ئێکگرتنا فراکسیۆنێن ئێکەتی و گۆرانێ ل پەرلەمانێ عێراقێ دێ هێتە هەلوەشاندن
ئەڤرۆ نیۆز،زنار تۆڤی:
ئێکگرتنا هەردوو فراکسیۆنێن ئێکەتی نیشتمانی کوردستان و بزاڤا گۆڕان ل پەرلەمانێ عێراقێ دێ هێتە هەلوەشاندن و ئەو پێنگاڤێن بۆ ڤێ مەبەستێ گرتینە بەر ژی،دێ ب دوماهی هێن.
ژێدەڕەکێ هایدار کو نە دڤیا ناڤێ خوە ئاشکرا بکەت، بۆ باسنیوز راگەهاندیە، هەولێن ئێکگرتنا هەردو فراکسیۆنێن گۆڕان و ئێکەتیێ ل پەرلەمانێ عێراقێ هاتنە هەلوەشاندن و ئەو پێنگاڤێن بۆ ڤێ مەبەستێ هاتینە دانان ژی دێ ب دوماهیک هێن.
عەدنان عوسمان ئەندامێ خۆلا بەرێ یێ پەرلەمانێ کوردستانێ ژ فراکسیۆنا گۆڕانێ گۆتیە: بزاڤا گۆڕانێ ل بەغدا و ل کوردستانێ ژی دێ ب شێوەیەکێ سەربەخۆ کاری خۆ کەت و ئەجێندایێ چ پارتان جێبەجێ ناکەت.
ئەو ژی گۆتیە:کو پێشتر د ڕێککەفتنا وان دا کارکرنا فراکسیۆنان ب ئێک تیم و ئێکگرتی بڕیار پێ دابوو، بەڵێ ئەڤ رێککەفتنە نەهاتە جێبەجێ کرن و نە شیاینە جێبەجێ بکەن ژی،لەورا چ واتا بۆ ڤێ چەندێ نامینیت. هێشتا دیارکر:رەنگە پێکڤە کارکرن ھەبیت، بەلێ بۆ ئێکگرتن و ئێک فراکسیۆنێ نەهاتیە جێبەجێ کرن و گۆڕان ل بەغدا وەک فراکسیۆنەکا کارا دێ کارێ خۆە کەت.
پشتی ل رۆژا 19/5/2017، بزاڤا گۆڕان وەغەرکرنا نەوشێروان مستەفای ڕێکخەرێ گشتی یێ بزاڤا گۆرانێ ڕاگەهاندی،ئێکەتیێ ب فەرمی داخوازا ئێکگرتنێ ژ گۆڕانێ کر، بەلێ بەرپرسێن گۆڕانێ ب توندی بەرامبەری ڤێ داخوازیێ هاتنە دەنگ و ئەڤ چەندە رەتکریە کو ئەو بزاڤا گۆران رادەستی چ پارتان ناکەن.
