ب ئه‌گه‌رێ هه‌رفتنا خانیه‌كێ كرێكاره‌كێ گیانێ خوه ژ ده‌ستدا و ئێكێ دى ژى بریندار بوو
ئه‌ڤرۆ نیۆز،عه‌زیز ره‌سۆل هه‌ورامانى:
په‌یڤدارێ پۆلیسێن گه‌رمیان راگه‌هاند كو ئه‌ڤرۆ 28/5/2017 ل ده‌مێ كاركرنێ دا خانییه‌ك هه‌رفت ب سه‌ر دو كرێكاران دا و د جهدا كرێكاره‌كێ گیانێ خوه ژ ده‌ستدا و ئێكێ دى ژى بریندار دبیت.
عه‌لى جه‌مال بۆ ئه‌ڤرۆ نیۆز دبێژیت:ئه‌ڤرۆ رۆژا ئێكشه‌مبى دو كرێكارا ل گوندێ كه‌واچه‌رموى یێ سه‌ر ب ناحیا رزگارى ڤه و ل ده‌مێ كاركرنێ سه‌قفێ خانى ب سه‌ر دا دهێت و كرێكاره‌ك گیانێ خوه ژ ده‌ست دده‌ت و یێدى ژى بریندار دبیت.
په‌یڤدارێ پۆلیسێن گه‌رمیان ئه‌و ژى گۆتیه:كو ئه‌و كرێكارێ گیانێ خوه ژ ده‌ستداى ناڤێ وى(محه‌مه‌د حسێن)ه و ژیێ وى 20 سالن و خه‌لكێ قه‌زا كه‌لاره.
په‌یڤدارێ پۆلیسان هه‌روه‌سا دیاركر ژى:ب ئه‌گه‌رێ وێ روودانێ و ل دووڤ ماددێ 411 خۆدانێ خانى یێ هاتیه ده‌ستگیركرن و نوكه ژلایێ پۆلیسێن گه‌رمیان یێ هاتیه زیندانکرن.
