بانكا ناڤەندیا عێراقێ بڕیارەکێ د بەرژەوەندیا هەرێما کوردستانێ دا ددەت
ئەڤرۆ نیۆز،زنار تۆڤی:
بەرپرسەکێ بانكا ناڤەندیا عێراقێ ئاشكراکر،ل ڤان نێزیکان دو لقێن بانكی دێ هێنە ڤەکرن و دێ قەران دەنە وەلاتیێن هەرێما كوردستانێ ژی. ئەیسەر جەبار پەیڤدارێ بانكا ناڤەندیا عێراقێ بۆ باسنیوز گۆتیە:بریارا ڤەکرنا لقێن بانكا ناڤەندی یا عێراقێ ل هەولێر و سلێمانی هاتیەدان و گۆت:بانكا ناڤەندی یا عێراقێ بریاردایە دو لقێن خوە ل هەولێر و سلێمانی ڤەکەت و بۆ هندێ هاریکاریا دارایی یا هەرێما كوردستانێ بكەت. هەروەسا دیارکریە:نوکە بتنێ كارێ لۆجستی یێن ڤەکرنا وان هەردو بانكان ماینە و ئەڤ بریارە چوویە وارێ جێبەجێکرنێ و چاڤپێکەفتنا فەرمانبەران ژی هاتیەکرن و بتنێ مایە کو ئاڤاهی بهێتە دیارکرن و کارێن لۆجستی بهێنە جێبەجێکرن و ل ڤان نێزیکان ئەڤ دو لقە دێ هێنە ڤەکرن. هەروەسا بانكا ناڤەندیا عێراقێ دڤی كاریدا دڤێت هاریکاریا كوردستانێ بكەت ب تایبەتی بۆ پێدانا قەران بۆ فەرمانبەران و وەلاتیان و كارئاسانی بۆ ئالوگۆرکرنا دراڤی د ناڤبەرا عێراقێ و هەرێمی كوردستانێ دا. ئەو ژی دیارکریە:پشتی كاركرنا وان دو لقێن بانكا ناڤەندی هەر قەرەکێ ل عێراقێ بۆ فەرمانبەران و وەلاتیان بهێتەدان دێ هەرێما کوردستانێ ژی ڤەگریت.
