كارێ دروونا گیاى ب ترپانان هێشتا یێ به‌رده‌وامه
ئه‌ڤرۆ نیۆز،زنار تۆڤى:
هه‌ر سال ل دوماهیا هه‌یڤا پێنج و ل ده‌ستپێكا هه‌یڤا شه‌ش ل ده‌ڤه‌را به‌روارى بالا گیا دگه‌هیت و ئه‌و خه‌لكێ ته‌رش و كه‌وال هه‌ین دڤى ده‌میدا گیاى بۆ ته‌رش و كه‌والێن خوه د دروون،داكو ل وه‌رزێ زڤستانێ وى گیاى بده‌نه ته‌رش و كه‌والێن خوه و په‌زێن وان ل رۆژانێن به‌فر و بارانێ نه‌میننه بێ گیا،هه‌روه‌سا ئه‌و كه‌سێن رێژه‌یه‌كا باش یا ته‌رش و كه‌والان هه‌ین ب ترپانان گیاى د دروون و هێشتا خه‌لكێ مه ب ترپانان گیاى ل ڤێ ده‌ڤه‌رێ د دروون.
رەمەزان عەلی ئێك ژ وان جۆتیارانه یێن كو چه‌ندین ته‌رش و كه‌وال هه‌ین و بۆ ئه‌ڤرۆ نیۆز دبێژیت:ئه‌ڤه ماوێ پترى 30 سالانه ئه‌و ب ترپانێ گیاى د درووت،هه‌تاكو نوكه ژى ئه‌و یێ ل سه‌ر ڤى كارى به‌رده‌وامه،هه‌روه‌سا وى چه‌ندین ته‌رش و كه‌وال هه‌نه و هه‌كه ب ترپانێ گیاى نه درووت،ئه‌و
نه‌شێت تێرا وان گیاى ب درووت،هه‌روه‌سا گۆت ژى:هه‌ر چه‌نده كارێ ترپانێ و گیا دروونێ گه‌له‌ك وه‌ستیان پێ دڤێت و دیسا پێدڤیه مرۆڤ د به‌ر كارى را ب چه‌كۆچ و سندانى ترپانێ ب قۆتیت داكو ده‌ڤێ وێ خۆش بیت و مرۆڤ بشێت ب ره‌نگه‌كێ باش كارى پێ بكه‌ت،هه‌روه‌سا ئه‌م ب شێوێ زباره دهێنه گیا دروونێ،چونكى دڤێت مرۆڤ گیاى ب
درووت و ل دووڤ دا كومڤه بكه‌ت و پاشى بكه‌ته گورز و هه‌كه ب شێوێ زباره نه‌بیت،مرۆڤ نه‌شێت ڤى كارى ئه‌نجام بده‌ت،چونكى لێكدان و چێكرن و شداندنا گورزان ژ گیا دروونێ و كێشا نا وى نه‌خۆشتره.
