكو كۆدهتایێن لهشكری بهری ههر تشتهكی ب سهر كۆچكا كۆماری دا دگرن و سهركۆماری ژناڤ دبهن و پاشی دهست ب سهر رادیۆ و تهلهڤزیۆنا فهرمی دا دگرن و داخویانیا سهركهتنا كۆدهتایێ دخوینن و بهری هینگێ بهرهیهكی ل گهل هندهك هێزێن بهرهنگار پێك دئینن، لێ چ ژڤان گاڤان نههاتنه هاڤێتن، دیسان یا پتر گۆمانێ بهر ب راستیێ دبهت ئهوه ئهمریكا دیار كر كو چ جار توركیا داخواز ژێ نهكریه كو (فهتحوللا گویلهن) رادهستی وان بكهت، ئهڤهژی واتایا وێ چهندێ ددهت كو كابرای و ئهردۆغانی های ژ ههڤدو ههیه و ب رێكا كابرای لهشكر هاتیه هاندان كۆدهتایا كارتوونی بكهن و بۆ ئهردۆغان ئاساییه پشتی كارێ خوه ب كابرای كری وی ژی ژناڤ ببهت و ئهڤه د ناڤ مافیایێ دا ئاساییه و ئهگهر هێشتا كار پێ مابیت وهناكهت، دیسان بهغدادی ژی ئهڤ سهركهتنه ل ئهردۆغان پیرۆز كر ئێدی چ گۆمان نهما كو داعش قهنجیا توركی ل سهر خوه راكر و بهرهنگارێن ئهردۆغان ل ناڤ لهشكری و خویندكارێ زانكۆیا لهشكری پفدان و كۆدهتا ب وانڤه پهقاند و ئهڤجا دێ ئهردۆغان دهست ب سهربڕینا وان كهت، لهورا ب دیتنا من وهریسێن ئهردۆغان دێ بزدیێن و كولاڤێ بهارا عهرهبی دێ چیته سهرێ وی و رژێما وی یا خویناوی.
