نه‌وزاد شێخ كامیل:پشکداریا شاندێ هه‌رێما كوردستانێ د کوربه‌ندێ ئابووری یێ جیهانی دا گرنگیەکا مەزن هەیە
ئەڤرۆ نیۆز،عه‌زیز ره‌سول هه‌ورامی:
نه‌وزاد شێخ كامیل ئابوورناس و سه‌رۆكێ لقێ سه‌ندیكا ئابووری ل سلێمانیێ راگەهاند:پشکداریا شاندێ هەرێما كوردستانێ د کوربەندێ ئابووری یێ جیهانی ل رووسیا گرنگیا خوە هه‌یە و ئەڤ چەندە سه‌ركه‌فتنا ئابووریا كوردستانێ نیشان ددەت.
نه‌وزاد شێخ كامیل زێدەتر بۆ ئه‌ڤرۆ نیۆز گوت:پشکداریا شاندێ بلند یێ حوکمه‌تا هه‌رێما كوردستانێ د وی کوربەندێ جیهانی دا ل وەلاتێ رووسیا بۆ ئابووریا کوردستانێ گرنگیا خوە هەیە،چونکی پتریا سەرکردێن جیهانی تێدا پشکدارن.
ئەو ژی گۆتیە:ئایندەیێ ئابووریا كوردستانێ به‌ره‌ف پێشڤه چوویە و ئه‌ڤەژی بۆ سیاسه‌تا ئابووریا یا حوکمەتا هەرێمێ ڤە دگەریت،کو ب رەنگەکێ سەرکەفتیانە ل گەل وەلاتێن جیهانێ مامەلێ دکەن.
هێشتا دبێژیت:نوکە هه‌رێما كوردستانێ بووویه هەڤبەشا سەرەکی یا ئابووری ل گەل وەلاتێن زلهێز یێن جیهانێ وه‌كی ئه‌مریكا و رووسیا.
