نهئێكگرتنا ئالیێن سیاسى ئاستهنگێن بزاڤا راگههاندنا دهولهتا كوردینه
راسته سیاسهتكرن بۆ روویێ ب سهرڤه رێخۆشكرنه بۆ گههشتنا ماف و ئارمانجێن ههمى گهل و نهتهوهیهكى، بهلێ راستیا ههر سیاسهتهكێ د تهرازییا گهل و كۆمهلگههێ دا كێشان و پیڤان بۆ تێتهكرن، لێ ئهڤه ل سهر چاوانیا بهرچاڤ وهرگرتنا خواستێن وى مللهتى یه و دگهل ڤێ ژى وهلاتیێن وێ كۆمهلگههێ قهنجى و خرابیێن ههر لایهكى د بیركرن و دیتنێن وهلاتپارێزیا وى دا دیار دكهت، بهلێ دڤێت ههر ئالیهك بۆ خوه بها و سهنگ و شیانێن خوه د وى وهلاتى دا بزانیت، پاشى ئهو ئاور و نیازێن ههین بجه بكهت، چونكی گرۆڤه ههیه كو ئهڤ لایهنه ههتا چ راده خهمخۆرێن مللهتینه، بهلێ یا گرنگ ئهوه بۆ هاژووتنا كاروانێ ههر سیاسهتهكێ د بهرنامه و كریارێن زهلال دا خویا دكهت پاشى سهنگ و پێگههێ وێ بیرۆكێ ب هێز دكهڤیت، ههلبهت ئهڤه دزڤریت بۆ خۆرتكرن و رێخۆشكرنا پهیوهندیێن وێ هێزا سیاسى دگهل خهلك و جهماوهرێ خوه، لهوا ئهڤ خهلكه ب ئازادی تێكهلى وێ ئایدولۆژیێ دبن و ل دۆر ئالایێ وێ كۆم دبن، چونكه باوهریهكا وهسا بۆ پهیدا دبیت كو دبینن ئایندهیهكێ گهش برێڤهیه، بهلێ ئهڤ راستیه د سهربۆر و سهرهاتیێن وێ هێزا سیاسى دا بهرامبهرى گهل و وهلاتێن وان دیار دبن، ههروهسا ئهو ژى تێته زانین گرێدان و بهرگریا وێ بزاڤێ بۆ گهل و وهلاتى چهنده، ژبهركو مێژوو وهكو چاڤدێرهكێ خهبات و ههلویستێن ههر ئالیهكى تۆمار دكهت و ئهكید ل سهر ڤێ چهندێ مێژوو چ دلۆڤانیێ ب هیچ ئالیهكى نابهت، ژبهركو كار و قوربانیێن ههر ئالیهكى بهرامبهرى وى خهلكى تێته نڤیسین و ژبهر هندێ ل پاشهرۆژێ ههلسهنگاندنا وان ئالیێن سیاسى تێتهكرن، بهلێ ئهوا دروست بهێته دیتن د وێ دووربوونا گهل و مللهتى دا دیار دكهت، ژبهركو ئاور و گۆتنا وان نهب تنێ درووشم و پرۆپاگندێن حزبى بن، داكو خهلكهكى بۆ خوه رازى بكهن و راستیا ڤێ ههر تشتهكى د پهیام و ئاراستێن وێ بیروكا سیاسى دا بۆ خهلكى دیار دبن، بێگومان بهرۆڤاژى خهلك و جهماوهر د وێنه و كریارێن ههر سیاسهتهكێ دا دبینن، ژ رهخهكێ دی ڤه دیتن و بزاڤێن ههر ئالیهكى راستهوخۆ دكهڤنه وان خودیكێن گهل و وهلاتى دا تاكو ئهو ههلسهنگاندنێن دروست یێن نشتیمان پهروهرى و نهتهوهیی بۆ تێنهكرن، ل ڤێرێ ئهمێ زڤرین ناڤهرۆكا بابهتێ خوه.
دیاره گهلهك نهتهوه و گهلێن دونیایێ مینا گهلێ كورد كهتینه بهر وان پێلێن سهپاندن و ئاشووپێن بهرزهكرن و زۆرداریێ، لهوا نهچار بوون شۆرهش و سیاسهتێن نهتهوهیی بكهن، داكو گهل و مللهتێ وان ژ وان ئاورێن قركرنێ رزگار ببن و ههلبهت ئهڤه دیاره ل سهر ڤێ رێكێ وێرانكارى و قوربانیێن پێش چاڤ بۆ گهل و وهلاتێ خوه داینه بۆ هندێ مللهتێ وان تهنا و سهربهست بژین، بهلێ پشتى ئهو قوربانى و نههامهتێن بن دهستیێ دهرباز كرین، كو بوونه خودان كیان و گههشتنه ئارمانجێن خوه و یا گرنگ بۆ وان بهرى ههر تشتهكێ هزرا یاسا و دهستوورهكی بۆ وهلاتێ خوه بكهن و دگهل ڤێ ژى تهڤایا هێزین سیاسى بوونه پالدهر و خودانێن ئاڤاكرنا وهلاتهكێ سهردهم و پێشكهتى داكو خهلكێ وان ژیانهكا سهردهم بۆرینن، ئهڤه پشتى بریار و ههلویستێن رێبهر و سهركردێن وان یێن سیاسى هاتیه، چونكه ڤیا برایهتى و پێكڤهژیان و ئێكگرتنا خهلكێ خوه پهیدا بكهن ژبهر هندێ ئهڤرۆ گههشتینه ڤى ئاستێ تێته دیتن و بوونه خودان تهكنهلۆژیا كو ئیرۆ سهربلند و شانازیێ پێ دبهن، چونكه دیتن و ئارمانجێن وان بۆ ئاخ و وهلاتپارێزیێ بوویه و دادپهروهریهكا بێ جیاواز ل وهلاتێ خوه پهیرهو دكهن، لهورا خهلكێ وهلاتێ وان ئهڤرۆ ب تێگهههكێ وهلاتپارێزیێ هاتینه پهروهردهكرن بۆ هندێ ب ئاخ و وهلاتێ خوهڤه بێنه گرێدان.
ئهڤجا ئهگهر ئهڤ ئالیێن مه یێن سیاسی ب دروستى باخڤن و وێ مێژوویا پرى دهردهسهرى و نهمرۆڤایهتیا دوژمنا ڤهلڤینن و لاپهرێن زۆرداریا گهلێ مه دیتى بخوینن چ جارا پرسیارا پێگهه و بهرژهوهندیێن تایبهت نه دهاتهكرن، چونكی ڤى مللهتى گهلهك ئهڤرازی و نشیڤیێن دوور و درێژ دهرباز كرینه تاكو گههشتینه ڤێ قووناغا ئهڤرۆ ئهم ههمى پێ سهربلند بووینه، چونكه ئهنجامێ وێ ماندیبوون و خوین رشتنا ڤى مللهتى بوویه، لهورا دڤێت ئهو بۆ دهستههلاتێ و دژایهتى و ههڤركیا ئێك دوو نهكهن، ئانكو نهبنه رێگر و بهربهست بۆ گههشتنا وێ خهونا گهلێ مه چهندین ساله چاڤهرێ دكهت و بۆ بكهن راست و دگهل ڤێ ژى بلا كهیفا دوژمنا ب گهلێ مه نهئینن، چونكه ئهڤرۆ دۆست و دوژمنێ گهلێ مه دزانن ههولێن پهیاما راگههاندن و سهربخۆیا كوردستانێ تێنهكرن و دیسان ڤیا ئالیێن كوردى وێ بزانن ئهڤه پترى سهد ساله بزاڤێن بن دهستى و بهرزهكرنا گهل و وهلاتێ مه تێتهكرن و ئهڤرۆ دوژمن وێ دبینن گهلێ كورد یێ ژ وان چارگوشێن زۆرداریا بهرێ دهركهتیه لهوا حسابێ بۆ دكهن ژبهر هندێ ههول و بزاڤێ دكهن ئهگهر بشێن مێژوویێ بۆ لایێ خوه بزڤرینن، داكو جارهكادى دارێ زۆردایێ بكاربینن، بهلێ بارێ ژ هێزا وان گرانتر بوویه ئێدى نهشێن ئهوا جاران دكر ئهڤرۆ دووباره بكهن، لێ ئهوا د دهستێ وان دا مای ب تنێ كارێ وان بوویه شێلیكرن و ههلكرنا ئاگرێ دژایهتى و دوبهرهكیا هێزێن كوردى!. چونكه دبینن هندهك ناكۆكى و نهئێگرتن ههیه و ب ڤێ چهندێ دلخۆش دبن، لهوا ههول و بزاڤێن وان ل سهر ڤێ یهكێ بهردهوامن كو بشێن پتر تێكدان و ئالۆزیێ د ناڤ مالا كوردى دا پهیدا بكهن. ههلبهت دیاره ههكه نهچار نهبن ئیعترافێ ب ماف و ئارمانجێن گهلێ مه ناكهن، ژبهركو ئهوان برایهتیا گهلێ كورد قهبوول نهكریه و ئهگهر جارهكێ هاتین بن بارێ پرسگرێكا گهلێ كورد دیاره چ رێك بۆ خوه نهدیتنه لهوا هندهك دهڤ نهرمیا بۆ گهلێ مه دكهن، وهسا دیاره وى دهمى وان كێشێن ناڤخۆیى ههبن دبێژن كورد برایێ مهنه و بهلێ ههر دهمێ دهلیڤه دیت دزانن چاوا خهنجهرا خو دهینن، لێ ئهوا جهێ خۆشحالیێ ئیرۆ خویا دبیت دوژمنى ئهو هێز و باندورا بهرێ نهمایه و ئهكید ئێدى ئهو شیان نهمانه دژایهتیا راستهوخۆ بكهن، لهوا كهتینه پیلان و كارێن ڤهشارتى دژى كورد و ههرێما كوردستانێ.
ژلایهكێ دی ڤه ئهڤرۆ گهلێ كورد و ههرێما كوردستانێ سهنگ و پێگههێ خوه ل سهر ئاستێ جیهانێ كریه و بێگومان ئهڤ دهنگێ گهلى مه ئهنجامێ راستى و خۆراگرى و بهرسینگگرتنا تیرۆرستێن داعشێ بوویه، چونكه هێز و ڤهرێژا وێ بوویه مهترسیهكا جیهانى كو بهرهو ئورۆپا ڤه بچیت، ل دهمهكی بۆ ههمى دونیایێ دیار بوویه تهنها پێشمهرگێ ههرێما كوردستانێ ب قارهمانیا خوه شیا رێگریا داعشێ بكهت و ئهكید ل سهر دهستێ پێشمهرگهى هاتنه شكاندن، لهوا ئیرۆ بوویه عهینا ههمى كۆمهلگهها نیڤدهولهتى، لهورا پشتهڤانیهكا بهێز بۆ گهلێ كورد ههیه، ل ههمان دهمی ههرێما كوردستانى د ههمى وارهكى دا چوویه پێش و رامانا ڤێ بنهمایێن دهولهتبوونێ پێڤه دیار دبن، لهورا تێته چاڤهرێكرن وهلاتێن جیهانێ ب فهرمى دان پێدان ب كێشا كوردى بكهن، ئهڤه ژی ئهنجامێن وێ دیموكراسیهتا ل ههرێما كوردستانێ تێته دیتن و كار ل سهر مرۆ ڤایهتى و ئارامیا كوردستانێ ههیه و ژبهرڤێ چهندێ زۆربهیا وهلاتێن دونیایى چاڤهرێ راگههاندنا دهولهتا كوردینه، كو بهێته راگههاندن داكو پشگیریێ بۆ بكهن.
ل دووماهیێ ئێكبوونا مالا كوردی یا پێدڤیه و بزانین بۆچى كۆمهلگهها نیڤدهولهتى ئیرۆ ل سهر خهتى یه و ب ههمى شیانێن خوهڤه پشتهڤانیا گهلێ مه دكهت و كار و حازریێن سوبههیا ڤى مللهتى َ ههژار بكهن و ههر ئالیهك هندهك پێداچوونا ل سیاسهت و دیتنێن خوه بكهت ۆ هندێ بهس بیت دژایهتى و ههڤركیا دهسههلاتێ ژبهركو ئهڤ مللهته ههمى سیاسهتهكێ دبینت و دادپهروهریا ڤى خهلكى ب دووربوونهكا زهلال كارێ ههر لایهكێ دبینن و ههلبهت ئهو تهرازیا ڤى مللهتى ههی دشێت كێشان و پیڤانێ بۆ ههر لایهكى بكهت و ئهكید راكرن و دهینانا ههر هێزهكا سیاسى دێ ب رێیا مللهتى بیت ژ بهرڤێ یهكێ ئهوا ئیرۆ تێته خواستن دڤیا ههر لایهك بیر ل پاشهرۆژا خهلكێ كوردستانێ بكهن، چونكه راستیێن ههر بزاڤهكا سیاسى ل دهف خهلكێ كوردستانێ ههنه و هاتیه زانین و ئهكید ڤیان و نهڤیا دێ بۆ مللهتى مینیت.
